شعار₪وصفه متميزه₪السفرجلية ورز تفضلوا تعرفوا عليها

[shahed60]

السلام عليكم ورحمة الله وبركاته

بسم الله الرحمن الرحيم

رح قدملكم طبق سوري اكيد غريب شوي بس نحن بسوريا منعملو كتير خاصة بالمنطقة الشمالية وبالتحديد اهل حلب كتير بيعملوه

وبينعمل بطريقتين:

كبة بسفرجل

السفرجلية الي بتكون باللحم المسلوق

وهاي الطريقة الي رح قدملكم اياها وان شاء الله بس اعملها بالكبة اكيد رح نزلها لعيونكم

المقادير

نصف كيلولحم هبر مقطع مكعبات
3 حبات سفرجل مغسول ومقطع مكعبات (انتبهي لازم يكون بقشره)
ملعقتين دبس رمان
3 ملاعق دبس بندورة
ملعقة كبيرة نعناع يابس
4 فصوص ثوم مقشرة ومقطعة
طبعا ملح وماء كافي لسلق اللحم

ماما بتتحط سكر ف انا بعمل متلها بضيف ملعقة سكر هلق بقولو سكر مع ملح وحمض اكيد البنت جنت بس جد بيطلع طيب كتير بس بدو ناس ذواقة بس طبعا ملعقة وحدة وحــــــــــــــــــــــــــــــــــــــــدة ولا تكتري تفكري حالك عم تعملي قطر

االطريقة
توضع الللحمة مع ماء في قدر وتوضع على النار وترفع الزفرة (الرغوة ) عند ظهورها ثم يضاف دبس الرمان ودبس البندورة والنعناع اليابس والثوم وتترك على النار حتى استواء اللحمة انا اخدت معي ساعة وربع على نار متوسطة و بتكون اللحمة هون تشربت الحمض وصارت طرية كتير

تضاف قطع السفرجل والملح والسكر وتبقى على النار تقريبا تلت ساعة

وتقدم ساخنة مع الرز وعوافي ع قلوبكم

وهذا شكلها بعد ما انسكبت

جربوها اكلة معتبرة معتبـــــــــــــــرة

دعواتكم والسلام

[RANDA 1959]

اخت شاهندة يا عسل اشكرك علي الوصفه هاي من اطباق اهل حلب السفرجليه اكيد من يدك احلي واطيب يسلموااااا وهلا متوفر السفرلاجل وكنت حابه اعرف مقاديرها لان كنت اسمع الجارات الا من حلب يحكواا عنها وعن انها طبق خاص بيه اهل حلب يسلمواااااااااااااااااااااااا

[yehia2007]

انا مش عارفه ايه هو السفرجل اصلا ياريت حد يعرفنى ويقولى على شكله او يحط صورته وصورة مربى السفرجل
لو سمحتو

[حنان(البحرين)]

تسلم ايديكِ حبيبتي على الأكله الطيبه

[#جاردينيا#]

مشكورة حبيبتي شهودة على الطبق المعتبر....

[ymk200380]

تسلم إيدك

[ام ليانة]

مشكوووووووووووووووووور ام شهد على الطبق الشهي

طبق جديد علي بس باين اشي مرتب

الله يسلم ايديك ويسعدك يا قمر

[أم فئ]

سلمت يديك

[mametooo]

سلمت يديك شكله بيشهي
كنت أسمع عن هذا الطبق
أخيراً عرفته

[shahed60]

اخت شاهندة يا عسل اشكرك علي الوصفه هاي من اطباق اهل حلب السفرجليه اكيد من يدك احلي واطيب يسلموااااا وهلا متوفر السفرلاجل وكنت حابه اعرف مقاديرها لان كنت اسمع الجارات الا من حلب يحكواا عنها وعن انها طبق خاص بيه اهل حلب يسلمواااااااااااااااااااااااا

تسلمي حبيبتي كلك زوق وهاي اجتك الطبخة ع رجليها
ع فكرة انا بحط مونة منو وذلك بتقطيعه ووبسلقه ع البخار وبفرزه

جربيها ورح تدعيلي اكيد لان السفرجل طيب كتير حتى بدون طبخ

[shahed60]

انا مش عارفه ايه هو السفرجل اصلا ياريت حد يعرفنى ويقولى على شكله او يحط صورته وصورة مربى السفرجل
لو سمحتو

تكرمي حبيبتي هاي صورته متل مانك شايفة هو بيشبه التفاح ولكن بتلاحظي على القشرة طبقة متل الطبقة الي بتكون على الدراق
طعم السفرجل حامض والحوامل بحبوه كتير لانو طعمه عطري و لاعتقادهم انو السفرجل بيخلي المولود جميل (طبعا كلام نسوان وهو عتقاد خاظئ )



اما عن مربى السفرجل رح ابحث في المنتدى لان من فترة قصيرة احدى الاخوات كانت منزلته واي سؤال نحن بالخدمة

[shahed60]

تفضلي اختي هاي طرق للمربى
هون انتبهي الى رد الاخت الباجوري في روابط افتحيها

http://www.lakii.com/vb/showthread.php?t=239347&highlight=%C7%E1%D3%DD%D1%CC%E1

http://www.lakii.com/vb/showthread.php?t=370060&highlight=%C7%E1%D3%DD%D1%CC%E1

[shahed60]

تسلم ايديكِ حبيبتي على الأكله الطيبه

الله يسلمك يا رب
وشكرا لك على مرورك العطر وتشجيعك الدائم

[shahed60]

مشكورة حبيبتي شهودة على الطبق المعتبر....

تسلمي على مرورك المعتبر ههههههههه

شكرا لتواسلك نور موضوعي

[lone~ly]

تسلم الايادى

من ايدين ما نعدمها


اكيد طيبه لانها منك