شعار₪طبق متميز₪ الطباخ روحو... أكلة سورية ولبنانية لذيذة..من مطبخي وبالصورة!

[لبنان وحبايبه]

أخواتي الحبيبات...

هذه الطبخة شهيرة بسوريا وبلبنان بيقولولها لحمة بالصينية وما بعرف ليش بالصينية مع انها بالطنجرة..يمكن كانوا من زمان يعملوها بالصينيية .. وبما أنو الوالدة شامية فأنا تعودت اقولها طباخ روحو

الطريقتين كتير بيشبهوا بعضهم وانا راح أقولكم الوصفتين..

الطباخ روحو

المقادير

بصلة مقطعة جوانح
باذنجان، كوسى، بطاطا، بندورة، فليفلة خضراء، جزر ولوبيا خضرا (فاصوليا) كلهم مقطعين
بازيلا خضراء أو مثلجة مو مشكلة بس أكيد مش معلبة
حمص حب مسلوق (حسب الرغبة يعني مش أساسي)
لحمة موزات أو شقف مسلوقة بالبصلة والبهارات ونشيلها قبل الإستوا التام بشوي مشان تستوي مع الطبخة
رب أو صلصة البندورة
ثوم مفروم
ملح وبهارات مشكلة

الطريقة

نحضر كل الخضراوات، لسا كنت ما حطيت اللوبيا

أنا ما كترت بندورة لأني ضفتلها بندورة مهروسة كمان عشان الأولاد ما بيحبوا البندورة الشقف بالطبخ

في طنجرة نضع شوية زيت ونضع البصلة ثم الثوم وبعدين نضع الباذنجان ونقلب 5 دقائق ثم نضيف كل الخضار ما عدا البطاطا لأنها بتستوي بسرعة..
نقلبهم جيداً 10 دقائق ونضيف البهارات واللحم والمرق ورب البندورة وانا ضفت حمص كمان .. ونتركهم إلى أن تستوي الخضار ثلاثة أرباع الإستوا يعني شي نصف ساعة أو شوي أكتر ونضيف البطاطا وندعهم إلى ان يستووا جميعاً...

ملاحظة:أوقات نضيف القرع أي الياقطين يلي متل الكوسى أخضر..

تؤكل إما بجانبها الرز الأبيض أو بالخبز فقط..وطبعاً لا تحلو من دون ما ناكل جنبها الفليفلة الخضراء الحلوة والحار المكبوس

بالنسبة للطريقة السورية...عند تقليب الخضراوات (بصل كوسى باذنجان وبندورة...) في البداية يضيفوا تمر هندي وآخر شي يضعوا نعنع ناشف وثوم مدقوق..

أترككم مع الصور...

في الطنجرة

خلصت الطبخة
ما شاء الله ولا قوة إلا بالله

وأكيد هاد صحني لأني بشيل اللحمة وباكلها بالخبز العربي وشوية فليفلة وحر....

اتمنى تجربوها ..كلها خضار ومفيدة وطيبة..

ادعولي وان شاء الله لكم بالمثل

[حنان(البحرين)]

تسلم ايديكِ حبيبتي لبنان على الطبخه الشهيه يعطيكِ العافيه

[#جاردينيا#]

ما شاء الله لبنان اكلة بتشهي...

[soso22]

هادي هي اكلة طباخ رووووووووحووووووووووو


تسلم ايدك عليها ياقمر
شكلها طيبه كثير ولذيذه

ان شاء الله بجربها

ابدعتي

[ام جودت]

يسلمو هل ايدين يا لبنان و صحة وهنا

[lone~ly]

تسلم ايديكى لبنان


هيا اكيد طيبه لانها منك


وشكلها مشهى


جوعتينى


وصحه وهناوبالعافيه

[ymk200380]

تسلم ايديكِ حبيبتي
ما شاء الله

[شام العرب]

ماشاء الله عنك لك شوهيدا الطيب من دياتك الله يكرمك ويكرمنا ويكرم كل روح فيها لله منقول امين

[أروي]

تسلم ايديكي

تشبه اكله عندنا في ليبيا وانا اموت فيها اسمها طبيخة الخضار

[(( ام ماهر ))]

يعطيك العافيه حبيبتى

مميزة يا قمر

جزاك الله كل خير

[أم فئ]

ما شاء الله
تسلم الأيادي

[yehia2007]

تسلم الايادى الحلوه يا قمر
فعلا طبخه جميله عجبتنى كتير ان شاء الله اعملها انا بحب مجموعة الخضار المشكله تسلميلى حبيبتى

[RANDA 1959]

اهلا لبنان واحنا حبايبك الله يسلم هالديات علي الاطباق الحلوة منك ويسلموااااااااااااااا

[ام ليانة]

تسلم الايادي لولو

طبق كتير شهي ومفيد

الله يسعدك يارب وما يحرمنا من هالايدين الي بطلع النا هالروائع يا عسل

[إنجــــــــي]

بجد مش عارفة كيف اشكرك حبيبتي لولو
الي فترة بافكر شو بدي اطبخ لناس اصحابنا
هم كبار في السن و الرجل مريض بالقلب
و طالع من المستشفى جديد
و كنت بدي ابعتلهم طبخة
جديدة و خفيفة و تكون فيها مرقة
اجت طبختك في محلها
لانها خفيفة و قليلة بهارات
و غالبا اني ان شاء الله راح اعملها الهم
و ازا ما عملتها راح اعمل الدجاج بالبطاطا ههههههه

يسلمو ايديك انا باحب الاكلات اللي كلها خضراوات ومفيدة هيك
مع اني ما ياحب اللحمة كتير