شعار♥حلى متميز♥ كعك العيد بالطحين وصل ( صور )
خواتى الغاليات اليوم عملت كعك العيد بالطحين
كان زوجى مسافر حكيت اعمل شويت كعك وعندى عبود كثير بحبة ما علينا المهم حكيت اكتبلكم الطريقة
مشان العيد قرب كل عام وانتم بخير على فكرة هذة طريقة اخذتها من صاحبتى زوجها معلم حلو وانا من
زمان بعملها ومبن ما ذاقها بحكى بدى الوصفة يعنى اليوم اجو عند حماتى جماعة ونزلت صحن كلهم طليو
الطريقة وكيف وطحين هذا بس شو (( يعنى مداح نفسة .......... ))
وطبعا فى بسميد لحال وفى سميد وطحين
شو بدكم بطول السبرة تكتب المقادير
بس اول نكتب اهم الملاحظات :
1) ممنوع نهائيا استخدام السمنة ساخنة او دافىء يجب ان تسيح وحتى تبرد تماما نستخدمها
2) الماء يجب ان تكون باردة عند العجن ** تخمر الخميرة منذ بداية العمل علشان لما نضعها على
العجينة تكون بردت
المقادير :
علبة سمنة كبيرة علبة السمنة عندنا 1700 غرام*** 3 كيلو طحين *** 2كوب ماء بارد للعجن ***
2كوب سكر ناعم *** 1ملعقة صغيرة خميرة *** ملعقة صغيرة محلب مطحون *** 4 ملاعق كبيرة
كلفة كعك ( بهار الكعك ) *** 2 ملعفة كبيرة حليب جاف
الطريفة:
نضرب السمنة حتى تصبح طرية مثل الكريما بالمضرب نضيف الطحين ونعجن ستصبح العجينة
مثل عجينة الغريبة وانت تعجنى
نضيف السكر والحليب والمحلب والبهارات ونعجن ومن ثم الخميرة
ونعجن ونضيف الماء البارد من الثلاجة شوى شوى حتى تترك العجينة ايدك بس بدها عجن بقوة
وبتاخذ شوى وقت ممكن تحتاج بالاخير رشة طحين ضعيها بالثلاجة لمدة نصف ساعة وبعدها
نباشر العمل
هذة صورة العجينة جاهزة للعمل
بس اذا بدك تعمليها بقوالب لازم تضعى صحن فى طحين وتمشى كل واحدة على الطحين ثم الى
القالب .
الحشوة :
تمر *** قرفة *** كلفة كعك *** م ص سمنة
نعجن المقادير السايقة مع بعض وتحشى بالعجينة
او اى حشوة انت بتحبيها
هذة الصور قبل الشوى وبعدة
ندهن الوجة بالبيض ونرش القزحة او السمسم حسب الرغبة
وهذة بعذ الشوى بس شوى مش واضحة
وهذا الصحن جهزتة لاخوى الساكن امامى لانة كان يستنى
وهذا الصحن لاول اخت بترد على الموضوع
وامل ان تجربوة وتحكو رايكم بصراحة
صحة وعافية واى استفسار انا موجودة
تعليق