هي الفته الجاج السوريه على اصولها
الطريقه السوريه
بتجيبي الجاج و بتلسلقيه بالطريقه المعتاده مع وضع بصله مقسومه نصين و عودين كبش قرنفل و عود قرفه و كام حبة هيل و ورقة غار يعني كل النكهات و تكون صحيحه ما ناعمه
و عندما تستوي بتكوني قد قليتي الخبز اللبناني بالزيت حتى يحمر ما يحترق بتفرق
و بتحطي الخبز بصينية التقديم و لازم الخبز يبرد يعني ما يكون سخن و تحطي اللبن فوقه
طريقة اللبن
بتضيفي للبن سنين ثوم مهروسين و انت بتظبطي حمضة يعني بتحطي القليل من عصير الليمون يعني يكون اللبن شوي ظاهر حمضه ما يكون حامض كتير و القليل من الطحينه يعني بمقدار ملعقه الصراحه انا ما بحط طحينه بس في ناس بتحط انتي و زوقك و بتخلطيهم منيح مع اضافة الملح و بعدها بتضيفي للبن القليل من مرقة الجاج حتى يصبح اللبن متل لبن عيران هذا كل شيئ عن اللبن
الان بتحضري الرز و يكون الرز ابيض بدون شعيريه
يعني بتحطي قليل من الزيت في الطنجره و بعد ما يحمى الزيت بتضيفي له الرز المنقوع و المغسول مسبقا و بتحركيهم شوي و بعدين بتضيفي الملح و الماء و يكون نص الماء ماء عادي و النص الثاني من ماء الجاج حتى يتشرب طعمة الجاج الماء يكون كافي لكمية الرز يلي انت عملتيها
و الان طريقة التقديم
بكون الخبز بالصينيه و بكون برد الان بتجيبي اللبن و بتحطي فوق الخبز و بتحركي الخبز باللبن منيح حتى يتبلغ كل الخبز باللبن مع اضافة ملعقتين رز لخلطة الخبز و اللبن و بتحركي و بعد ما تخلصي تحريك بتفرديهم منيح بالصينيه و بتوزعي الرز عليهم و بتضيفي شوية ماء الجاج حتى لا تكون ناشفه و بتكوني محمره الجاجه بعد ما انسلقت و اذا بدك فيكي ما تحمريها حسب الزوق و بتوزعي الجاج على الوجه و بتزينيها بالقليل من البقدونس المفروم و اللوز و الصنوبر المقلي بالسمن البلدي وزعيهم على الوجه و قدميها ساخنه
رد مع الاستدلال
الروابط المفضلة