ردوا بسرعة بسرعة قبل شهر رمضان

[eman_for_allah]

بنات أحلى منتدى مساء الخير عليكم
لو سمحتوا حبيت أسألكم عن الأرز الأسمر ومكرونة الريجيم يا ترى سعراتهم الحرارية أد ايه؟؟
وياترى مسموح آكل منه كمية أد ايه فى اليوم؟؟
لانى ناوية ان شاء الله آكلهم فى شهر رمضان لو كانوا كويسين
لانى بطلت الرز والمكرونة من سنة و 4 شهور!!!!!!!!!!!!!!!!
وياريت لو حد يقول لى طريقة طهيهم لانهم اكيد بيختلفوا عن الانواع العادية
ممكن الاقى عندكم الرد؟؟؟؟؟؟؟؟؟؟
ده انا خلاص كل المحلات حفظتنى
أروح قسم الألبان يبقوا عارفين انى هاخد لبن او زبادى خالى الدسم
اروح قسم العصائر يجهزوا لى الدايت قبل مااوصل
اروح قسم الحلويات يجهزوا لى البسكويت الدايت
بيتهيّألى لما اروح قسم البقوليات هايجهزوا لى المكرونة والرز الدايت

[وحيدة الدمعة]

أن شاء الله البنات يفيدونج لأني قاطعة الرز بكل انواعة حتى الأسمر وحتى المكرونة مسوية رجيم قاسي

[BlueAngle]

السلام عليكم

ازيك يا ايمان
بالنسبه للمكرونه
انا بسلقها فى الميه و شويه ملح زى العاديه
ممكن تكليها مع خضار

بالنسبه للرز انا مش عارفه انتى قصدك اللى هوة بالجنين بتاعه (بيبقى فيه نقطه بيضه كده)
و لا ايه ؟؟؟؟؟؟؟؟؟

المهم بالنسبه للى فيه الجنين بتاعه
لو عملتى كوباية رز اعملى كوبايه و نص ميه اوكيه
انا بحط معلقه صغيره زيت فى الحله وبعدين اقطع مثلا اى خضار (بصل - جزر - بسله - كوسه - فاصوليا - الحاجات الخضرا بتاعة المحشى كمان بتبقى حلوة اوى) أو أى حاجه عندك
و بعدين اشوحهم شويه(مش يتحرقوا !!!!!!!!! )
وبعدين احط الميه والرز فى نفس الوقت
و لما تغلى الميه وطى النار وحطى الشياطه
و سبيه تقريبا35 - 45 دقيقه
و بعد ما تطفى عليه مش تفتحى الغطا على طول استنى 10 دقايق كده عشان يبقى اطرى و احلى

فى طريقه تانيه بس قوليلى دول عجبوكى ولا لأ الاول
ســــــــــــــــــــــــــلام

[eman_for_allah]

شكرا يا (عمرى البحرين على اهتمامك
وانت يا blue angle..مش عارفة بجد أقول لك ايه بس ربنا يجازيكى خير
ويحقق لك كل اللى بتتمنيه ياااااااااارب
الطرق بتاعتك أروع من بعضها وانتى فعلا اوحيتى ليا بفكرة الخضار اللى مع الرز دى
حقيقى باشكرك من كل قلبى
وياريت فعلا لو عندك طرق تانية تزودينى بيها لو سمحتى

[لـــمـــووو]

حبيبتي يسلق يقليل من الملح وزيت الذرة وبدون اضافة اي نوع من البهارات..

[النوايا الحسنة]

ان شاء الله بنات لك يفيدونك

والله يوفقك

[BlueAngle]

انا جيييييييييييييييييت

السلام عليكم
ازيك يا ايمان
بالنسبه للطريقه التانيه بتاعة الرز هى فكرتها عامله زى البليله
بس و الله انا مجرباها و طعمها رائع
بصى اولا
تغسلى كوباية رز اوكيه
وتستعملى حله ( يا ريت ستانلس ستيل أو بيركس) عشان مش تتفاعل مع الرز و تغير طعمه
حطى 6 كوبيات ميه فيها و معاهم كوباية الرز (هتقولى فين الملح ..........استنى على رزقك شويه )
أول ما الميه تغلى غطى عليها ووطى النار و حطى الشياطه أوك
و سبيها حوالى 50 دقيقه و زى ما قولت قبل كده ما تفتحيش عليها خالص الا بعد ما تطفى النار بربع ساعه على الأقل أوكيه
ثانيا نيجى للملح بقى
تجيبى يا ستى 16 معلقة سمسم و معلقة ملح
و بعدين حمصيهم على النار شويه لحد ما السمسم يغمق لونه شويه (مش تحرقيه )
و بعدين حطيهم فى الهون بس يكون خشب ودقيهم
و عنيهم فى برطمان فى التلاجه او لا مش هتفرق لحد ما تستعمليهم
على فكره الملح اسمه جوماشيو و طعمه حلو أوى و صحى
ثالثا
حطى كوبايه من الرز و معاها من السائل بتاعها و عليهم معلقتين جوماشيو و قلبى و دوقى وادعيلى.........

[eman_for_allah]

شكرا يا روح قلبى على الطرق الجميلة دى
أنا النهارده جربت طريقة الرز الأسمر بالخضار وكانت جميلة

[BlueAngle]

أى خدعه يا ايمى انتى تأمرى

[شيمـاء]

جزاكى الله خيرا على المعلومه

[ملكه الجمال1]

شكرا ليكي ياblueangleانا تعبتك معايا بس بجد الف الف شكر الطرق بتاعت الارز خطيره

[ملكه الجمال1]

شكرا ليكي ياblueangleانا تعبتك معايا بس بجد الف الف شكر الطرق بتاعت الارز خطيره