تيجوا نجمع غرز الكروشيه فى الملف ده

[فنانة مصرية]

حبيباتى انا جاتلى فكرة فى تجميع غرز الكروشيه اللى تعتبر صعبة شوية او الغير دارجة كتير فى الكروشيه وكل واحدة عندها غرزة جديدة تحطها بحيث نعمل ملف تستعين به اى واحدة عايزة تعمل اى حاجة كروشيه ومحتارة فى الغرز
بس الشرط تكون الغرز بالشرح المصور او الباترون واى واحدة مش فاهمة اى غرزة انا ممكن والاخوات الخبيرات نشرح لها الغرزة
وياريت نتعاون كلنا عشان يطلع الملف فى احلى صورة ومفيد لنا كلنا ولغيرنا كمان

وانا باكرر الغرز اللى موجودة لازم تكون غير تقليدية يعنى مش العمود او الحشو لان كل الحاجات دى استهلكت فى الشرح وكل واحدة عارفاها كمان مش عايزين يبقى الموضوع مكرر

بما انى مقترحة هذا الاقتراح حابدأ بنفسى
من فترة عجبتنى غرزة بس كانت صعبة على لان كان الشرح غير مفهوم
فصممت انى اعملها ودورت عليها فى النت لغاية مالقيتها وحاولت لغاية ما طلعت معايا
وشكل الغرزة واحد بس بتتعمل بطريقتين وان شاء الله حاشرح الطريقتين
معلش طولت عليكم

بسم الله الرحمن الرحيم
الطريقة الاولى

هى غرزة لعمل حواف للشغل سواء كم بلوزة او رقبة
او قبعة يعنى عمل اى حواف لشغل الكروشيه
وده شكلها

وده الباترون

- البداية بعد ما نخلص القطعة باى غرزة وننهيها بمنزلقة
نقلب الشغل على الخلف

- ونعكس العمل يعنى احنا دايما بنشتغل من اليمين للشمال
فى الغرزة دى بنشتغل من الشمال لليمين
يعنى ندخل الابرة وهى فيها اخر غرزة ندخلها فى الغرزة اللى قبلها

- وبعدين نلف الخيط على الابرة

- ونطلع الخيط من الغرزة فقط يعنى حيبقى على الابرة خيطين

- نلف الخيط على الابرة ونطلعه من الخيطين اللى على الابرة

نكرر العمل من الاول تانى
اسيبكم مع الصور

وده بعد عمل عدة غرز

شكلها النهائى

يارب يكون شرحى واضح
واى سؤال فى الطريقة دى انا موجودة انشاء الله

[فنانة مصرية]

الطريقة التانية
ده شكلها

وده الباترون

- بعد ما ننهى الشغل بمنزلقة

- ندخل الابرة فى الغرزة اللى بعدها يعنى عكس الطريقة الاولى

- ونلف الخيط على الابرة ونطلعه من الغرزة يعنى حيبقى خيطين على الابرة

- نرخى الغرز اللى على الابرة بشدها بالابرة حاجة بسيطة عشان تدى طول
نلف الابرة افقيا عكس عقارب الساعة مرة واحدة

- نلف الخيط على الابرة ونطلعه من الخيطين حتبقى غرزة واحدة على الابرة

نكرر الخطوات السابقة
واسيبكم مع الصور

ده شكلها بعد عدة غرز

يارب يكون الشرح واضح
ياللا بقى ورونى همتكم
واى سؤال انا موجودة ان شاء الله

[محبتكم هجير]

ماشاء الله عليكي مادام اه بصور اعتمدي راح يكون واضح ،، بس من جهتي يبغالهاتركيز شوي ،، ومشكووووره ودايما ماتقصري ،، وحقيقي فنانه ،، بكره بجيب الخيط والابره وحسويه معاكي خطوه خطوه

[فنانة مصرية]

تسلمى لى حبيبتى هجير

[محبتكم هجير]

الظاهر ان نحن الوحيدات المتواجدات هههههه ،،، الطريقه الثانيه احلا ،،، ياله عاد باقي شي نحن معاكي

[فنانة مصرية]

انا كنت حاقولك كده برضه
لحد دلوقتى مفيش تانى بس همتكم معايا ونملأ الملف بغرز حلوة

[محبتكم هجير]

والله انا ماعرف انتوا من فين تجيبوا الحاجات الحلوه هذي ،، خاطري مره اجيب لكم حاجه حلوه واشارك معاكم بس مابليد حيله ،، بس ابشرك تراني تلميذه مجتهده واحب اطبق وقريبا ان شاء الله ناويه اشتري الكاميراعلشان تشوفوا تطبيقاتي ،، واكيد غرزك راح اجربها لانها حلوه كثيير وجديده علي وربنا يحفظك ويحقق لكي كل الاماني ويالله تصبحي على خير بقوم بتخمد علشان اصحصح وباذن الله بكره اتابع معاكي العمل خطوه خطوه

[فنانة مصرية]

تصبحى على الخير يا جميل

[مصريه بتحب مصر]

فكرة جميلة على فكرة يافنانة بس انا مش عارفة ممكن الواحد يبعت الصور للشغل ازاى افيدونى وشكرا لكن

[مصريه بتحب مصر]

وياريت قريب

[فنانة مصرية]

حبيبتى شوفى ركن الكمبيوتر فى الموقع فيه موضوع عن كيفية تنزيل الصور
وبالتوفيق

[أم قسمت]

حبيبتي ام مي فكره في منتهي الذكاء بس انا حاانزل الصوره وانتي تشرحي اتفقنا يااحلي فنانه؟

[أم مروة وسمر]

وان شاء الله انا كمان
فكرة جميلة من الجميلة ام مي

[دعوة للتفاؤل]

يا حلاوه ياحلاوه

ايه الافكار العبقريه دي

تسلم ايديكي يا فنانه عي الافكار الحلوه دي

ده يبقي مرجع لينا علشان اللي يعوز غرزه يلاقي شرحها

[ذرية]

فكرة جميلة من اجمل فنانة
ويريت لو ان الموضوع يتثبت عشان يصير لنا مرجع
اذا عزنا اي غرزة نلاقيه قدامنا وتسلمو لي يرب