* شعار طبق متميز*سلطة الناتشوز المكسيكية ... وطبق خضار سوتيه من مطبخ ام ليانة
.. بسم الله الرحمن الرحيم ..
كيفكم صبايا .... وشو اخباركم .... طبقنا اليوم خفيف ولذيذ وصحي
بدي آراءكم الحلوة وان شاء الله يعجبكم
قبل يوم كان عندي اكل بايت وطبعا لازم اشي جديد معه علشان يعجب افراد الاسرة المصونة
فعملت الهم سلطة الناتشوز المكسيكية اكيد الي راحوا مطاعم مكسيكية اكلوها قبل هيك وهي سلطة كتير لذيذة وسهلة بس بتختلف طريقتها من مطعم لاخر بس بضل الها النكهة المكسيكية والطعم المميز
وطبعا عملت جنبها خضار سوتيه .... انا كتير بحبها وبفضل اعملها باستمرار لما أزهق من الاكل العادي
انا طولت عليكم كتير خلينا اولا بسلطة الناتشوز بسم الله نبدا
*** المقادير ***
كيس رقائق ناتشوز دريوتس بنكهة الجبن ( Doriotos )
ادا بتقدروا تجيبوا سادة بيكون اطيب ويباع في محلات السوبرماركت الكبيرة متل الدانوب بس انا رحت قبل يومين ما لقيت
جبنة الناتشوز وهي جبنة مخصوص للناتشوز وموجودة في قسم البهارات المكسيكية في منها النوع الحار والعادي وطعمها كتير لذيذ بالنسبة الي
علبة فاصوليا حمراء
2 بصلة خضراء مقطعة شرائح تحيفة
2 م ك كزبرة خضراء ناعمة
كبيس فلفل حار مقطع شرحات
حبة طماطم كبيرة جامدة مقطعة مكعبات صغيرة
القليل من شرائح الزيتون الاسود ( انا ماضفته ماكان عندي للاسف )
لحمة مفرومة ومطبوخة مع بصل ومبهرة ببهارات مكسيكية او بهارات عادية او بهارات التاكو
يعني حوالي 150 جرام او حسب رغبتك
القليل من جبنة تشيدر متل كرافت مبشورة + م ك كزبرة خضراء ناعمة للزينة
*** الطريقة ***
تصف قطع الشيبس بطبق التقديم كما في الصورة
وتكون القطع الصحيحة على الاطراف اما القطع المكسرة توضع في المنتصف ويرش عليها من جبنة الناتشوز
يضاف القليل من الشطة السائلة على الفاصوليا ثم نخلط البصل مع الفلفل الحار وملعقتين من
الكزبرة الناعمة
نضع الفاصوليا مع الشطة الحارة فوق الناتشوز اول شي ثم البصل مع الفلفل والكزبرة
ثم شرائح الزيتون الاسود وبعدها الطماطم
كما في الصووووووووووووورة
وبعد ذلك نضيف قطع اخرى من الناتشوز حول المكونات ثم نضيف اللحم المطبوخ والقليل من الجبن المبشور على الوجه ونزين الوجه ايضا بالقليل من الكزبرة الناعمة
ليكون الشكل النهائي للطبق كالآتي
شايفين كيف الجبنة المخصوصة للناتشوز رشيها على الرقائق طعمها كتير طيب ولذيذ
وهنا طبق الخضار السوتيه وطبع انتو عارفين كيف الطريقة واذا بدكم الطريقة انا تحت امركم
وهذا مني الك غاليتي وعوووووووووود انا عارفة انو حيعجبك كتير ههههههههههه
وهاي الطبقين معا علشان الردود الحلوة ... كمان دعواتكم الحلوة يا غاليين
هيك انتهى طبقنا لليوم ان شاء الله يعجبكم
المهم الاكل البايت فضل متل ماهو وقضوا على الطبقين وكان في كمان طبق اضافي من الخضار وضفتله بقية علبة الفاصوليا الحمرا لاني ما استخدمتها كلها
ملاحظة قبل ما انهي الموضوع بعض المطاعم بضيف صلصلة حمرا على اللحم بس انا ذقته هيك اطيب واخف
وبعدين قبل ما انسى الطبق لذيذ بس كتير حار ممكن تخففوا الفلفل الحار بس بالنسبة الي ميزته بالفلفل الي فيه ههههههههه وبعدين السلطة تاكل برقائق الناتشوز لا تنسوا ههههههه
صحة وهنا حبايبي
ودمتم بالف خير
رد مع الاستدلال
اعذروني لغيابي 
*
*
كتبت بواسطة um almajd
الروابط المفضلة