المجتمع الجامعي من تجارب الجامعيات ..... لخريجات الثانويه العامه حيّاكم الله

[شمووخ همّه]

السلام عليكم ورحمة الله وبركاته

ياهلا والله وغلا بالحبيبات

نورتوووووووووووووووووووووووا

كيفكم يالغوالي وش اخباركم وش علوووومكم

كيف الاجازه معاكم

الف الف الف مبرووووك التخرج أسال الله لي ولكن التوفيق في الدارين

فكرة الموضوع كانت في راسي من مده ودي اتكلم عن الجامعه ونعطيكم فكره عنها>>يعني وش قالوا لك مانعرف يعني

فامس كالمعتاد وانا آخذ لي فررررررره عالمنتديات. >>ربطوني بلكِ عشان ماافرفر

شفت موضوع وكان يتضمن نفس فكرتي تقريبا

فقلت ليش ماانزل موضوع لبنات منتدانا مثله يستفيدووون من تجارب الجامعيات وياخذون فكره حلوه عن الجامعه ومجتمعها ووووووتصير عندهم خبره >>ليش ياساتر وين بنروح


اولاً قبل كل شئ هذي هديه صغيرونه مني لكم





كان ودي انها تحمل اسماءكم كلكم لكن للاسف خفت اكتب البعض ويزعلون البقيه لانه مو كلكم اعرفكم

وقلت بنزل موضوع اطلب اللي بثالث بس يسجلوون حضو ر بس قلت السالفه بتطول واخاف مايمديني انزله قبل ماامشي >>متى بتمشين بس طوّلتي >>على قلوبكم هاه


فقلت يالله ياشموخ سوّي هديه واهديها لكل الخريجات لانه مو كلهم تعرفينهم فسامحووووني يسعدلي ياكم


طبعا حبيباتي الخريجات >>>بتلقي ندوة الاخت مسويه احتفال تذكرت حفلات التخرج هع

اخواتي وغالياتي خريجات الثانويه العامه

ادري الاحساس بالنجاح خصوصا هذي المرحله له طعممممممممممممممم خصوصا ان الكل مهتم فيك حتى يمكن اللي مايعرفونك >>احلفي

ودهم يشوفون كم جبتي وكم حصلتي وووو

الله يسعدكم ويكتب لنا جميع اعلى الدرجات دنيا وآخره

فوش رايكم نعطيكم فكره عن الجامعه والكليه

طبعا الجامعيات لااازم يشاركونا الحديث وبرضه المتخرجات وكل كل كل وحده لها تجربه او فكره او نظره عن الجامعه تلزقها هِنا

طبعاً الثنويه الله عالثنويه اياااام الله يذكرها بالخير وناسه وفله ورجه

يعني ودعيها واقبلي بجد

لا يعني ضروري تخفين شوي من فلّتك لانك كبرتي عاد مو مره تكبتين عمرك لا يالغلا وسسسط

والمجتمع الي انتي فيه خلاص يعاملك بشكل غيراحم احم

تتعاملين الان مع استاذات معيدات دكتورات بعضهم تقول لازم تنادينها يادكتوره فلانه

البنات طبعا كل وحده بتحس نفسها كبرت فتغير سلوكها بشكل تلقائي بدون ماتحس نوعاً ما

طبعا في الصيف راح تنزل جداول التسجيل فشوفي التخصص اللي حابه تسجلين فيه وباي يوم وجهّزي اوراقك

وملفاتك وصور لبطاقة العائلة وماالى ذلك مما سيذكر تبع الجدول

طبعا قبل كل شئ استخيري ثم استشيري ذوي الرأي من اهلك ثم اقبلي والله معك

بعد كذا باذن الله يارب يقبلوونكم ويتحقق اللي تتمنووونه يااارب

نبدأ للمهم اللي هو مجتمع الجامعه والكليه وماادراكِ ما ذاك المجتمع

حبيبتي يوم اني مثلكم كنت اتمنى وحده توعيني تعلمني تقول ياشموخ ترا فيه كذا وكذا خليك كذا وكذا والحمد لله كانوا اخواتي يوصون


لكن برضه اكتشفت وعرفت اشياء يمكن هم ماقالوا لي عليها لانها سطحيه بس حتى السطحي يمكن يخلينا نتلافى الاحراجات

طبعا أول اسبوع المجتمع جديد عليكِ عادي مشي وضعك وحاولي تكيفين نفسك ولاتنتظرين من احد هالشئ

