|
للبحث في شبكة لكِ النسائية:
|
عضو نشيط
سامحين يا رواد والله الموضوع للفضفضة با لك ا لواحد يتهون اشوي منك السماح يا اوخيتيكتبت بواسطة RAWAD
وا العريس اتبوس ايدياتك اقريب اتصكر ست اشهور ما شاء الله والعيد لصغاراحني شن لحقنا منه ان شاء الله غير الدعاة اشرتلها 3 ابدلاة وا بوه كان في العمرة العقبةعندكم جابلها 6 ابدالي
غير اكبار اشوي متع 3_4 اشهور تانيات ان شاء الله
وا الصور والله ما نعرف انزل الصور ان شاء الله اتروح للت عيني بنت بلادي بعدين ادلالييا حبيبة
عضو نشيط
الله ايسلمك يا احبيبة والله ابخير اني وا ابنيتي
ربي ايهون اعليك وا اعلي الامة الاسلامية اميييييييييييين
وا بنت ابلادي
او خاصة لما اامشي (بعلي ربي يحفضة للعمرة )اشوي وا انرقد اهو وا الحمد لله ...
مُبدعة صيف 1430هـ "فنانة المعجنات"
السلام عليكم و رحمة الله و باركاته
كيف حالكم ياعويلة و كل عام و انتم بخير و سعادة و كل عيد الي الله اقرب و الي الجنة اسبق
بارك الله فيك ام منذر على هاللمة الحلوة من كم يوم قلت خيرهم العويلة ماعادش تلموا زي قبل و لا فيه دويرات و لا شيء اللطف بس ماشاء الله عليك مانسيتيش حد مننا ربي يهنيك و يحفظك لعويلتك
رواد سلمك نشادة كيف حالك و حال عويلتك ربي يشفي اوخيك و يطعمه بالصحة و العافية
رواد (و سلام خاص خاص خاص جدا ..
ل ...حنونه
وينك ينك يا حبيبه .. اليوم من الصبح و انى نفكر فيك (ان شاء الله يجى يوم و نقولك علاش )
شن شن فيه ان شاء الله خير شوقتيني انتِ قصدك اني مش حد تاني هههههههههههههه
ام منير كيف حالك و حال مولا بيتك و صغويرتك
الفالحة باهي باهي مش لازم نكمل , لو تفتحي دويرة رمضان تلقيني توقعت انك باجازة هههه بعدين نقولك كيف عرفت كل عام و انتي بخير و عويلتك بخير
جنان كيف حالك ياوخيتي و حال عويلتك ربي يشفي اميمتك و ينوضها بالسلامة يارب
ام عبيد الله ماشاء الله علي ايدياتك و الف صحة يارب بس ياخسارة صورة الكيكة مش طالعة و اني في خاطري نشوفها على قد ما حكتلي عليها ام منير
جوري كيف الحال و حال الكيكات معاك ههههههه كل ما نشوف اسمك تجي كيكاتك قدام عيوني ربي يعطيك الصحة و الهني يارب
بيبي دوح كيف حالك ربي يرحم اوخيك و يغفرله و يسكنه فسيح جناته و يصبرك على فراقه ياررررب
اروى اوخيتي كيف حالك توة ان شاء الله احسن و كيف حال اوخيتك روحت لحوشها؟ ربي يصبرها و يصبركم و يعوضها خير ياااارب
ليبية مغتربة كيف حالك و حال البيبيات ربي ينوضك بالسلامة و ماعادش تفضيلنا وقتها ههههههه ربي يحفظك و يحفظهم
ام طلحة كيف حالك و وينك ماعادش بنتي بالمنتدى كيف حال اميمتك ان شاء الله بخير توة و احسن؟
بنت طرابلس كيف حالك و صحيتي على الكيكة تهبل تسلم ايدياتك
باتريسيا هلا ببنية الشرق وين غطستي و الا رمضان و قراية ربي يعينك ياحبيبة وكل عام و انتِ بخير و اسرتك بخير
نورة الجزائرية بارك الله فيك و كل عام و انتِ بخير
the 7th angle هلا بيك و مرحبتين معنا ماشاء الله تتكلمي ليبي يالا شرفينا و هدرزي معانا مرة مرة
ليبيا العز كيف حالك ان شاء الله بخير و ربي يهنيك و يحفظك
ياعويلة ربي يردكم سالمين لدياركم و اماليكم و علي قولت اوخيتي كله يقعد خراف
