كنافة التقديم سهله وسريعه وشكل مميز ... حياكم :)

**ام عزيزان** · 27-04-2006, 07:32 AM

هذى الكنافه دايم اسويها حق ضيوفي ويحبونها

واسويها من فتره طويله

مقاديرها سهله وبسيطه

علبة كنافه

1 اصبع زبده صغيره مذوبه

جبن كيري ... والمربعه الوحده نقطعها حق اربع وحدات

وشيره ( يكون فيها اشوي زعفران وهيل )

وفستق للزينه

الطريقه

نفتت الكنافه جيدا في وعاء عميق

ثم نصب عليه الزبده الذايبه ونخلطها جيدا مع الكنافه حتى تتشربها ويتغير لونها للاصفر اشوي

نجيب فنجان قهوه ونحط فيه مقدار صغير من الكنافه

ونضع فيه قطعه من جبن الكيري

وبعدين نغطيها بمقدار اخر من الكنافه ونضغط عليه خفيف عشان تنزل معانا بسهوله

وبعدها نقلبها بصينية الفرن بهذا الشكل

ندخلها الفرن على درجة 180 لما تتحمر من فوق وتحت

من نطلعها من الفرن على طول نضع الشيره مقدار ملعقتين على كل وحده ( ريحة الزبده تجنن فيها )

شايفين الشيره اطلعت فقاعتها من الاسف لان الصينيه حاره

ونشيلها اشوي اشوي على صحون التقديم

ونزينها بالفستق ... انا ماكان عندي فستق حطيت عليها لوز

وان شاء الله تعجبكم طريقتها

**موزي** · 27-04-2006, 08:45 AM

تسلم ايدك شكلها رائع ولازم تجرب بس انا بعملها بطريقه ثانيه والكنافه كلها طبقه واحده وبحشيها بالمكسرات او القشطه او الجبن وكمان بحط الشعريه بكبسها اكم ساعه بالزبد عشان تاخذ نكهه
بارك الله فيكي