لاتضيقين خلقك أول اسبوع ..>>>لاتسوين مثلي قلبتها


خليك طبيعيه طبيعي تتضايقين لان المكان جديد عليك بعد كذا باذن الله راح تتكيفين على طووول خصوصا لما تحطين ببالك دراستك
واهتمامك فيها

طبعا البنات مثلك كل وحده جايه يمكن صديقاتها مو معها بنفس الكليه فهنا يجي دورك ياذكيه تختارين الصديقه اللي يرتاح لها قلبك وتحسين انها بتكون عون لِك على الخير باذن الله



طبعا مو كل زميله صديقه ومو كل صديقة زميله !!

بعضهم تجلسين معها وتحكين تكتشفين بكره ان السالفه الكليه كلهم صاروا يعرفونها طبعا ولله الحمد ماصار لي هالموقف صار لصديقتي لا تستغربين عاادي انتي تمرين بتجارب ومنها تستفيدين ابحثي عن الصديقه الصالحه وستجدينها باذن الله

ومع الايام راح تحسين انك تكيفتي وان ربي رزقك الصحبه اللي بتكون عون لك على الخير باذن الله

طبعا المحاضرات
ساعتين او ثلاث ساعات تجلسين على كرسي وتسمعين للمحاضره طبعا يمكن يكون بينها راحه حسب الدكتوره ويمكن تكون متصله

في اليوم طبعا محاضرتين او ثلاث محاضرات طبعا هذي في الكليه

طبعا اذا شاركتي وقومتك الدكتوووره او الاستاذه لاتوقفين جاوبي وانتي جالسه

اذكر اول سنه استغربت وش في البنات مايقومون يجابون بعد كذا عرفت اننا نجاوب واحنا جالسين شفتي الكشخه كيف

لاتقولين يازين دراسة الثنوي لا لا تقارنين انسي شئ اسمه مدرررسه

بالكليه المواد اقل والمناهج معقوله نوعاً ما على حسب تخصصك

بعض المواد راح يدرسكم دكتوووور استاذ عن طريق الشبكات الشاشات

بعض المواد وليس جميعها


طبعا انتي اميرة نفسك بالجامعه والكليه
مافيه وحده بتجلس تفرفر وراك وتقول يابنت يالله على محاضرتك

يعني انتي عارفة مصلحتك

بتحضرين هذا لك مابتحضرين محد بيضربك بس انتي واللي ينفعك

طبعا البنات بالكفتريا عااالم ثاني



فيه امن بولييييس ووومن >> بالعنقليزي

طبعا الامن يمسكون البنات المخالفات للانظمه

طبعا حبيبتي لا تستمعين لاي وحده تقول لك حولي من قسمك لا تلتفتين لها ولا تعطييينها مجاااال

انتي استخرتي وتوكلتي على الله وامشي فدربك الله يوفقك الا اذا استجد شئ فاستخيري مره ثانيه والخيره فيما يختاره الله

طبعا الاختبارات لاتستغربين لو قالت لك الدكتوره بكره اختبار لا خلي الوضع عادي

خلي ببالك دائما تجيبين درجات عاليه من اول مستوى او اول سنه

حضورك بتوقييييعك كشف يتمرر عليكم وتوقعين لا تستمعين لاي وحده تقول وقعي بدالي وهي حضرتها طالعه برّا الدكتوره تحط ثقتها فيك فلا تخونينها

في المحاضره انتبببهي لاتشوف الدكتوره منك سلوك مايعجبها
تحطك ببالها واكيد اذا احترمتي نفسك الناس تحترمك

وش بعد وش بعد

وش رايكم اخلي الفرصه للبقيه ... يالله يابنات الجامعه هاتي اللي عندكم انا تكلمت عن الكليه لاني ادرس بالكليه وبعض انظمة الجامعات تختلف عننا فهاتي اللي عندكم

تجاربكم مواقفكم افكاركم نصايحكم


لا تقولون ياشموخ خوفتينا من هالدراسه لا والله بس حلو ناخذ فكره عن شئ جديد احنا مقدمين عليه
حلو نتعلم حلو نستفيد

والله يوفق الجميع يارب


على فكره ودي بنات الثنوي يعطوني فكرتهم قبل لايقرون كلامي عن هالمجتمع الجديد اللي مقدمين عليه
يالله ياحبيبات بانتظاااركم



اتمنى مااكون طوّلت عليكم الموضوع متعوب عليه لكن كله لخاطر عيونكم يهوووون


حبيت الموضوع يجمع بين الجد والمرح ويسعدلي ياااكم ياحبيباتي

[..الغدير..]