على فكرة ياعويلة على اخر مكالمة لبنت بلادي تسلم عليكم هلبة و تقول انها مروحة بعد العيد باسبوعين ربي يحفظها و شكلها بيني و بينكم مش حتعاود انها ترمضن هني ههههههههههههههههههههههه رمضان هني تعب و ارهاق و شكلهم طلعوه من عيونها هههههههه
بس ياريت نتلاقى معاها و الله خاطري نتعرف عليها شكلها حبوبة
باقي العويلة كيف حالكم ان شاء الله بخير و سعادة
و توة نحكيلكم علي الجو عندنا تالت يوم العيد مطرررررررررررررررررر ههههههههههههه
يعني كالعادة العيد الجو ماشاء الله عليه و بعدين جتنا مطيرة و طبعا حضرتي كليتها بردة مش عادية و قاعدة نعاني منها ( مش تحسابوا مرضت من المطر هههههه لا لا حاشاكم ضربني المكيف )
هدا لاش ماعادش خشيت هلبة للنت نخش ربيع ساعة مرة مرة و نتلوح نتسخسخ حرارة ربي يعين
يالا توة في امان الله
مُبدعة صيف 1430هـ "فنانة المعجنات"
هدي فطيرتي بس مش بالعسل بالقلايا هدي من اكلاتي المفضلة
http://www.lakii.com/vb/showthread.php?t=367389
و هدي شكيليطة من الحلويات اللي نزلتها على المنتدى
http://www.lakii.com/vb/showthread.php?t=364790
و هدا الدبلج
و هدا المبطن يالغاليات
http://www.lakii.com/vb/showthread.php?t=367405
و هدا ملف المعجنات
http://www.lakii.com/vb/showthread.php?t=363257
و هدا رابط ملف الحلويات شرفوني فيه بأرائكم
http://www.lakii.com/vb/showthread.php?t=361811
و هدا ملف الاطباق الرئيسية
http://www.lakii.com/vb/showthread.php?t=364959
يالا لخاطركم التوصيل مجاني هههههههههههههههههههههه
مدايرة دعاية علي بضاعتي هههههههههههههههههه
النجم البرونزي
أم المنذر
السلام عليكم
كيف حالكم يابنات
كل سنة وانتم طيبين
حبيت نفتح صفحة جديدة للعيد
وياريت تشرفونا وتونسونا برفقتكم
وتطمنونا عليكم
الله يبارك فيك إللي إفتحتيلنا هالدويره ان شاءالله عامرة بذكر الله وبيكم .
وكل عام والجميع بخير من العايدين الفايزين وانشاءالله مامنكم مفقوديارب
.
بنت طرابلس كل عام وانتي وعويلتك بخير والله يعطيك الصحة على هالخبيزة .
الفالحة انشاء الله عيدك مبروك من العايدين الفايزين انتي وعويلتك والله تنفعي مخرجة حق لكن اني وام منير بنديرو الجزء الثاني من مسلسل الهاربة وانتي المقصودة والله غطستي تغطيسة باهية .
ام عبيد الله كل عام وانتي بخير واني حرجانة قاعدة انراجي في حصتي من الدبلة .
ام منير كل سنة وانتي وصغويرتك ومولى بيتك بخير والعقبة لداير .
جنان 2 9 من العيدين الفايزين ا ن شاء الله اللهم اشفي اميمتك شفاء لايغادر سقما يارب .
باترسيا كل عام وانتي بخير .
ليبيا العز كل عام وانتي بالف خير وبنيتك ومولى بيتك ان شاء الله تعيشوا وتجيبوا وتتربى في عزكم يارب . وبالله شنو إلي مش فاقدينه بالنسبة ليا اني فاقدة حتى الهواء متع بلادي وترابها والكبار والصغار والجيران والاحباب اه اه اه اه .
رواد كل عام وانتي بالف خير والاميرات بخير وبوهم والف لابأس علي وخيك الله يشفيه ويبعد الشر عليه اللهم اشفيه شفاء لايغادر سقما يارب والله حاولت نتصل بيك اكثر من مرة ومانفعش لان عندي سلام خاص جداً بيك من انتصار في ليبيا .
.
حنونه كككككككككل عام وانتي بالف خير ومولى بيتك بخير وان شاء الله ربي يفرحك بالي في خاطرك يارب والعام الجاي مجبورة الخاطر يارب .وقداش خاطري نتعرف عليك واول مانمشي للبلاد نشوفك مش عارفة علاش محبة من الرحمن .
