كبدة بالصلصة سهلة و سريعة

[azmiralda000]

الاكلة دى يا جماعة بعملها كل ما اتزتق و ما الاقيش حاجة اعملها لأنها سهلة جداااااا و سريعة و ممكن تنفع عشا و ممكن تعمليها سندوتشات للاولاد للمدرسة


هى عبارة عن كبد او قلوب او قوانص الفراخ او كلهم مع بعض (نص كيلو)
بصلة متوسطة مبشورة
فصين توم (اختيارى)
ملح و فلفل اسود
رشة قرفة صغيرة
4 ملاعق كبيرة زيت
2 معلقة كبيرة صلصة طماطم جاهزة

ننضف الكبد و نقطعها قطع صغيرة و نحطها فى مصفاة و نغسلها تحت الماء الجارى و نسيبها تتصفى
نبشر البصلة و نحطها فى الحلة
التوم لو حطيناه بيدى طعم حلو لكن لومش بتحبيه بلاش منه, ممكن نبشره, او انا شخصيا بحطه صحيح عشان يدى الطعم و بعد ما تستوى بشيله لأنى مش بحب اكله
نحط على البصل و التوم الزيت و الملح و افلفل و القرفة
نولع النار و نقلب المكونات شوية لغاية ما البصلة تصفر و تدبل شوية
نضيف الكبد و نقلب لغاية ما لونها يتغير
نوطى النار و نسيبها 10 دقايق
الكبدة هتنزل ماء نحط الصلصة و نقلبها كويس و ندوبها فى ماء الكبدة
نسيبها على النار كمان 10 دقايق و بالهنا و الشفا

ممكن ناكلها بالعيش او جنب رز ابيض او رز بالكركم
لو بنحب الراق ممكن نضيف فى السواء شطة
ممكن كمان بعد ما تستوى نكسر عليها بيضتين و نقليهم بتبقى حلوة اوى
ممكن تتعمل بنفس الطريقة من غير صلصة و ممكن بدل الصلصة نحط معلقة دقيق عشان يتقل الصوص بتاعها شوية

[حنان(البحرين)]

تسلم ايديكِ حبيبتي على الوصفه الطيبه

[# فدائية #]

السلام عليكم ورحمة الله وبركاته
حلوة جدا وبالهنا والشفا على قلبك ، وتسلم ايدك
وممكن تكتبى لى طريقة الكبدة الاسكندرانى الحريفة
ولك جزيل الشكر

[azmiralda000]

مشكورين على المرور, و الاخت توشكاية الكبدة الاسكندرانى بتتعمل بكبدة الغنم او العجل و الاخت ملك المالكى كاتبها فى موضوع الاكلات المصرية

[ymk200380]

تسلم الأيادى والأفكار

[shahineze]

machkora wasfitik jat fi wa9tiha

[azmiralda000]

بالهنا و الشفا
\

[* نور هدى *]

سلمت يداك
طريقة سهلة وتبدو لذيذة

[azmiralda000]

الله يسلمك يا نور انشالله تعجبك الوصفة

[سارة هانى]

والله انا بعمل نفس الطريقة بس بحط كلة على بعض بس الصلصة بتدى طعم رهيب لدرجة انى عملتة مرة شندويتشات ورحت عند حماتى افتكرت انى شرياه جاهز طول ماهى بتاكل واتصدمت لما عرفت انى انا الى عملتها ودى كانت اخر مرة تقول قيها ان الاكل حلو لحسن يطلع انا الى عملاه طبعا لازم يكون اكلها هى احلى
الف شكر فكرتيى بيها

[دعوه شخصيه]

تسلم يدينك اختي فعلا سريعه
لان الكبده ماتاخذ وقت...

[omroro-4]

تسلمي الف شكر

[لولو35]

مشكووووووووووورة

[صافي الود]

جزاك الله خير طبق سريع ولذيذ
تسلم الأيادي

[السفيرة99]

سلمت يداك ياقمــــرر

ومشكووورة على الطبق الرائع