وعليكم السلام ورحمة الله وبركاته

شمووووخ..
ما شاء الله موضوعك حلو ومهم جدا للبنات المقبلات عالجامعة الله يعينهم..

صحيح ألف مبارك للناجحات والمتفوقات وإن شا الله دايما النجاح حليفكم..

في جعبتي الكثييييير من النصائح حكيتي جزء كبير منها..ولكن ليس لها متسع الآن..أرتبها وأعود لكم.. بإذن الله..

[لمسات أمل]

وعليكم السلام

شموخه

ما خليتي شي خخخخخخ

عالعموم موضوعك رائعه للبنات الحلوات الي صارو جامعيات < --- احس انكم متشققين من الفرحه

[حكايا المطر ~]

وعليكم السلام ورحمة الله وبركاته ..

ياهلا وياغلا بكل الغلا شمووختي ..

سبحان الله الحلو ماوراه الا كل حلو ..

يسعدلي قلبك وش كثر هالموضوع يهمني ..

وخصوصا اني وحيدة ماعندي اخوات ..

تهيء تهيء ..

والله يبارك بأيامك للمرة المليوون ..

وبما أني احدى المتخرجات اقوول لك

الف مليوووووون شكر ياذوق ع الهدية الحلوة

ودي بنات الثنوي يعطوني فكرتهم قبل لايقرون كلامي عن هالمجتمع الجديد اللي مقدمين عليه
يالله ياحبيبات بانتظاااركم

برد اول على ذس ..

بصراحه والله آخذة فكرة جدا مخيفه ..

خلوني اتكلم بصراحه >> صراحتها تجيب الهمّ هع

يعني احس ان البنات بمعنى الكلمة دفشات يعني خايفه بشكل

طبعا خوفي مو يعني خوف مضاربات > بالله ذي صراحه

يعني الخووووف كلة ع الاخلاق مع اني متأكده ان الاصيل مايغير فية شي مهما كان ..

لا اله الا الله احس النخبه منهم قليله جدا ..

واكيد انهم ماراح يتواجدون الا بالمصلى ..

أنا اول شي راح اسويه على طول بأتجه بشحمي ولحمي لذا المصلى ..

وكمان ذا الاستاذات ماني هاضمتهم ابدددددددددددددددددددد

والله شكلي باخربها ماراح اتأقلم معهم بسهوولة ..

الله يعيين ...,,,


نرجع لدرر شمووختي ...

كلامك جدا قيّم وبصراحه استفدت كثير والله الشاهد ...

مجملا قممممممممممممة بقممممة ياشمووخه

يعني ضروري تخفين شوي من فلّتك لانك كبرتي عاد

عاد ذي مادري شلون بنعديها ..

يعني ماراح نتسابق ..

بس يالله كبرنا مقدور عليها ..

يوم اني مثلكم كنت اتمنى وحده توعيني تعلمني تقول ياشموخ ترا فيه كذا وكذا خليك كذا وكذا

الله لايحرمنا منك ..

طبعا المحاضرات
ساعتين او ثلاث ساعات تجلسين على كرسي وتسمعين للمحاضره طبعا يمكن يكون بينها راحه حسب الدكتوره ويمكن تكون متصله

ياوييييييييل حالتس ياحبووبة وش يصبرتس ..خخخخخخخخخخ

الى الآن ماني مستوعبه وحده تتكلم 3 ساعات متواصله هع

الله يعييييييييين ..

بالكليه المواد اقل والمناهج معقوله نوعاً ما على حسب تخصصك

الحمد لله زين ..

طبعا الاختبارات لاتستغربين لو قالت لك الدكتوره بكره اختبار لا خلي الوضع عادي

يعني ماااااااافي ..

لاااااااااا يا أبلااااااااااااااااااااااااااااااااااااااا الله يخليكي خليها بعدييييييين

الله يرحم حالنا وش كثر كنا مدلعين

دايم معلماتي يقولون راح يجي يووم تعرفون وش كثر انتم مترفهين ..

والله شكلة جاك الموت ياتارك الصلاة ..

