البفتيك ده مافيش اسهل منه
طبعا يا ستى انتى هتجيبيه من الجزار متقطع جاهز
تشطفيه بس تحت الماء
تجيبى بصلة و تبشريها وتمسكيها فى ايدك و تعصريها فى علبة و خلى البصلة بعد ماتعصريها تعملى بيها صلصة الطماطم للمكرونة مثلا
ماء البصل بقى اللى فى علبة ضيفى عليه معلقة خل و عصير ليمونة و ملح و فلفل اسود و ممكن معلقة مستردة بتدى طعم حلو اوى
تحطى البفتيك فى التتبيلة وتسيبه فى التلاجة ساعتين على الاقل و بعدين تجيبى بيضة و ترضبيها بالشوكة و تحطى فيها البفتيك وبعدين تحطيه فى البقسماط المطحون (ممكن تحطى شوية دقيق مع البقسماط)
و بعدين تقليه فى الزيت
الروابط المفضلة