كعك بمحلب وجبنة وحبة البركة تفضلوا زارتنا البركة**موضوع متميز**

[shahed60]

السلام عليكم ورحمة الله وبركاته
رح قدملكم الكعك المالح لذيذ كتير وهش وما بياخد منك جهد ولا وقت قدميه مع كاسة الشاي وادعليلي


المقادير
2 كأس طحين
1 كأس سمن او ممكن نص الكاس سمن وتكمليها زيت زيتون
كأس جبن مبشور والأطيب جبنة حلوم وذا وضعتي جبن حلوم لا تضعي ملح لانها هي بالاصل مالحة واذا ما كانت نتوفرة استعيضي عنها بجبنة موتزريلا
نص كاس ماء
ملعقة ملح
ملعقة كبيرة محلب مطحون ناعم
ملعقتين حبة البركة

الطريقة

يخلط الطحين والملح والمحلب وحبة البركة حتى يتناسق
وبعدها يضاف السمن ويعجن المزيج ثم يضاف الماء ويعجن العجين حتى تصبح عجينة متماسكة وكلما طالت مدة العجن كلما كانت العجينة سهلة الاستعمال
وبتشكليها وبتحطيها بالفرن بدرجة حرارة 180 لمدة 20 دقيقة
اترككن مع الصور

صورة العجينة



قبل الشوي بالفرن



شكل تاني


بعد ماطلعت من الفرن




ارجو ان ينال رضاكم واعجابكم

[RANDA 1959]

مراحب اخت شاهندة ويعطيك العافية وتسلم يدك يلا اول طبق ابعتيي الي مع كاسة الشاي من عندي وسلام

[وعود الخير]

شهودة حضري الشاي انا في الطريق
لا تقولي الصين بعيدة
بغمض عيوني وباطير لعندك
لك تؤبشي قلبي شو انك بنت حلال
كنت عم بفكر يا تري فيني اعمل كعك مالح بنفس طريقة كعك التمر بطحين
ربي يكرمك ويرجع بلدك مجبورة الخاطر

[أم فئ]

مشكورة حبيبتي على الوصفة

[ام ليانة]

تسلم ايديك شهودة
شكله رائع يا قمر
حاجربه واقولك على النتائج بس ما بتحطي bp عليه

[nisreen_77]

تسلم ايديكي عزيزتي شهد على الوصفة الرائعة بس أنا عندي سؤال
عن الجبنة ؟؟ هو متى بنضيفها للخليط ؟ انا قرأت بالمكونات جبنة
بس بالطريقة مافي جبنة

مستنية ردك يا حلوة

[كيندة]

أوووووووووووووووووووووووووووبا
يا عيني يا عيني عالكعك اللي من ايدين شهود
ما شاء الله بيشهي و فعلا سهل
مش رح أقول لك حضري الشاي متل وعود لأني ما بحب الشاي
فحضري القهوة و أنا جاية بطيارة الآباتشي هههههههههه

[(( ام ماهر ))]

روعه كثير الشكل بشهى يسلمو ايديك يا احلى شهد

ما شاء الله كثير الشكل بشهى كبرى ابريق الشاى انا جاى

جزاك الله الجنه

[omroro-4]

تسلم ايديك شكله راااااااااااائع ما شاء الله

[shahed60]

السوسنة اهلا فيكي بتشرفينا حبيبتي
وعود يا وعود ابريق الشاي ع النار خمس دقايق وبيكون جاهز انتي بس شرفينا
ع فكرة نحن منقدمه مع سفرة جربيه وقوليلي شو رايك

ام فئ اهلا فيكي ولا شكر على واجب متل ما بقول دائما المهم نفيد ونستفيد منكم

ام ليونة الحلوة الله يسلمك جربيه وبدي راي ليونة الشخصي فيه ورايك طبعا وما بدو بكمبودر

نسرين لا تواخذبني من طيشي نسيت حط الجبن بالطريقة بتضيفيه للجبن بعد ما تعجنية بالسمن وبعدها الماء جربيه واعطيني رايك باين عليكي رح تجربيه


كيندة اباتشي شوي علي انا بخاف قلبي قطيعة
الله يسلمك يا قمر بس مالح ومر ما بتزبط بدها شي حلو خلص وجودك يا سكربيكفي

رند بعد زمان زارتنا البركة و لا تطولي الغيبات والله يرزقك ويرزقنا ويرزق والدينا الجنة

ام رورو ام الابداع اهلا يا عسل انتي الروعة