تويت
سلطـــة الافوكــــادو وصلــــت مع المكسيكــي يا صبايــــا
سلطــــــة الافوكــــادو
لسلطة الافوكادو شو بدنا يا صبايا
2 - 3 حبات افوكادو لازم تكون الحبة ناضجة
طماطم مفرومة
بصلة مفرومة
عصير نص ليمونة
سن ثوم مهروس
كزبره خضرا مفرومه (ملعقه اكل واحده)
ملح
ملعقة اكل من خلطة جاهزه للسلطة (اختياري)
مذابة بشوية ماء
انا جربتها قبل من دون الخلطة الجاهزة وما اختلف الطعم كتيير
شيبس الناتشوز (ان كانت وقت العشا يتطلع رووووعه)
نقشر حبات الافوكادو ونهرسها بشوكة (لانها مستوية)
نضيف كل المقادير ونخلطهم
انا فرمت الطماطم والبصل فرم صغير شوي
بس بعد التجربة اكتر من مرة
لما يكون الفرم خشن بطلع كتييييييييير أطيب
أتركم مع الصور
طبعا اولادي اكلوها بالناتشوز
جوزي اكلها مع التاكو (الوصفة في ركن الاكلات الرئيسية)
انا اكلتها بالملعقة (انتو عارفين ليه ههههههه)
انا يا صبايا عملت اكل مكسيكي
تاكو دجاج - فاهيتا الدجاج - مع سلطة الافوكادو
بجانب التاكو عملت سلطة صغيرة زي ما بتتقدم النا في المطاعم
طماطم مفرومه - بصلة مفرومة - كزبرة خضرا مفرومة
ملح - شوية ليمون
الفاهيتا السلطة الخاصة فيها اسفل الدجاج
لما انزل اكلة الفاهيتا بحكي عن سلطتها لانهم ما بينفصلو عن بعض
حتى ممكن تعتير من المقبلات او الاطباق الجنبية
وهاي منظر الاطباق الثلاثة
اللون الطاغي على الصورة الاخضر
لانها اكلات صحية ومافيها كلها غير ملعقة صغيرة من الزيت في التاكو
وصحة وهنا على قلوبكم يا صبايا
واول عضوه ترد علي تختار صحن الها
طييييوفه الها الاكلات كلها هههههههه
اعذروني لغيابي 
تعليق