اتمنى مااكون طوّلت عليكم الموضوع متعوب عليه لكن كله لخاطر عيونكم يهوووون

بالعكسسسسسسس وربي افدتيني حييييييل ..

الله يجعلة في ميزان حسناتك يارب ..

بأتابع معاكِ نصائح الحلوات الباقين ..

الله يسعد قلبببببببببببببببببببببك شموختي ..

لي عووووووووده ..

[MaLaK]

وعليكم السلام ورحمة الله وبركاته

الله يباارك فيك يااعمري..

ومشكووووره وربي اني كنت احااتي وش هالكليه وكيف نظامهم وكيف حياتهم <<شايفت عالم ثاني

بس الحمدلله كلامك ونصائحك انارت لي بعض الاماكن المظلمه..

تسلمييييين والله ياقلبي

طبعا البنات مثلك كل وحده جايه يمكن صديقاتها مو معها بنفس الكليه فهنا يجي دورك ياذكيه تختارين الصديقه اللي يرتاح لها قلبك وتحسين انها بتكون عون لِك على الخير باذن الله

يووووووووه..عااد اناا صعبه صعبه..ايه وحده تدش مزااجي..

شكلي بقعد لي شهر لين الاقي وحده تنااسبني <<ياشين الحظ..مشتاقه لرفيقااتيsid

ساعتين او ثلاث ساعات تجلسين على كرسي وتسمعين للمحاضره طبعا يمكن يكون بينها راحه حسب الدكتوره ويمكن تكون متصله

*0* *0* *0* *0* *0* *0*

اووووووووووووووووب سااعتين وربي كثيير

انا ياادووب 45 دقيقه مااستحمل..

الا ابي اسئل الكراسي كيف نوعيتها؟؟ تكون مريحه لهالساعتين..؟

في اليوم طبعا محاضرتين او ثلاث محاضرات طبعا هذي في الكليه

اوووب يعني لو قلنا للمحاضره ساعتين او ثلاث..

يعني اقعد في اليوم على الكرسي..4 ساعات او 6 يااربي مااستحمل ..S:

طبعا اذا شاركتي وقومتك الدكتوووره او الاستاذه لاتوقفين جاوبي وانتي جالسه

لاا عيب..امي قاالت لازم اوقف احتراماُ لهم..

ماني متعووده كذا ..

دكتوووور استاذ عن طريق الشبكات الشاشات

كيف هذي؟؟

يعني عبر الكمبيوتر..

طيب كيف يدري اني رفعت ايديني وابي اجاوب<<شوفوا الغباء

وربي ترى ابي احاول افهم نظاام الكليه ..تراني جديده ومااعرف احد بالديره

استحمليني وانا وخيتس..

مافيه وحده بتجلس تفرفر وراك وتقول يابنت يالله على محاضرتك

يعني انتي عارفة مصلحتك

طيب في جرس..؟؟؟يصفر علشان يعلن لبدء محاضره جديده؟؟<<البنت هذي شكلها بتضييع

طبعا الامن يمسكون البنات المخالفات للانظمه

يعني مثل ايش؟؟ابي امثله علشان مااطييح فيها <<البنت بريئه

حضورك بتوقييييعك كشف يتمرر عليكم وتوقعين لا تستمعين لاي وحده تقول وقعي بدالي وهي حضرتها طالعه برّا الدكتوره تحط ثقتها فيك فلا تخونينها

وش دعووه زي الاختبارات<<ياوالله الليل ياكثر اسئلتها

بس شوفي مسأله اني اوقع بدال رفيقتي..فهذا انا اعتبره من باب المساعده

وانا ماابي رفيقتي ينقصون عنها او شي..لانها اكيد تعبانه او عندها ظروف ماسمحت لها تجي

فراح اوقع بدالها رحمه من عندي ورأفه لحالها<<متعوب عليها

اقوول شمووخه

بيني وبينس شكلي بخربهااا وبعفس الدنياا من اول يوم <<خاايفه من ذا اللحين

وتراني وحده اسئلتي كثيير اي شي موب عاجبني او نظام مو عاجبني اقووله في وجيهم كاش


وداااااااااااايمن ارووح فيهاااا..

[البنت المطيعة]

يــــــــــــــــــــــا حياااااااااااااتي ربي يسعدك و يحقق لك اللي ببالك



بجــــــــــــــــد محتاجين احد يدينا اهتمااام .. و يعلمنا بصرااحه



شااااااااااااااااايله هم يوم التقديم مرررررررررره ..

