معكرونة بالخضار وصوص الجبنة الشهية...هدية من لبنان لأطفالكم...ولكم كمان :)

[لبنان وحبايبه]

السلام عليكم...

والله من تنزيل المواضيع اليوم ومبارح رقبتي موجعتني وعاملتلي وجع راس الله يعافينا جميعاً..بس صار لي زمان ما نزلت شي بهاد الركن الحلو..

الأكلة اليوم الأطفال كتير بيحبوها والكبار كمان ..طبعاً الأطفال بيفضلوها بدون خضار بس بيمشوا الحال لأن طعم الصوص بينسيهم الخضار...

معكرونة بالخضار وصوص الجبنة اللذيذة!!

المقادير

معكرونة مسلوقة
جزر وبروكولي ، ذرة وبازيلا وفطر...مسلوقين (أنا بسلق الخضار على البخار)

حلاوة هذه الصوص أنها الذ بكتير من البيشاميل وأخف دسم من صوص الكريمة البيضاء وممكن تتحكمي بالدسامة بتغيير المكونات إلى قليلة الدسم وحتى الجبنة...

الصوص الرااااااااائعة

م ك زبدة (ممكن استبدالها بالمرجرين أو الزيت النباتي)
م ك دقيق
2 كوب حليب (ممكن خالي الدسم يلي عاملة ريجيم)
2 حبة جبنة مثلثات (أنا حطيت البقرة الضاحكة )
2 من رقائق الجبنة الشيدر المغلفة (يلي بتكون كل واحدة بوحدتها مغلفة بنايلون شفاف)

الطريقة

تحضير الصوص: نذيب الزبدة ونضيف الطحين ثم نحرك بسرعة بالمضرب اليدوي ونضيف الحليب إلى أن يمتزجوا جيداً ويصيروا متل الكريم...للآن نفس طريقة البيشاميل..

نتركهم يغلوا 3 دقائق ثم نضيف الجبنة مع النحريك المستمر....

لاحظوا إني لم أضيف لا بهارات ولا ملح..الجبنة ملحها كفاية والبهار ما بيحبوه الأطفال..بس ممكن إضافة رشة جوزة الطيب وبهار أبيض..

لما يغلوا مع بعض حوالي 2 دقيقة وتكون دابت الجبنة نعدّل الكثافة..يعني إذا كثيفين كتير ضيفي حليب مع التحريك وعدلي الملح إذا بدك..

ممكن خلط المكونات كلها مع بعض وتقديمها بالجاط المناسب أو إضافة الصوص على الوجه..

أترككم مع الصور...

ما شاء الله ولا قوة إلا بالله

هذا الطبق بالصوص المضاف على الوجه لبنّوتتي

وهذا صحن تاني مخلوط خالص

لا تنسوني من دعواتكم....

آآآآآآآآخ يا راسي

[ام تاليا]

انا اول وحده ترد اليوم والصحن هاد لي .
وايد حلو وصحي وشكله جميل.
الله يجازيك كل خير الغاليه ويسلمك ويبعد عنك الوجع ان شاء الله
وان شاء الله كل اللي تسويه يكون في ميزان حسناتك
ويسلموووووووووووووو

[ام ليانة]

الف سلامة عليك لولو

ومين سمعك .... انا الصداع النصفي ماسكني اله اسبوع مو نافع معاه اي مسكن وما بحب آخذ دواء الشقيقة

الله يعافينا جميعا .... بس والله المنتدى والصبايا بوحشونا ما بنقدر نبعد عنهم

نرجع للسلطة ما شاء الله رائعة جدا .... لما شفت العنوان قلت لولو سبقتني ...ان كمان عملت سلطة مكرونة بالخضار

وانشاء الله انزلها قريب بس مختلفة...... برضه صحية و سلطة تانية اذا قدرت انزلها الليلة ... هذا الركن اله معزة خاصة

عندي .

تسلم ايدك لولو ....ربنا يحميك ويحفظك من كل سوء

[تغريد2007]

الف سلالالالالالالالالالالالالالالالالامه عليك يا قمررررررررررررررررررر عدوينك حبيبى ان شاء الله
حبيبتى ديرى بالك على حالك واسمعى الحكى
الف شكررررررررررررررررررررررررررر حبيبتى
بشهىىىىىىىىىىىىىىىىىىىىىىىىىى

[أم فئ]

ماشاء الله روووعه

[lin003]

يسلموووووووووووو اديك ويعطيك الصحه والعافيه

[سواد العيون]

يسلمو ام ادم على الاطباق الرائعه
وسلامته رراسك
الله يشفيكي قريباااا يارب

[تورتاية بالكريز]

ماشاء الله شكل المكرونة والصوص حلو جدا تسلم ايدكي الحلوة والف سلامة على راسك ياقمر

[ليمونه حلوة]

شكرا اختي لبنان وحبايبه..

وصفه جميله جدا..

شااكره لك ..

لكِ ودي وتقديري..

[ام يااسمين]

الف سلامة عليكى حبيبتى ربنا يشفيكى يارب انتى وام ليانة ويشفى كل مريض فى الدنيا يارب امين
طبقك يجنن وروعة وهعمله انشاء الله تسلم الايادى ياااااااااااااارب والله لا يحرمنى منك حبيبتى

[أم أيموني]

سلامة قلبك يا قمر..

ونورت الركن والله .. شو إحنا ولاد البطة السودا؟

ماشاء الله .. طبق شهي ولذيذ .. يعني انا اول شي بعملو إلي بعدين لأيمن

الله يعطيك ألف عافية يا عسل.. وما ننحرم من وصفاتك في ركننا ..

[أم مــــالــــك]

روووووووووعهع ماشاء الله تسلم ايديكي
انا بصراحه ما بحتار مع اولادي بوكلوا والحمد لله كل انواع الخضار
والسلطه هاي كتير كتير بحبوها انا بعملها بالمعكورنه الحلزون
يسلمووووووو كمان مره على كل ما بتقدمي غاليتي

[barbeta]

ماشاء الله
طبق رائع
يعطيك العافيه
تستاهلى التثبيت حبيبتى

[rawan_d]

سلامة راسك يا عسل .... ان شاء الله معافاية حبيبة قلبي ...
و الله يسلمهم اديكي يا رب .. والله وصفاتك دائما رائعة و لا غنى عنها حبيبتي ....

[roza1]

رائع رائع رائع
تسلم ايدك لبنان

كوب حليب (ممكن خالي الدسم يلي عاملة ريجيم)

مافيهاش رجيم يالبنان مع باقي المكونات
على كل حال الرجيم بيكون فيه يوم أجازة , ممكن تناول الأطباق الرائعة هذه في هذا اليوم