يا اختي الكريمة اهم ما ف الموضوع هو الموقع و المحافظة اللي بتفتحين فيها الحضانة لعلمج فيه محافظات كثيرة مفتقرة لهالأمر ومجرد ما تفتح حضانة يتدفقون عليها الناس بشكل هاااااااائل بأطفالهم
والأهم المنزل اللي بتحولينه لحضانه لازم يكون اكبر من ال 400 متر وانتي بنفسج انزلي وزوري الحضانات اللي ف البلد شوفي كيف تصاميمهم
وشخص من جيرانا فاتح حضانة ويجيب مربيات من اوكرانيا بس متخصصين ف تغذية وتربية الأطفال صحيح رواتبهم غالية شوية بس يسون الأكل للأطفال بشكل صحي وبعض المربيات من الفلبين عشان يراعون ويدارون الاطفال
ويلزمج شوية شغلات ف الغرف وبعض الالعاب غير الضارة فقط لا غير
بس المبنى والموقع مهميييييييييين جدا ً جدا ً جدا ً
ممكن افيدج بهالشغلات بإذن الله بس اول ما ارد الكويت
الحضانة ما يحتاج لها اي ديكور
بس صبغ كل الحضانات اللي شفتهم ما يبي لهم ديكور بس اصباغ والبيبان تشيلينهم مالت المبنى و تركبين بيبان صغيرة لي النص يعني مثل ابواب الحدائق وبعض الغرف تكون لها دراااااااايش اكبر زجاجية واضحه عشان ينشاف اللي داخلها وشوية مرايا للأطفال والوان داخلية مع رسم على الجدران فقط
الدعوة كلها صبغ بصبغ من الخارج و الداخل طبعا ً حضانة لازم يكون لونها عجييييييب شوية من برا وتربطين على السطح جم بلونة ملونة
لحد يضحك شفيكم هذي هي الحضانات وبالعكس هذا اجملها واللي يجذب فيها ويميزها عن باقي البيوت
وبس وغرفة الحارس وارجع و اقول المفروض تاخذين من المباني القديمة اللي مساحتها اكبر من 400 متر
وترا المقاولات ما تكلف فيها شوية ترميمات خفيفة وبسيطه ولمسات عليج
والله يوفقج
اما بالنسبة لمشاكل الاطفال واللي بلعت شي واختنقت هذا سوء ف اختيار الألعاب للأطفال وفيه جم موقع لألعاب الاطفال ولوحات تعليمهم بس مو عندي الحين لان المحلات شايفها ف مجمع متخصصه لتعليم الطفل
بس اهم شيء تغذيتهم والعناية فيهم توفير المكان الملائم لهم لانهم بيجون الصبح ويردون مع وقت طلعت الدوام او قبلها حتى بنص ساعه فقط
الله يوفقج ويسهل عليج
الروابط المفضلة