اية رايكم فيااااااااااااااااااااااااااااا؟؟؟

[مس عسل]

السلام عليكم ورحمة اللة وبركاتة
بنات شوفو صفات الدكتورة الصيدلانية مس عسل
اللى تبغى تروح كلية صيدلة بمجموع كبير فى الثانوية
اولا مش بتصلى
ثانيا ليس لها اى صلة مع اللة
ثالثا مش بتذاكرة بالمرة
رابعا بتكذب على امها وتخترع فى حجج عشان ما تبغى تروح الدروس
خامسا بتفكر فى اشياء مو تمام اليومين دول اعرف انة سن مراهقة بس بردة انا مضايقة من نفسى
سادسا دايما تغيب عن المدرسة بحجة انها حتذاكر وتمسك الكتاب ادام ماما ولما ماما تروح الشغل تروح طيران على اللعب
سابعا دايمة الجلوس على الكمبيوتر
ثامنا بتتصرف تصرفات كتير تدل على انعدام العقل وتجنن ماما منها وماما يا عينى عليها غلبانة وصعبانة على
تاسعا الحالة المادية عندنا الايام دى زفت وامى بتوفرى اللى انا عايزاة بالعافية وبردة انا مش مقدرة دة ومش بعمل اللى عليا
عاشرا واخيرة مو مستقرة على مدرس لاى مادة كل ما واحدة من اصدقائى تمدح فى مدرسها اجرى اسيب مدرسى
واروح لمدرسها وفى الاخر يطلع مدرسة احسن منها 20 مرة
على فكرة انا عمرى ما قلت الحاجات دى لحد
بس تعبت من شيلها جوايا
لازم اطلعها برة وادخل حاجات احلى منها جوة نفسى ارجع اصلى زى الاول
ولما اسجد احس انى بين ايادى ربن حرسانى وانة واقف جنبى فى مستقبلى ومش حيخذلنى ابدا
لكن طالما انا خذلتة ومدتلهوش حقة يبقى اكيد بردة مش حيوفقنى زى الاول صح ولا اية؟
نفسى اتصرف كانسة كبيرة واحس انى كبرت
نفسى اتخلص من دور الطفولة والاستهتار وعدم المسئولية اللى انا فيها
ونفسى اتعود اعيش على اد الحالة المادية بتاعتنا
يعنى كنا الاول فى احسن حال والحين فى اسفل حال وانا كل شوى اتبطر وانفخ وهذا مو عاجبنى ومو مراعية الظروف بس اعمل ايش عايزة ابقى زى كل اصحابى
انا عارفة ان كل حاجة فيا غلطت بس هل فى فرصة للتصحيح؟؟؟؟؟؟؟؟

[ام السلام]

السلام عليكي ورحمة الله وبركاته

حبيبتي الغاليه مس عسل انا اختك الجديده بالمنتدى وتقريبا صارلي بدخل منتداكم من شهرين
بس اشتراكي اليوم
واللي خلاني اقولك حبيبه في الله انك زي اولادي او اخواتي
حبيباااتي

اختي في بدل الفرصه عشراات الفرص والتي كل ليله تنادي عليكي وتخبرك ان الله ينتظرسجودك بفارغ الصبر ليس لان الله بحاجه لكي لا بل لن روحك تحتاج لحنان الله

حااولي وبكل جهد ان تلزمي نفسك على اداء فريضة الصلاه وضعي لنفسك عقوبه بسيطه لو تركتي فرض مثلا اذا ماصليتي العصر تصلي العصر ومعها اربع زيهاا وهكذاا
وتبدائي في وقت فرااغك تتحدثي بينك وبين نفسك مع الله
كانه صديق لكي تستشيريه وتطلبيه وتحديثيه عما يجول في خاطرك


تبدائي بحساب نفسك عن مصروفك وادارتك للمصروف وتضعي جدول بما هو مهم وماهو اهم لتكن حياتك الاجتماعيه ناجحه

وبخصوص الاساتذه انت وكما فهمت لاتوجد عندك ثقه بنفسك عززي ثقتك ولاتستعمي لا اي صديقه خارجيه واستشيري امك بما قد تشعري انها يجب ان تعلمه عنك

اصمدي يابنيتي ان الله يحبك لاتك تودين ان تضعي اصبعك على جرحك لعل الله يهدينا انا واياكي لما يحب ويرضىى
يمكن ان اطلت عليكي بس لاتعتقديني العب دور الناصح فانا اختك الكبرى

ام السلام

[فرح1983]