ليبية مغتربة كيف حاللك وكل عام وانتي بخير وردي بالك علي روحك توا قربتي انشاء الله على خير والعام الجاي نبو 7 اشكال من الحلويات هههههههه .
أروي كل عام وانتي بخير من العايدين الفايزين في حياة وليدك ومولى بيتك .
مُبدعة صيف 1430هـ "فنانة المعجنات"
النجم الفضي
تجويد كل سنة وانتى بالف خير وعافية هكى يا حبيبة تحرجى من اوخيتك والله كان نعرف كيف نوصلك والله نعطتيك بش الدبلة بس نعطتيك حتى اعيونى يا غالية ههههههههه
ذوقي راقي
السلام عليكمكيف حالكم كلكم وايش اخباركمشنو بديتوا في الصيام والا مازالربي يتقبل منا ومنكم ياااااااارب
جنان كيف حالك ياوخيتي و حال عويلتك ربي يشفي اميمتك و ينوضها بالسلامة ياربالله يسلمك حبوبه وربي مايوريك باس والله كلنا بخير وربي يحفظك ويعطيك ماتتمني
جنان 29 من العيدين الفايزين ا ن شاء الله اللهم اشفي اميمتك شفاء لايغادر سقما يارب .بارك الله فيك وربي يتقبل من ومنكم وربي مايورك باس ان شاء الله
بسم الله الرحمن الرحيم
صيام ست من شوال بعد فريضة رمضان سنّة مستحبّة وليست بواجب ، ويشرع للمسلم صيام ستة أيام من شوال ، و في ذلك فضل عظيم ،
وأجر كبير ذلك أن من صامها يكتب له أجر صيام سنة كاملة كما صح ذلك عن المصطفى صلى الله عليه وسلم كما في حديث أبي أيوب رضي الله عنه أن رسول الله صلى الله عليه وسلم قال : من صام رمضان وأتبعه ستا من شوال كان كصيام الدهر . رواه مسلم وأبو داود والترمذي والنسائي وابن ماجه.
وقد فسّر ذلك النبي صلى الله عليه وسلم بقوله : من صام ستة أيام بعد الفطر كان تمام السنة : (من جاء بالحسنة فله عشر أمثالها ) . وفي رواية : جعل الله الحسنة بعشر أمثالها فشهر بعشرة أشهر وصيام ستة أيام تمام السنة النسائي وابن ماجة وهو في صحيح الترغيب والترهيب 1/421 ورواه ابن خزيمة بلفظ : صيام شهر رمضان بعشرة أمثالها وصيام ستة أيام بشهرين فذلك صيام السنة .
وقد صرّح الفقهاء من الحنابلة والشافعية : بأن صوم ستة أيام من شوال بعد رمضان يعدل صيام سنة فرضا ، وإلا فإنّ مضاعفة الأجر عموما ثابت حتى في صيام النافلة لأن الحسنة بعشرة أمثالها .
ثم إنّ من الفوائد المهمّة لصيام ستّ من شوال تعويض النّقص الذي حصل في صيام الفريضة في رمضان إذ لا يخلو الصائم من حصول تقصير أو ذنب مؤثّر سلبا في صيامه ويوم القيامة يُؤخذ من النوافل لجبران نقص الفرائض كما قال صلى الله عليه وسلم : إن أول ما يحاسب الناس به يوم القيامة من أعمالهم الصلاة قال يقول ربنا جل وعز لملائكته وهو أعلم انظروا في صلاة عبدي أتمها أم نقصها فإن كانت تامة كتبت تامة وإن انتقص منها شيئا قال انظروا هل لعبدي من تطوع فإن كان له تطوع قال أتموا لعبدي فريضته من تطوعه ثم تؤخذ الأعمال على ذاكم رواه أبو داود . والله أعلم .
منقول للإفـاده
يلا ربي يتقبل منكم جميعا
النجم الفضي
السلام عليكم
كيف حالكم يابنات
ماشاء الله على اللمة الحلوة ...ربي يدومها
شن اخباركم وحدة وحدة
ام عبيد الله
يسلموا ايديك على الحلويات حاجاتك تحفة ..وخليتيني انجرب الدبلة
من قبل رمضان وانا خاطري فيها ..وذقتها من وحدة هنا طيرتلي النية
لكن امس تشجعت ..وجربت طريقتك تبارك الرحمن
فيها طعم مش عادي
ليبيا العز
كيف حالك وربي يحفظلك بنوتتك ..والحمد لله على سلامة زوجك ربي يتقبل منه
صحيتي على الموضوع
واول ماقريت كان عندي نية نعلق لكن مالقيتش وقت
والله العيد يجي بمواجعه ..كنا جنب امالينا ونفقد في الغايب منهم
وتوا في الغربة ..مافيه طعم ..انا فاقدة امي اكثر من اي شي تاني
واللي زايدني انها مش صابرة عليا ..لما نكلمها عادي ولما يهدرزوا عليا شن تقول عليا
قلبي بيتمزق ..ان شاء الله يسامحونا ..متعبينهم احنا صغار وكبار
رواد
نورتي الدويرة ياحبيبة ..مرحبتين بيك ..انتي اللي وينك ..كم مرة خليتك مسج ..
