كيف حالكم يا صبايا ان شاء الله بخير والحمدلله
عملت قبل كم يوم .. سلطة حمص
وحبيتت تشاركوني فيها .. لانها كتير طيبه .. ومفيده
المقادير
كوب حمص مسلوق أو اكثر
حبة بصل تقطع لشرائح صغيره
حبتان طماطم مفرومات خشن
سن ثوم مطحون
زيت زيتون
عصير ليمون
رشة (ملح .. كمون .. حسب الرغبه )
كزبره للتزيين
فليفله حمرا خضرا صفرا للتزيين ان توفر
الطريقه
تخلط جميع المقادير السابقه
وتزين بالنهايه بالفليفله والكزبره
ههههههه كتيير تعبت فيها صح
هاي الصور حبيباتي
يعني بالعاده الحمص اللي بعمله بطحنه .. وبحط عليه شوية حمص حب مع طحينه وزيت زيتون
بس اول مره اعمله كله حب .. وهاي صاحبه الي حكتلي اعمليها هيك وطلعت طيبه كتير
جربوها .. الا ازا بتعرفوها هاد شي تاني ..
طب لو بتعرفوها ليه ما بتحكولي عنها
هههههههههههه داخله فيكم شماااااااال .. بمزح والله
دمتم بحفظ الله يا احلى صبايا
السلام عليكم ورحمة الله وبركاته
الروابط المفضلة