دى طريقة للفراخ مامتى ربنا يخليها كان بتعملهلالنا لما نزهق من الفراخ البانيه
بصراحة الاخت نور الهدى هى اللى فكرتنى بيها
طبعا انتوا مستغربين من اسمها بس انا و اختى اللى سميناها كده عشان هى زى الكباب حلة بالظبط بس دى بالفراخ و الكباب حلة باللحمة
نجيب صدور فراخ مخلية من العظم
نقطعها مكعبات و نغسلها بميه و ملح و خل
نجيب بصلة مبشورة و نحطها فى حلة و عليها ملح و فلفل و ممكت شطة او معلقة كركم او معلقة كارى حسب ذوقك
نشوحها فى معلقة سمن لغاية ما تصفر
نضبف صدور الفراخ و نشوحها لغاية مالونها يتغير
نوطى النار و نضيف كوب صغير ماء و نسيبها تغلى
على فكرة هى بتستوى بسرعة
بتتاكل جنب رز حبة و حبة او رز اصفر بالكارى او الكركم
الروابط المفضلة