فتوش أم أيموني..
الله يسعد صباحكن يا غاليات..
أشتهيتلكن جاط الفتوش هاد..
شو رأيكن؟
كان عندي عزومة الجمعة الماضية .. وعملت جاط هالفتوش .. بس شو .. يا عيني ماشاء الله الضيوف تركو الأكل الرئيسي وقضو على الفتوش..
وهاي المقادير.. وطبعاً حسب الرغبة ..
- بقدونس
- نعناع
- زعتر
- جرجير
- خس الآيس بيرج
- بصل أخضر
- شيري طوميتو (يلي هي البندورة الصغيره)
- فليفلة حمرا
- فليفلة صفرا
- فليفلة برتقالي
- فليفلة خضرا
- رمان مفروط
- خيار
- فجل
- جزر
مقادير الصلصة:
- عصير ليمون
- دبس الرمان
- خل التفاح
- ملح
- كمون
- سماق
- ثوم مدقوق
- زيت زيتون
للوجه:
- خبز مكعبات مقلي
- سماق
الطريقة:
تفرم كل الخضار فرم خشن وكبير.. وتوضع في جاط التقديم ..
نضع مقادير الصلصة في قنينة أو علبة لها غطاء محكم.. ونخضها جيداً ونديرها على الخضار ونقلبهم ثم تزين بالخبز المقلي.. والسماق
وسلالالالالالالالالالالالالالالالالالامتكن..
رد مع الاستدلال
الروابط المفضلة