ربنا يهديكي يا مس عسل يا قمرة، جزء من الواحد يبقى كويس، انه يعرف اخطاؤه، ساعتها وساعتها بس يقدر يغيرها، والله في ناس حتى مش بييجي على بالها انها غلطانة، الاحساس بالخطأ نعمة، ولكن شكرك لربنا عليها بأنك تصححيه، والا بعد كدة ربنا مش هيخليكي اصلا تحسي بيه، وتنساقي وراء التيار.
انت في سن صعب، ايوة بس كلنا كنا كدة، لازم تجاهدي نفسك، وتحطي هدف، وتسعي عشانه، ومانيل المطالب بالتمني ولكن تؤخذ الدنيا غلابا،واعرفي ان الله لا يضيع اجر من احسن عملا، ودة عن تجربة منو وحدة اكبر منك، كانت دايما الاولى.
وصدقيني حاولي انك ما تعمليش حاجة تندمي عليها بعد كدة ابدا،كل ساعة هضيعيها من عمرك، هتندمي عليها بعدين ندم شديد قوي، وكل غلطة، هتعيطي عليها قوي قوي.
ابدأي صفحة جديدة مع ربك، هييسرلك كل امورك، ومع امك، ارحميها وبريها، هتدعيلك دعوة كويسة، والله والله التفوق مش اجتهاد ومذاكرة وبس، بل كماندعوة والدين، وتفويق من ربنا سبحانه وتعالى، انا كنت اعرف وحدة حصلت لها ظروف ايام الامتحانت بس امها كانت راضية عنها،والله والله جابت 100% ودخلت طب، واتعينت في الجامعة دلوقتي.
واخيرا اجتهدي وزاكري وربنا يوفقك ياجميل، صلي ركعتين قبل الفجر، وادعي قوي من قلبك، كلمي ربنا من جواكي قوي، وجددي النية، وان شاء الله خير.
احسن وقت للمذاكرة ونصيحة مني وعن تجربة ، نامي ع الساعة 10، واصحي الفجر صلي واعدي زاكري، طبعا بعد ما تفطري، واستعيني بالله وقولي الأذكار،وشوية قرآن،وابدأي بالمواد الاصعب فالأسهل، وبالتوفيق يا قمر.

[كيلو بترا]

والله كأنك قرائتى أفكارى بس أنا الحمد لله بصلى وبجنن ماما شوية بس اللى متعبنى موضوع المذاكرة خصوصا انى نفسى أدخل كلية الطب
أشكرك على الطرح الجيد

[Abeer alward]

شكرا (مس عسل) على صراحتك ومدمتي عارفه اخطاءك ان شاء الله ربي حينصرك على نفسك الامارة بالسؤ...وبالاضافة للنصائح اللي قدموها لكي الاخوات اضيف ابتعدي....ابتعدي وبقوة عن صديقات السؤ ...وتعرفي على بنات بالمدرسه معاكي بيصلو ...وقولي لنفسك ليه هم احسن مني انا بحب الله ونفسي والصلاة بتصلح لي كل اموري المكركبه واول حاجة الصلاة هي الاساس وبعدين كل شي بينصلح باذن الله.....اللهم اهدي( مس عسل) الى طاعتك وحسن عبادتك اللهم امين اللهم امين...اختك في الله (عبيرالورد)

[مس عسل]

واللة انا مش عارفة اقولكم اية انا عيطت وانا بقرا الكلام
ربنا يخليكم ليا يا رب وميرسى اوى ليكم على وقوفكم جنبى وبحب اسال ام السلام عن شىء
فعلا انا معنديش ثقة فى نفسى خالص لكن ازاى اعززها؟
فاطمة يمكن فعلا انام الساعة 10 بس مع التعليم المصرى عشان تخشى الكلية اللى انتى عايزاها لازم تنامى بتاع ساعتين كدة فى اليوم وال22 ساعة مدرسة ودروس ومذاكرة (تعليم معقد)
اختى كليوابترا احنا فى الهوا سوا ربنا يثبتك على صلاتك وشوفى النصايح هنا حتنفعنا فى المذاكرة عشان احنا عايزين نجيب مجموع
عبير الورد كلامك حلو واللة انا عارفة اخطاءى وبعترف بيها لكن المهم انى اعرف اصلحها قبل فوات الاوان عشان مرجعش اندم لانى لو مذكرتش حجيب مجموع اى كلام واخش كلية اى كلام يعنى يعتبر 2 ثانوى +4 كلية من عمرى على الفاضى واكيد حدرس حاجة مش بحبها انا مش عايزة دة يحصل
وفى الاخر بشكركم على وقوفكم جنبى يا اعز صديقات

[بنت عشرين]

مس عسل

بجد بجد

انتى زي العسل

كأنك بتتكلمى عني أنا

ربنا يسعدك يا عسوووووووولة

[توت ورمان]

الله يوفقك يامس عسل
والأخوات ماشاءالله عليهم ماقصروا معك بالنصايح
والله يوفقكم جميعاً.

[مس عسل]

شكرا على المرور يا غاليين

[لينا الأمورة]

اللهم اهدي( مس عسل) الى طاعتك وحسن عبادتك اللهم امين اللهم امين...