شعار♥حلى متميز♥رجيم هنلي (كيكه بالتوفي لا تقولوا قشطه ولا حليب مكثف) شوفوا واحكموا

[هنلي]

ميه مسى على الناس الحلوه الكويسه

ومسى الفل على اللي بيعملوا رجيم هههههههه اسلوب تعذيب جديد لانه مع هنلي مافي حدا رح يفوت لركن الرجيم
رح اعمل اليوم كيكه بالتوفي بس مش اي توفي لا تقولي ذوبي سكر وحطي قشطه ولا جيبي حليب مكثف واطبخيه لا طريقه سهله كثير واعتقد مش مكرر وماحدا جربها اشي بتشوفوه كل يوم بس ولا بخطر ببالكم انه ينعمل منه توفي
الا وهو هذا او اي نوع ملبس او حلويات الاطفال على نكهه التوفي بالمختصر المفيد هو هذا

او اي نوع اخر -- اللي بكون عليه صوره بقره هههههه

هسه عرفتوا قصدي نبدا بالمقادير
كيكه اي نوع بس انا عملتها خلطعه غريبه عجيبه بس طلعت رهيبه
2 بيضه كبيره
كوب سكر
نص كوب زيت
2 كوب دقيق
ملعقه كبيره حليب باودر
ملعقه كبيره بكنج باودر
وفانيلا وبرش ليمون وبرش برتقال
وسائل حسب ما بدها الكيكه يا --ماء او عصير او سفن اب --
الحشو كريما
وتوفي رح اشرحها تحت
ولوز مطحون للزينه وفاكهه او حسب الزوق
ونعمل الكيكه عادي
هيك

وبعدها تقسم من النص وتترك لتبرد
نسوي التوفي
هسه جيبي زي الحلو اللي بالصوره او اي نوع مشابه
وحطي انا حطيت علبه ونص يعني 15 حبه حيك اشي ومعاها نص كوب حيب سائل وعلى نار هاديه

وعلى النار تذوب وتصير هيك

وبعدها تصير توفي رح تمسك

وهيك رح تكون جامده

على فكره هذا النوع اللي عندي كان فيه نكهه نسكافيه فطلع توفي على نسكافيه يم يم طيب
بس ممكن تجيبوا حلو ساده يعني توفي وبس
هسه تقسم الكيكه من النص

وترشي شويه عصير ليمون بيعطيها طعم طيب وممكن تحطي اي نوع عصير بتحيبه وممكن بدون اي اشي
ونضع الكريما

وبعدها التوفي يكون برد

وبعدها رشه لوز

وبعدها كانت عندي الكريما قليله خلطها مع التوفي وغطيت فيها الكيكه

وبعدها ترشي اللوز على جوانب الكيكه

وتزين حسب الرغيه طالعه الزينه زي شعار المرسيدس ههههههه

وتقطع وتؤكل وياويكم لو ما اكلتوا منها لازم هيك شي خمسه والا سبع قطع مره وحده هههههههههه

وهيها من جوا معلش بناتي صارن يوكلن وانا اصور

وصحتين وعافيه على قلوبكم ياللي عاملين رجيم ههههههههههه

[الـ طبعي ـود]

راح ارد اول واحده قبل اقرا المقادير لاجل افوز بالكيكه مشاء الله الصور مشهيه وخاصة إنها تصلح لرجيم

تسلم ايديك رووووووعه ماشاء الله

[Omtaym_ALLAH]

شو هااااااااااد حلى بالطوفى و اضغط - حلى بالبرالينيه و اضغط !!!!!!!!!!! يا هنلووووووووول يعنى انا خاصمونى البنات بس من تحت راس قشطليه سميد كيف تاركينك مع الطوفى حره طليقه و لست وراء القضبان بحبس انفرادى بركن الحميه هههههههه الله يعافيك شو هاد ما شاء الله لا قوه الا بالله
انا اعترض هههههههه بس بدى شعارات المرسيدس بنز بدى هالفراوليات البنز تحطهن على القشطليه بالسميد و انافسك بسباق السرعه للوصول لسمنه بموسوعه جينس لذوات الارداف و الكروش هههههه

