أخباركوا ايه انشاء الله تكونو بخير وبصحة ولله أقرب
هقدم ليكم كنافة دمياطي بتتشابه كتير مع الكنافات التانيه يللاا اتفرجوا
بصراحة انا كنت بعملها بطريقة غير لحد ماتعلمتها من صاحبتي الدمياطية برده.. وطلعت جنان وزي مابيقولو التلميذ فاق استاذه
المقادير:
علبة كنافة مجمدة وانا بتعمد اجمدها وبعدين افركها وهي مجمدة اسهل واسرع بعد ماافركها لازم تسيبيها تفك التجميد كويس
سمن زي ماتحبوا وممكن تدخلو زيت وتقللوا من السمن
بندق انصاف
4 م\ ك سكر
شيرة باردة اقلها كوب مثلا
الحشو:
حشوة مهلبية بالقشطة معروفة:
2 كوب حليب
1م \ ص ماء ورد
فانيليا
2 م \ ك نشا
(حطيهم على النار من غير سكر اكيد لحد متبقى مهلبيه)
ضيفي نص علبة قشطةوقلبي جيدا
الطريقة:
سهلة وبسيطة
تجيبي الكنافة الي فركتيها وتدعكيها كويس بالسمن وملاعق السكر لما تحسي انها شربت سمن تمام جدا مهم ياجماعه عشان الكنافة ماتفرطش
تحطي سمن برده في الصينية بس مش كتير(سمن سمن سمن قلة ادب مش كدا
)
هتشوفي في الصورة تحطي البندق على الوجه المقطوع
تحطي كنافة كتير مع الضغط كويس في القاع وكمان على جوانب الصينية اكبسي كويس عشان ماتطلعش المهلبية
نضيف المهلبية ونغطي بطبقة كثيفة من الكنافة ونضغط خفيف
وبردة شوية سمن على الوجه
طبعا بيفيض شوية كنافة بشيلهم بالفريزر
حطي الكنافه في الفرن على درجة حرارة هادية جدا 150 او اقل كمان
سيبوها براحتها وارفعوها عشان متتحرقش من تحت
وشغلي الفرن بعد الفرن الشوايه انا بصراحة بسيبها ساعة عشان تستوي كويس
بعد ما تتحمر الكنافة..صبي عليها الشيرة ودخليها تاني الفرن 10 دقائق برده فرن هادي
طلعيها وسيبيها تهدى خالص وبعدين اقلبيها واسقيها شوية شيرة كمان
قطعيها وبالهنا
زي ماشفتوا بتطلع زي قالب الكيك
بصحة وعافية
●•°حلى متميز°•● ****صينية كنافة دمياطي للحبايب****
رد مع الاستدلال
كتبت بواسطة soso22
الروابط المفضلة