كيف حال وخيك ان شاء الله احسن توا
طمنينا
حنونة
بان الهلال ..لاباس عليك ..طهور ان شاء الله ..والله فقدتك هلبة
ربي مايغيبك ..ويسلموا ايديك على الحاجات الحلوة ..
الصراحة نورتي المطبخ في رمضان ..كل مانخش اندور مواضيعك ..حتى مانلقاش وقت نكتب لكن لازم نشوفك
وباهي طمنتينا على بنت بلادي ..قداش مخلية مكانها
ام منير
كيف حالك وكيف الشباب..وماشاء الله على الانجاز ..غير حافظي على وزنك راك تولي زي قبل
جنان
كيف حالك ياحبيبة ..وربي يشفي اميمتك يارب
ومشكورة على الموضوع ..ربي يقدرنا على الصيام
وفيه اضافة للي يبي يصيم الست من شوال لازم يصيم دينه قبل لو عنده ايام من رمضان
قبل صيام الاجر ..ونحاول نحط نص الفتوى
تجويد
كيف حالك ياحبيبة وكيف حال البنيات ..وشن اخبار الفلبين ..
الفالحة
كيف حالك وكيف حال عويلتك ..صار كنتي في اجازة
بصراحة رمضان يبي الحوش ..انا كان نلقي حتى لفطور برا مانطلعش
سوسو
سوسو
سوووووووووووووووسووووووووووووووو
وين غاطسة يامراة طمنينا
آخر مرة عدل بواسطة المنـ أم ــذر : 20-10-2007 في 08:36 PM
زهرة لا تنسى-ريحانة الروضة
السلام عليكم ورحمة الله وبركاته
كيف حالكم كلكم وشن اخباركم وكيف حال صغاركم وسلمكم نشادات يلي نشدو عليا
ان شاءلله مانفقدكم ياربي وخيتكم خلاص معش فيها جهد وحيل لشي خلاص قريب نتم
الثامن في اخر اسبوع وامس قالولي خلاص معش تعطلي تجيبي خلال ها10 ايام
لان بطني معش تتحمل والبنيات مطايقين بعض ادعولي يابنات راني ماعندي حد غيركم
تعرفو اني في غربة وبروحي ادعولي ولله محتاجه لدعواتكم كلكم ربي ينوضي علي خير ونشوف
السنفورات يارب علي خير المهم دكتورتي ليها شهرين تجري في جرتي تبي اديرلي كشف
واني متحشمة منها وقتلها وقت بنجيب ردي بالك نشوفك معاي في حجرة الولادة ولا ديريلي
عملية دكتورتي تونسية وهيا الدكتور فاملي متعنا واني متحشمة منها ومانبيش نخسرها
وامس مشيت للمستشفي باش نشوف الحجرة لي بنجيب فيها لقيتها عاطيتهم علم ان اول مانجيهم
يكلموها واني مانبيهاش تولدني هيا تولدني اي دكتورة تانية ولا متويف ولله متحشمة منها علي الاخر
قولولي وهيا قتلي وضعي طبيعي السنفورات الزوز روسهم تحت لكن اني قتلها نبي عملية
سامحوني طولت عليكم وسامحوني ماقدرتش نرد عليكم بالوحدة والله ماعاد قادرة لا نرقد ولا نقعمز
ولا نوقف الشكوي لله وان شاءلله ليا عودة بادن الله ولاتوا قاعدة ناخد في الحبوب الوحام مايبي يمشي مني كان ماناخدش الحبوب في لصبح وفي الليل اشبح شن يصير فيا
والله المستعان والحمدلله يارب علي كل حال
آخر مرة عدل بواسطة ملكة بنقابي~ : 20-10-2007 في 11:36 PM
أعضاء قرؤوا هذا الموضوع: 0
الروابط المفضلة