[صدى الأمل]

تسلم يدك

الله يعطيك العافيه

واحلى شيء فكرة التوفي

والاخراج

[(( ام ماهر ))]

شو هالرجيم الصعب لا يختى ما بدى ما بقدر على هيك رجيم

شكرا يا عسل رووووووووووووووووووووعه

ما شاء الله عليك

يعطيك العافيه

[ام عبدالله&تالا]

احلى رجيم وانا اول وحدة راح اسجل في مجموعتك

تسلم ايديكِ وصحه وعافيه على قلب تالا ومايا وكل من اكل منها

وعلى فكرة حبيبتي في عندنا توفي جاهز بس افتحي العلبه واستعملي على طول

انا من اسبوعين جهزت كيكة لتالا كان ذكرى ميلادها وان شاء الله بنزل الصور وبتشوفي شكله

والله يبارك فيك على ها الاطباق الراااااااااائعه

[جباليه]

ماشاء الله عليك ياهنول تسلمي ايديكي

طالعه من ايديكي زي العسل

وفكرت التوفي والله حلوا

[soso22]

[هنلي]

ههه اخ منك يا اخت طبعي الود انتي بس احكيلي وبوديلك احلى كيكه لحد عندك تسلميلي

شوف مين بيحكي ام تيم بتحكي عن الرجيم وهي تخصص تخريب الرجيم باكلاتها واشيائها الحلوها مثلها
ولا يهمك شعار مش مرسيدي هذا متسوبيشي هههههههه بس لخبطت رح يوصل لحد القشطليه بس زيديها سكر بحب الحلو يا حلوه
ولسه كل كم يوم رح اجننكم بالى الاطباق بس استنوا عليي

تسلمي يا اختي صدى الامل هي فكره التوفي اللي اعجبتني لانها سهله ان شاء الله تجربيها وتعجبك

شو يارند صدقتي انه رجيم ههههه
هذا تمويه علشان بنات الرجيم يدخلن ويشوفن
وينقهرن

ومن سكات يروحن يطبقن هههههه
خطيره صح

اهلا وسهلا بام تالا وعبود يلا عم بستنى كيكتك لاني طبقت كيكه السمكه وكل يوم بحكي بدي انزلها وبنسى لحد ما راحن نص الصور بس ولا يهمك ضلن 4 صور رح انزلهن ههههههههههه
وبالنسبه للتوفي مافي عنا زيه بس بشوفه كثير زي فكره الشوكولا السائله وصوص الفراوله

شايفه ناس جايين من بعيد هههههه شكلهم ركن الرجيم لالالالالالالالا والهروب احسن اشي

[رندوش]

هنلي مشكوره عزيزتي فكره كتير حلوه
جزيتي خيرا

[* ام اشرف *]

ماشاء الله عليك اختي متميزة دائما بالوصفاتك الحلوة

تسلم الايادي يارب

[الماسة البحرين]

شافيفته بالركن ثانيييييييي تسلم لايادي

[عذبة لحساس]

وعليكم السلام ورحمة الله

ياسلام عليكي ياحلوة تسلم ادينك ياام الافكار انتي

ماننحرم يارب

[ام البراء*]

ههههههههههههههههههه الله عليك يا هنول شو هاد بدك تجننينا انا بدون طبل برقص يعني بدور اكلات الحلو واطبق كيف مع هيك وصفات راااااااااااااااااااااااااااائعة خلاص وداعا للنحافة والرشاقة وداعا للاعراس قعدوا ببيوتكم وكلوا وبس ههههههههههههههه كيف بالله كلام موزون جدا هههه ياستي بتشهي عن جد يسلم ايديك يارب ومنظرة البقية انا هههههههههه

[أم فئ]

تسلم ايديك شكلها كتير حلو وطريقة العرض كمان حلوة قوى
بارك الله لكى