برنامجى لشهر رمضان(ان شاء الله) مين ييجى معايا؟؟؟؟

[eman_for_allah]

السلام عليكم ورحمة الله وبركاته
ازيكم يا بنات.. يارب تكونوا كويسين
أنا بعد تفكير وبحث وتمحيص وحاجات كتيرة كده مالهاش لزمة
وصلت لبرنامج غذائى ان شاء الله ناوية أعمله فى الشهر الكريم..
تعالوا معايا بقى وهانخرج منه ان شاء الله وزننا كويس..
وبعدين احنا عايزينه شهر عبادة مش اكل ولا اييييييييييييييييه؟؟؟؟
المهم..مبدئيا :السحور كل يوووووووووووووم: زبادى منزوع الدسم(لانه بيحرق الدهون)+نصف خبز سن
ان شاء الله هافضل طول الشهر اتسحر كده بس وهايكون ده ان شاء الله قبل الفجر بحاجة بسيطة
لان طبعا زى ماانتوا عارفين يستحب تأخير السحور والتعجيل بالفطور
المهم...الفطار كل يوووووووووووم: طبق سلطة(طماطم+خيار+بصل+خل+ليمون)+النوع الموجود بقى سواء لحمة او فراخ او سمك يعنى ربع فرخة او 2 سمكة او قطعة لحمة بس تكون كبيرة وحلوة كده ده قطعة واحدة يا بشر
بس يعنى سلطة + اللحوم
وطبعا بين التراويح والسحور لترين ماء
وبعد صلاة التراويح كوب شاى أخضر بنعناع
ولو لازم يعنى تاكلوا حاجات حلوة يبقى قطعة واحدة فى الاسبوع وتكون 2سم*2سم
وانا هامنع نفسى من الحلويات خاااااااالص واى حاجة اكون عايزة اكلها اوى هاسيبها لبعد الشهر ده
ملحووووووووووووووووظة هااااااااااااااااااامة جدااااااااااااااااااااااا:
طبعا يا بنات الصلاة أهم حاجة طب حتى شوفوا
لو صلينا الفجر والظهر والعصر والمغرب والعشاء+السنن بتاعتهم+التراويح+قيام الليل شوفوا بقى هانتحرك كتير ازاى واد ايه من الدهون هاتتحرق
ها؟؟؟ مين هاييجى معايا؟؟؟أنا هادخل أنام دلوقتى وعايزة أصحى الاقى كل البنااااااااااااااااات بيشجعونى
لاننا ان شاء الله لو عملنا النظام ده هاننزل نزلة محترمة ممكن توصل ل10 كيلو..يلا يلا
وعندى لكم مفاجأة...علشان نوصل لنتيجة مظبوطة لازم نلخبط فى الاكل 3 ايام كده قبل شهر رمضان
علشان نعمل ربكة لنظام السعرات عندنا فلما نمنع الاكل بالطريقة دى فى شهر رمضان الجسم يتأثر أكتر مايكون اصلا أكله قليل...فاهميييييييييييين...أنا عن نفسى قبل مااعمل اى ريجيم لازم ألخبط قبله بكام يوم علشان الموضوع ده وبتكون النتيجة كويسة جدا الحمد لله يلا يا شباب هانهيص بقى وناكل اللى نفسنا فيه قبل الشهر الكريم
بس هانموّت نفسنا بعد كده اهئ اهئ اهئ

[HoT_CoC0]

والله احس فيه اكل ياقلبي
انا ماينسبني الاكل الكثير لازم بس من جد انا ابغى نظام غذائي علشان انحف عليه لان رجيمي ابدااااا مايصلح
في رمضان
وانا من الناس اللي يسمنو في رمضان بطريقة مهوله

[مس عسل]

اووووووووة ايمااااااانو اية العبقرية دى
طيب انا ممكن اعمل كدة بس مينفعش اشرب تمر هندى يعنى اصلى متعودة قبل ما افطر لازم اشرب تمر هندى يا اما نمرة وكوباية ماء دة يفسد الموضوع ولا اية كمان فى رمضان انا بروح المدرسة مشى يعنى حمشى فى اليوم بمعدل ساعة يلا بقى عشان على العيد نلبس حاجات حلوة كدة
انا معاكى يا ايمانو وحلخبط فى الاكل بقى

[eman_for_allah]

Hot coco:ومين فينا بس بيخرج من الشهر الكريم ده ووزنه قل لو حتى جرام واحد
ده ان ماكانش من أكل البيت فبيكون من العزايم
بيتهيألى ان أحسن حل اننا نقاطع كل الاقارب والمعارف علشان نمنع العزومات..
وعسوووولة: عبقرية ايه؟؟ ده انا زهقت وجبت آخرى
المهم: اشربى تمر ماشى بس ياريت كوب صغير وياريت مش كل يوم يعنى هو احنا ناقصين سكريات؟؟

[البحر الراءق]

ان شاء الله ربنا ييسر لك وشهر رمضان فرصه عظيمه لتغيير الحال روحانيا وبدنيا للافضل
شدى الهمه وشويه صبر واحنا هنعمل المعجزات ................ وبعدين احنا كده كده بنشبع بسرعه فأفضل نأكل اكل صحى وبلاش نلخبط فى اكل النشويات والسكريات وهما دول سبب البلاء فى الى احنا فيه

[امل الحياة]

جارى التفكير فى الموضوع.....

[فتوش]

ممكن فكرة حلوة

[لـــمـــووو]

جزاك كل خير اختي فترتيب الاكل في رمضان مهم جدااااااااااااااااااا" والحر الاغذية الخفيفة والمفيدة يريح المعده ويساعد المسلم على اداء فرائضة
توكلي على الله وبالتوفيق ..

[كتكوتة مصرية]

انا هشجع من بعيد بس ههههههههههههههه انا مش معاكو
ايمى عاملة ايه وايه اخباراتك من كلامك كده شكلك اتحسنتى كتير الحمد لله ربنا معاكى يا جميل

[eman_for_allah]

ايه ده كله ايه ده كله كل ده تشجيع ده انا شكلى كده هابدأ من بكرة الريجيم ده
شكرا يا جماعة على المرور والاهتمام والرد
وانا الحمد لله اتحسنت جدا يا كتكوتة شكرا على السؤال يا جميل