[شمووخ همّه]

وعليكم السلام ورحمة الله وبركاته

شمووووخ..
ما شاء الله موضوعك حلو ومهم جدا للبنات المقبلات عالجامعة الله يعينهم..

صحيح ألف مبارك للناجحات والمتفوقات وإن شا الله دايما النجاح حليفكم..

في جعبتي الكثييييير من النصائح حكيتي جزء كبير منها..ولكن ليس لها متسع الآن..أرتبها وأعود لكم.. بإذن الله..

اهلا والله بغدوووره
يسعدكِ ربي
انتظرك لاازم ترجعين
يالله في انتظارك يالغاليه

[شمووخ همّه]

وعليكم السلام

شموخه

ما خليتي شي خخخخخخ

عالعموم موضوعك رائعه للبنات الحلوات الي صارو جامعيات < --- احس انكم متشققين من الفرحه

هلا والله بطايره
يسعدلي ياك يارب
لاتنسين تعطينا من اللي عندك شوي لاازم ياطايره
في انتظارِك

[حنايا الأمل]

وعليكم السلام ورحمة الله وبركاته..
ماشاء الله عليك..ياشمووخه..
مابقيتي شي ماقلتيه..

وإن شاء الله أحاول أجمع اللي أعرفه وأجيبه..

بس اسمحيلي على التأخير..

دمتم بعافية حبيباتي..

[شمووخ همّه]

حبيبة القمر الغاليه الله يحييك

سبحان الله الحلو ماوراه الا كل حلو ..

مرورِك الاحلى الله يسعدك يارب

يسعدلي قلبك وش كثر هالموضوع يهمني ..

الحمد لله الله يسعدك

وخصوصا اني وحيدة ماعندي اخوات ..

ليش هالكلام يالغلا انا اختك واللي ودك فيه آآآمري

والله يبارك بأيامك للمرة المليوون ..

ويبارك فيك ياحبيبه

الف مليوووووون شكر ياذوق ع الهدية الحلوة

العفو يالغلا تستاهلون أكثر

برد اول على ذس ..

بصراحه والله آخذة فكرة جدا مخيفه ..

خلوني اتكلم بصراحه >> صراحتها تجيب الهمّ هع

يعني احس ان البنات بمعنى الكلمة دفشات يعني خايفه بشكل

بالعكس يازين صراحتك الله يسعدك يارب
لا مو دفشات مره شوفي الدفش>حلو المصطلح يمكن يكون طبيعة في بعض البنات بفطرتها يعني وفي بعضهم تتصنع بس هاللي تتصنع ماراح يدوم اسلوبها ايام ويتغير واللي بطبيعتها يمكن تخف شوي

بس دفاشه بقوه زي الثنوي لا

طبعا خوفي مو يعني خوف مضاربات > بالله ذي صراحه

يعني الخووووف كلة ع الاخلاق مع اني متأكده ان الاصيل مايغير فية شي مهما كان ..

لا اله الا الله احس النخبه منهم قليله جدا ..

واكيد انهم ماراح يتواجدون الا بالمصلى ..

البنات الطيبات بتلاقينهم في كل مكان
بس تنتينهم نقوه زي ماتنتقين التمر
بتحتكين مع الايام ببنات كثير وراح تعرفين مين فيهم اللي راح تنفعك وتكون الصديقه الصدوقه لِك باذن الله
وماراح تحسين مع الايام الا وانتي تعرفين بنات اكبر منك واصغر منك ومشرفات وما الى ذلك

أنا اول شي راح اسويه على طول بأتجه بشحمي ولحمي لذا المصلى ..

الله يسعِدك
شوفي يالغاليه المصلى روضة السعداء بجد
راح ترتاحين بدخولِك له تستانسين تحسين فعلا بحب البنات لبعضهم باخوتهم لبعض تسابقهم عالخير
وكل كليه حسب مصلاّها
الله يكتب لِك السعاده وين مارحتي يارب

وكمان ذا الاستاذات ماني هاضمتهم ابدددددددددددددددددددد

شوفي يالغاليه الاستاذه يمكن تستمر معك من اول سنه لآخر سنه بس طبعا تدرسك ترم والترم الثاني لا
حسب المواد ويمكن تدرسك الترمين مع بعض

المواد تتغير الترم الاول مو مثل الترم الثاني

والدكتوره حسب اخلاقياتك انتي معها
اذا انتي عسل فهي بتكون عسل معك وراح تساعدك وتكون معِك باذن الله

حاولي تكون اخلاقياتك مره حلوه مع الاستاذات صدقيني تكسبين حبهم واحترامهم
وتراهم يحبون البنت اللي تشارك وتسأل اسئله منطقيه في الموضوع

والله شكلي باخربها ماراح اتأقلم معهم بسهوولة ..

