مين تعرف طريقة الديمى جلاس

[يويو من مصر]

هو صوص لبعض الاكلات

[يويو من مصر]

معقولة يا بنات محدش يعرفة اصلة بيطللب كتير لبعض الاكلات زى العرق الرستو والدجاج الفيلية المحشى

[وعود الخير]

يويو... كمان شوية حنط من الشاشة واوصلك
انت بتجيبي الاسماء الغريبة ده منين .. نفسي افهم

على كل تسلمي على سؤال لاننا عن طريقك بنستفيد وبنعرف حاجات نجهلها

ما تزعليش مني حبيت اشاكس شوية من الهم اللي احنا فيه

[يويو من مصر]

بصى يا ستى انا اقولك فى برنامج اسمة من كل بلد اكلة بعض اكلاتة بيطلب فيها الصوص دة. بس الى انا عرفتة انة بيتباع فى السوبر ماركت بس جاهز انا كت عوزة اعرف طريقتة اعملة ازاى.اول ما اعرف هعملكوا بة اكلة واحطهالكوا فورا

[بنبونة]

السلام عليكم يا يويو
لو أنت متابعة البرنامج جيدا كنت لاحظتى شرح الشيفات عن الديمى جلاس هذا وزى ماقالوا
إنه يتكون من العظم ( عظم اللحم طبعا ) بيحرق فى الفرن و بيضاف إليه خضار متنوع مثل الجزر و البصل و الكرفس و ممكن كوسة وطماطم و أى أنواع من الخضار متوفرة عندك هذه هى المكونات كما قالوا ولكنهم لم يقولوا الطريقة و إستسهلوا تواجدها جاهزة على هيئة بودر فى السوبر ماركت وطبعا بما إنه مسموح هنا بذكر الأسماء التجارية فهو غالبا موجود فى كارفور ومترو وألفا ( المحال الكبيرة طبعا )
أما طريقته الأصلية كما ذكرها لى شيف كبير-عمل بالعديد من الفنادق الكبرى- تقابلت معه من عدة سنوات وقالها لى من باب العلم بالشيء وهى يحرق العظم ( كما قالوا )حتى يصبح هش ويصحن حتى يصبح بودرة وتستخدم هذه البودرة فى عمل الشورب المتنوعة و الصوصات مع إضافة الخضروات كل حسب إحتياجه و إختياره
وطبعا هذه الطريقة صعب تنفيذها فى أفران المنازل و إلا تحول المطبخ إلى ......طبعا أنت متخيلة النتيجة
كل هذا الدش كان الإجابة عن الديمى جلاس إللى شوقنا إليه الشيف شربينى و يسرى و مصطفى و طبعا أكلهم أكثر من رائع وهذا لتوافر الإمكانيات لديهم .
أما البديل وهذا منى لك عندما تقومى بعمل العرق (اللحمه الباردة )بعد التحمير و النضج غالبا ما بيكون الصوص كثير وبيترك حتى يتبخر صح ؟؟؟
هذا الصوص ممكن تحتفظى به فى علبه أو أكياس نايلون و تضعيه فى الفريزر وكلما إحتجت للديمى جلاس تأخذى منه و تضيفى إليه الخضروات و تتركيها حتى تنضج و تصفيه وجربى وقولى لى
ملحوظة أخيرة لإنى طولت عليك
لا أنصحك بشراء الديمى الجاهز لإنه غالبا مستورد وأكيد مش مضمون نوع العظم المستخدم أو طريقة الحصول عليه وطبعا لك مطلق الحرية
وشكرا لصبرك على
لك تحياتى

[وعود الخير]

ازيك يابنونة.. تسلمي يا غالية
شرحك كافي ووافي زي عوايدك
ازاي ست الحبايب ان شاء الله تكون صحتها تحسنت

[يويو من مصر]

شكرا يا بنبونة على الافادة

[بنبونة]

الله يسلمك وعودة
أشكرك على السؤال يا قمر
الحمد لله أمى بدأت تتحسن صحيح ببطء لكن تحسن !
الحمد لله على كل شيء

[بنبونة]

لا شكر على واجب يا يويو
ولو فيه أى حاجة عايزة تسألى عليها خصوصا من البرنامج
أنا تحت أمرك لو كنت عرفاها

[Om Fatma]

حد شاف حلقه من كل بلد اكله يوم الأربعاء كان المفروض الشيف شربينى حايقول الطريقه

[طيـــف]

تسلملي عينك يابنبنووووووووونه

[بنبونة]

تسلمى طيوفـــــــه

[rawanyo]

اختي العزيزه انا مصريه اقيم في السعوديه ولم اجد الصوص جاهز في السوبر ماركت لذا فقد صنعته منذ عدة اشهر وسوف اقول لك ما صنعته وقد كانت النتيجه نوعا ما مناسبه لاني صنعته في البيت وقد استخدمته بعد ذلك في العديد من الاصناف وكانت جيده
اولا اححضرت عظام وقطع اللحم بالدهن من الجزار
2 - وضعتها في صينيه مع شوية زيت وحمرتها شويه علي البوتاجاز
3- اضفت لها الدقيق مع جز مقطع وكرفس وبصل وطماطم ودخلتها الفرن حوالي ساعه مع اكل كنت بعمله ثم طفيت عليها ودخلتها الثلاجه وتاني يوم دخلتها الفرن مره اخري وانا باطبخ وتركتها في الفرن مره اخري ممكن تتركيها حوالي 2او 3 ساعات كل مايزيد يكون احسن
4-لما طلعت من الفرن زودتها عصير طماطم وتوابل وشويه ماء ووضعتها في الحله البرستو وتركته تغلي علي نار هادئة جدا حوالي 4 ساعات
5 - لما استوت ضربتها في الكبه وغليتهاووضعتها في علب ودخلتها الفريزر
ملحوظه هي بتكون تخينه زي الصلصه وكمان مش كل العظم انا وضعته في الكبه وضعت الظم الرقيق فقط الذي اصبح لين بعد لما استوت اما العظ الكبير رميته ويا رب اكون قد اوضحت لك شيء

[أم أيموني]

طبعا أنا مش عارفة شو هاد يلي عم تحكو عنو وأول مرة بسمع فيها ومع احترامي لكل برامح الطبخ بس برنامج من كل بلد اكلة ما دخل مراجي ابداً .. على العموم يسلمو إديكم يا بنبونه ويا rawanyo..

[يويو من مصر]

اشكركم يا بنات على الافادة بس هو يستحق التجربة لان طعمة جنان