ركن الطبخ المغربي

[fairouz2]

اخواتي المغربيات بما اننا عندنا اسلوب خاص فالاكل علاش ما نفتحوش ركن ديال الوصفات المغربية

["أحلم بالجنة"]

أنا معاك ألحبيبة

[fairouz2]

يلاه انا نبدا ليكم عندي واحد الحليوة بكاوكاو كتجي معلكة غزالة المقادير 6بيضات 2زلايف سكر 1كلج كاوكاو مطحون 2كيس خميرة حمراء 3معالق كبار عسل 250غ سكر كلاصي للتفنيد الطريقة ناخذ مقدار زلافة سكر مع 2 زلايف كاوكاو وتـطحن وهكذا حتى نهاية كاوكاو يخفق البيض ثم نضيف كاوكاو المطحون مع السكر ثم الخميرة الكيماوية والعسل نمزج الكل جيدا ونعمل منه كويرات صغيرة تفند فالسكر كلاصي وتصفف في صينية مدهونة ومرشوشة بالدقيق وتطهى في فرن معتدل على فكرة ستفيها متباعدة باش ما تلاصق

[lolla_82]

تبارك الله عليك أ fairouz2 باينة عليها حلوة واعرة

[**ام البنات **]

فكرة جميلة

تصفحوا هدا الرابط اكيد سيفيدكم

http://www.lakii.com/vb/showthread.php?t=168722

و يا ليت بما ان الموضوع بركن الاطباق يكون تخصص اطباق

و بامكانكم فتح موضوع جديد بالحلويات


ده اقتراح فقط و الف شكر لتفهمكن

[fairouz2]

لولا فعلا حلوة زوينة اللي داقهاعندي كيطلب مني الطريقةجربيهاوردي علي ياك ما غير كيجاملوني وانا تييقت خخخخخخ

[halloula]

فيروز هانا جيت
ووووووووووووووووووووووووووووووووواو حلوة واعرة هديك كنقولو لها الحلوة الملوزة كتكون حتى باللوز
الله يعطيك الصحة

[fairouz2]

وا فينكم يا البنات حركو هاد الركن راه مسيكين عاد تولد ديوها فيه

[halloula]

مسكين هدا الركن عيان دياولنا ما حدكاتش
الاخت لوجي وريني كيف نحط صور في المنتدى حيت عندي وصفات لابد من الصورة باش تبان الصور عندي في ب س ديالي اون اختي
انتضر

[nana1970]

ها انا معاكم فيروز الحلوى رائعة واش كتعرفو وصفة الدجاج المشوي على الملحة كيجي لاائع الي بغات نعطها ليها

[nana1970]

او نديرو شوي ديال النضام الحلوة في ركن الحلويات والطواجن في الأطباق الرئيسية اولالا او التالويل لمغاربة ماليه

[حياة النفوس]

السلام عليكم يا بنات انا معاكم. nana1970 اشناهية الوصفة ديال الدجاج المشوي

[nana1970]

او للا تخدي دجاجة تخسليها بحال القاعيدة بالملحة واللمون وتاخدي التومة دقيها في المهرازمع سكين جبير +الماحة+لبزار +حتى تصبح بوماض زيدي شوي زبدة او سمن على حساب الدوق دهني الدجاجة مزيان بهاد الخليطمن الداخل وتحت الجلد
جيبي صنيو ا خوي فيها بكية ملحة وحطي فوقمنها الدجاجة وديريها في الفران حتى تحمر حطها غير الفوق

[nana1970]

ودب واحد الوصفة ديال اللحم
في كوكوت حطي اللحم كيلو على الأقل+2بصلاي مشلضين+زعفران ملح سكين جبير+ابزارغلقي الكوكوت بدون ماء ولا زيت حطيها على نار هادئة جدا لمدة ساعة او ساعة ونصف على حسب نوع اللحمخضري باش بغيتي مشماش او برقوق او سفرجل معسل

[حياة النفوس]

الله يعطيك الصحة اختي و لكن اللحم بلا ما ميتحركش