انا ان شاء الله هكتبلكم اكلة سمك سهلة و بسيطة و متكاملة
يعنى ان شاء الله هكتب
سمك فيليه مقلى
سمك مشوىفى الفرن
رز السمك
رز بالجمبرى
جمبرى مسلوق
جمبرى مقلى
سلطة طحينة جنب الاكلة الحلوة دى
بس هكتبهم ان شاء الله على مراحل عشان الوقت
وتابعوا معايا ان شاء الله
اولا الفيليه المقلى
نجيب السمك الفيليه و نغسله كويس بماء و ملح و نشطفه و نحطه فى علبه و نحط عليه التتبيلة دى
ملح -فلفل اسود-توم مفروم-ليمون-كمون-كركم(اختيارى)
نحطه فى التلاجة حوالى 4 ساعات و بعدين نحطه فى (دقيق على بقسماط) و بعدين نقليه فى الزيت
ثانيا السمك المشوى فى الفرن
نجيب سمك عادى يعنى مش فيليه (ممكن فيليه مافيش مشكلة)
نغسله كويس
نجيب صينية و نفردها بورق فويل (عشان ماتتزفرش) و ندهن الفويل بالزيت
نحط السمك و عليه التتبيلة دى
ملح -فلفل اسود-توم مفروم-ليمون-كمون-كركم(اختيارى)-معلقتين زيت
نغطى الصينية بفويل
نحطه فى التلاجة حوالى 4 ساعات
وبعدين ندهن السمك بمعلقة زيت و نغطى الصينية و ندخله الفرن حوالى تلت ساعة
نشيل الغطاء و نسيبه كمان 10 دقايق فى الفرن او تحت الشواية
بالهنا و الشفا .........
يتبع ان شاء الله
الروابط المفضلة