ريميه رجعت يا بنات بعد ما جربت مرارة العنز للتخلص من الشعر

[reemeaah]

السلام عليكم
مرحبا بنات كيفكم والله وحشتوني و وحشني المنتدى كثير (الاخت مختفيه من زمان)
المهم في اخت من الاخوات كتبت مره عن مرارة العنز و كيف تساعد على التخلص من شعر الجسم اختكم جربتها ولاحظت الفرق فعلا تخلصت من الشعر بس ترى يابنات يبي لها صبر يعني راح تلاحظون الفرق من اول مره او على حسب نوعية الشعر بس ما راح تقضي عليه نهائيا الا بعد استعمالها اكثر من مره مثلا انا تخلصت من شعر الساق نهائيا بعد 3 مرات من الاستعمال
وطبعا بعد ما تاكدت من النتيجه حبيت اشاركم المعلومه لتعم المنفعه
ملاحظه:
شكر خاص للاخت الي كتبت عن المراره
بااااااااااااااااااااااااااي
أختكم ريميه

[نور الأمة]

لكن ما تضر مع الزمن...

[reemeaah]

أختي نور الأمة المراره شي طبيعي ما اعتقد انها تسبب اي ضرر بعدين ان استعملتها اكثر من مره و على كذا منطقه و الحمد لله ما شفت ضرر بس انصح الي يبي يستعملها اول يجرب على منطقه صغيره و يشوف تناسبه او لا

[الحب الخالد]

اشكرج على نصيحتج

انشالله نجربها

[reemeaah]

العفو الحب الخالد و بالنسبه للطريقه: مرارة عنز تخلطينها مع ملعقه صغيره نشادر و بعد ما تنزعي الشعر من جذوره افركي المنطقه بالمراره.

[الحب الخالد]

مشكوووووووره حبيبتي على الطريقه تسلمين والله فيج الخير

[reemeaah]

تسلمين........هذا من ذوقك

[أم عبدالله وشهد]

جزاك الله الخير ياأختي reemeaah وأبغي أسألج كم المدة الي نخليها والنشادر وين نلقاه من الصيدلية او من السوبر ماركت
اتحملي الأسألة الي بتيج تراج جيتي على الجرح الحساس
اذا نفعت وياي تعرفين شو بسوي بروح وبذبح معز عمي كله وبفتح مشروع تجاري بحطي الخلطة في قوطي وبحطي اسمي عليها أونها علامة تجارية وبحطي علامة ممنوع التقليد وببيعه على حريم الفريج يسلااااااام وبعدين بصير من أصحاب الملاييييييين وبطرشلج مليون ريال هدية

[reemeaah]

الاخت أم بسمه: العفو عزيزتي......بالنسبه للمده مالها اي مده محدده انا يوم احطها اتريا لين تجف و تقفل المسامات يعني تقريبا ساعتين ......اما النشادر ما ادري اذا كان ينباع في الصيدليات انا دبرته من المستشفى وصيت جماعه و ما قصروا
انشاء الله تنفعك و ترى أختك عندها بعد طريقتين غير المراره ومفعولهم اكيد و مجربته شخصيا بس حابه اخليهم لبعدين
مسكين عمك شكله كداها على هالسالفه اما حريم الفريج بيشمون ريحته و بيشردون و ملايينك تهني بيها و انا مليوني بيوصلني اذا استفدتي و استفادت الاخوات

[marvat]

السلام عليكم
بارك الله فيك اختي
لكن هل انت متاكده انه هذه الطريقه ليس لها اي ضرر؟
لان بعض الاخوات في المنتدى ذكرن ان عدم ظهور الشعر يؤدي الى امراض وسرطان عافان الله
مع اني اعرف نساء لا يظهر عليهن الشعر لاستعمال دم الوطواط
ارجو افادتي وسامحيني على الاطاله

[reemeaah]

و عليكم السلام
و بوركت .......انشاء الله مالها ضرر........والموضوع الي كتب عن المراره ذكرت اكثر من أخت ان هذه الطريقه موجوده في الطب النبوي و هذا الي شجعني على تجربتها......بالنسبه للامراض الي تنتج نتيجه التخلص من الشعر (الله يكفينا شرها) يمكن تنتج عن طريق علاجات الليزر وغيره

[الشهيده]

هلا باختي ريميه جابك الله ياشيييييخه تصدقين من زمان وانا ابغا اشوف احد قد سواها واشوا بس ودي اعرف من وين جبتيها اذا كنتي م الرياض السؤال الثاني هل الماعز هي نفسها (العنز بالسعودي ) السؤال الثالث ينفع احطه على الوجه اسفه على ازعاااااااااجك






بس انتي خابره الاكتشاف اللي سويته مو سهل يعني تجربه خطيييييييييييييييييييييييييييييييييييييييييييييييي ييييييييييييييييييييييييييييييييييييييييييره





فتحملي ازعاجنا





شكرا لك مره ثانيه ريميه

[bintalsultan]

غاليتي reemeaah

والله انك دقيتي على الوترالحساس
لكن انا مثل باقي اخواتي حابه اسألك كم سؤال
ممكن بالضبط تقولين لي وش اسوي بالضبط مع مرارة الماعز؟
وهل هي نفسها (العنز)؟
وكيف ريحتها؟ وهي تحسين بشئ لما تستعملينها؟ يعني حرقه او شئ من هذا القبيل؟
انتي ذكرتي يا اختي العزيزه انه الطريقه هذه مذكوره بالطب النبوي، هل بحثتي عن صحة هالكلام ؟؟
وسؤالي مثل سؤال اختي الشهيده، هل ينفع استخدام هذه الخلطه على الوجه؟
واخيرا ... ممكن تقولين لنا عن الطريقتين اللي استعملتيهم غير مرارة الماعز ؟
اعذريني على الاطاله واتمنى انه يتسع صدري لأجابة جميع الاسئله وكان الله في عونك

كل الشكر واحر التمنيات لك بالتوفيق

اختك المحبه في الله ..... بنت السلطان

[الموقعة أدناه]

ممكن سؤال صغيرون؟
انت قصدج المرارة بكبرها ولا السائل الي داخلها ؟ هذا اذا فيها سائل؟ ( واحدة غشيمة تراه)
و جزاج الله خير

[reemeaah]

الاخت الشهيده: هلا بيك.......العنز هو الماعز و ينفع تحطيه على وجهك بس الله يعينك على ريحته انا صراحه ما جربته على وجهي لكن اختي و خالتي جربوه على وجههم (كيف تحملوا الريحه ما دري) و عطى نتيجه معهم......انا مو من الرياض و عادي تراها متوفره انا بس وصيت ملحمه قريبه منا وفعلا كل ما ذبحوا عنز ارسلوا لي المراره وبدون فلوس بعد (جزاهم الله خير).