هاي صبايا
صباحكم فل اليوم
ازهقتو السلطله والخضرا بالريجيم ونفسكم تاكلو اكلات جديده بس بسعرات قليييييله؟
من عيوني تعالو
1- الباتنجان بالتوم
هاي الاكله انا بعملها وبتكون بدل السلطه
بتجيبو حبه او تنتين باتنجان وحبتين تومه وعلبة لبن ورشه صغيره ليمون وطبعا الباتنجان بكون مقشر ومسلوق ومهروس وبعدين بتضيفو عليه التوم المطحون طبعا مع اللبن اللي خالي الدسم اكيد علبه صغيره ورشه صغيييره ملح وصحه والف هنا
وعلى فكرة نفس الطريقه هاي اوقات بعملها بس بدل الباتنجان بحط كوسى مسلوقه او بحط بطاطا مسلوقه وعنجد كتيييييييييييير طيبين
2- شو رايكم بالبرجر مثلا بس مو اي برجر
شوفو يا حلوين جيبو الخبز الخاص بالبرجر بس اكييييييييد يكون قمح او اسمر او في ناس بسموه بر ... المهم بتجيبوه وبتفضوه من جوا يعني بتقيمو اللب اللي جوا الخبز مشان تقل كتيييييييييير سعراته بس مو ترموه طعموه اكيد لحدا تاني انا شخصيا كنت اطعميه لاختي او اخوي وخاصه انو كتير مفيد ومليان الياف المهم بتجيبو هاد الخبر وبعد ما تفضو اللي جواته بتجيبو قطعة ستيك بدون دهن اكيد وبتبهروها وبتسلقوها او بتشووها وبدون زيت اكيد (بس الشوي اطيب طبعا) وبعد ما تجهز قطعة الستيك (على فكرة ممكن تحطو دجاج مشوي بداله) المهم نرجع للستيك بتجيبوه وبتحطوه بالخبزه وبتحطو عليه شرايح بندوره (طماطم) وفلفل حلو وخس وبصل واذا بكم ملعقة كتشب صغيره على قطعة الستيك وصحه والف هنا (انا كنت اعملها واشرب معها ببسي دايت واقعد عالبرنده وانا باكلها واحسس حالي اني بالبرغر كنج هههههههههه
3- شو رايكم بشيش طاووق قلييييييييييل السعرات وبشهي
جيبو صدر دجاجه واسلقوها وبهرورها وبعد ما تستوي عالاخر قطعوها قطع صغيره وحطو عليها ليمون + تومه وانا كنت اكتر التومه لاني بحبها وبعدين جيبو صينيه واشووهم بالفرن والف صحه وهنا (انا لما كنت اعمل هادا الجاج كنت بعد ما اطلعه من الفرن محمر احطه بوسط الصحن وازين حوليه بالفلفل الحلو والخس والجزر والخيار وشرائح البندوره مممممممممممممممممم فعلا بتشهي وما فيها سعرات
4- ممممممممممممم السمك المشوي اللي بتاكليه وكإنك بمطعم للاكلات البحريه
بتجيبو قطعة سمك حجمها وسط واي نوع وبتبهروها (على فكرة البهارات بتزيد من عملية الاستقلاب او عملية الميتابولزم اللي هي عملية حرق السعرات الحراريه) المهم بعد ما تجيبو السمك وتبهروها وتعصرو عليها حبة ليمونه حطوها على جنب وجيبو قطعة قصديره وحطو فيها حصوص توم متل ما هي يعني ما تطحنوها وحطو كمان حبتين او اكتر بندوره صغيره وحبة فلفل اخضر حلو وجيبو السمكه وحطوها مع الخضرة جوا القصديرة ولما تغلفو او تسكرو القصديره خلو فيها شوية فراغ عشان السمكه تستوي وكإنها عالبخار وبعد 20 دقيقه او 25 دقيقه بتكون اكلتنا استوت وبنطلعهم من الفرن وبنحطهم بصحن بطريقه بتفتح النفس وبناكل وبنتمنى الاكل ما يخلص لانو السمك بهالطريقه ما فيه سعرات بس بشههههههههههههههههي
5- اكتب كمان ولا بيكف هههههههههههههه
بتمنى اكلاتي يكونو عجبوكم (بهيك بتاكلو وبتغيرو طريقة اكلكم وبتنحفو وبتنبسطو) انا هيك كنت اعمل لما كنت ازهق من اتباع ريجيمات مكتوبه وكنت كتيييييير انحف
خبروني عن رايكم؟
رد مع الاستدلال
الروابط المفضلة