الله يعيين ...,,,

لا بالعكس ان شاء الله تتأقلمين من اول اسبوع يارب

نرجع لدرر شمووختي ...

كلامك جدا قيّم وبصراحه استفدت كثير والله الشاهد ...

الله يسعدك فرحتيني برد قلبي

مجملا قممممممممممممة بقممممة ياشمووخه

ردك القمه ووجودك يالغاليه

يعني ضروري تخفين شوي من فلّتك لانك كبرتي عاد
عاد ذي مادري شلون بنعديها ..

يعني ماراح نتسابق ..

بس يالله كبرنا مقدور عليها ..

راح تقدرين تتكيفين لان كل شئ حولِك راح يساعدِك

الله لايحرمنا منك ..

ولايحرمني منكم

طبعا المحاضرات
ساعتين او ثلاث ساعات تجلسين على كرسي وتسمعين للمحاضره طبعا يمكن يكون بينها راحه حسب الدكتوره ويمكن تكون متصله


ياوييييييييل حالتس ياحبووبة وش يصبرتس ..خخخخخخخخخخ

الى الآن ماني مستوعبه وحده تتكلم 3 ساعات متواصله هع

الله يعييييييييين ..

خخخخخخخخ

يالغاليه بتتأقلمين هي نفسها نفس الحصص مو ترتزين لييين الفسحه بعدين تطلعين

هي نفسها بس متصله المحاضره تستمر ساعتين او ثلاث لماده وحده بعد كذا راحه

واحيان يكون في اليوم محاضره وحده يعني وناااسه
واحيان تتغيب الدكتوره يعني فللله
في الجامعه لان النظام بالساعات احيان تبدأ محاضرتك الساعه 11 وتنتهي وحده واحيان يكون عندِك أُف مافي محاضرات

وبعض الاقسام العلميه مثل الحاسب مثلا تبدأ محاضرات الظهر واحيان ينتهي دوامهم خمسه العصر حسب الجامعه

شرايكم

اتمنى بنات الجامعه يتواجدون هنا عشان يفيدونكم لاني مثل ماقلت لكم انا بالكليه

بالكليه المواد اقل والمناهج معقوله نوعاً ما على حسب تخصصك

الحمد لله زين ..

الله يوفقك يارب
شوفي حسب تخصصك والمواد اللي يحتويها
طبعا في مواد تخصص وفيه مواد عامه يعني انا تخصصي دراسات اسلاميه ادرس نحو ادرس طرق تدريس ادرس انجليزي ادرس علم نفس نمو وهكذا
وطبعا الاستاذه لها دور في تسهيل الماده او تصعيبها والله ييسر لكم يارب
بعض المواد يمكن تكون ملزمه بسيطه
وبعضها لا يمكن كتاب او اكثر من كتاب فلا تستغربين الوضع

يعني ماااااااافي ..

لاااااااااا يا أبلااااااااااااااااااااااااااااااااااااااا الله يخليكي خليها بعدييييييين

انتبببهي تقولين ياابلا
الله يسعدك يارب
اذا ودك بشئ حاولي تتكلمين مع الاستاذه بهدوء وعلى حسب حالكم واخلاقياتكم مع الاستاذه

الله يرحم حالنا وش كثر كنا مدلعين

دايم معلماتي يقولون راح يجي يووم تعرفون وش كثر انتم مترفهين ..

والله شكلة جاك الموت ياتارك الصلاة ..

باذن الله تستانسون لكل شئ حلاته

اتمنى مااكون طوّلت عليكم الموضوع متعوب عليه لكن كله لخاطر عيونكم يهوووون

بالعكسسسسسسس وربي افدتيني حييييييل ..

الله يجعلة في ميزان حسناتك يارب ..

بأتابع معاكِ نصائح الحلوات الباقين ..

الله يسعد قلبببببببببببببببببببببك شموختي ..

الله يسعدك ويرضى عليكم اهم شئ تستفيدون واول الايام وانتم تتمشون بالجامعه او الكليه اذكروووني وادعوالي