شعار"حلى متميز" الجزرية او مربى القرع = اللقطين = اليقطين من مطبخي وبالصور كمان

**um Usama** · 19-03-2006, 11:06 PM

اخواتي في الله ...السيدات والانسات الجميلات .....

السلام عليكم ورحمة الله وبركاته

اقدملكم اكلة مشهورة عنا في لبنان وخصوصا في منطقة صيدا واسمها الجزرية
وهذه اول مرة اساويها وحبيت تشاركوني فيها ...

نبدأ بسم الله :

وهي نجيب القرع ونقشره ونقطعه ويكون بهالشكل بعد التقطيع

ثم نجيب مقدار كوب كلس اشتريته من محل خردوات ونذوبه بالماء بيدنا حتى يذوب تماما ونضع فيه القرع

ونتركهم منقوعين حوالي ساعتين بالماء اللي فيه كلس

وبعد الساعتين نغسلهم جيدا من الكلس ومن ثم نضعهم في الطنجرة ونزيد فوقهم سكر وايضا نتركهم جانبا حوالي ساعتين

وبعدين نغليهم على نار وسط وبعد ما يغلوا لحوالي 4/3 ساعة ازيد فوقهم عصرة حامض ونخلليهم عالنار لساعة او ساعة ونصف لحتى نشوف القطر او الشيرة صارت ماسكة شوي

لما يبردوا نسكب بصحن التقديم مع او بدون شيرة عذوق كل شخص
وهكذا يكون شكلها

ونزيد فوقها جوز هند مبروش وجوز مقطع قطع كبيرة

ان شاء الله تكون عجبتكم الطريقة ويا ريت تجربوها لانها لذيذة جدا وما رح تندموا

.. ولا تنسوني بدعواتكم

**أم بودي** · 20-03-2006, 01:19 AM

تسلم ايدك
انا باموت في القرع في الحلويات

**الباجوري** · 20-03-2006, 04:32 AM

تسلم ايديكِ عزيزتي
طريقه لذيذه وصور واضحه
تستاهل التميز

**um Usama** · 20-03-2006, 10:09 AM

السلام عليكم

الف شكر للتمييز

انا نزلت الموضوع بالليل واليوم عم ادور عليه بالصفحة الاولى والتانية وراح قلبي افتكرت ما نزل ما خطر ببالي التمييز

لاني كتبته مرتين والكمبيوتر طيره...

اختي ام بودي تسلمي لدخولك حبيبتي

وجربيها لانها اكلة جدا لذيذة

اختي الباجوري

تسلمي هيدا بس من ذوقك شكرا لمرورك واعطاء التمييز لموضوعي....

**عذبة لحساس** · 20-03-2006, 02:56 PM

هلا اختي

الله يعطيج العافية ياقلبي وتسلم يدج الغالية

**MISS_CHEF** · 20-03-2006, 04:30 PM

الصراحة موضوعك شدني جدا جدا

يا ريت صورة الكلس بالعلبة

ما الفائدة من الكلس
وما الضرر منه

اخاف ما احصل على الكلس ما البديل

الكلس قصدك الجبس الابيض

كم مقدار السكر

يا ريت تعطيني بالمقادير

سامحينى على كثرة الاسئلة بس اول مرة اشوفه

**um Usama** · 20-03-2006, 06:04 PM

الله يسلمك اختي عذبة لحساس

مشكورة وكلك ذوقك لكلامك العسل يا عسل

**um Usama** · 20-03-2006, 06:33 PM

يا هلا اختي MISS_CHEF

شكرا حبيبتي لاهتمامك بالموضوع وان شاء الله اقدر افيدك وتكوني راضية

يا ريت صورة الكلس بالعلبة

ما الفائدة من الكلس
وما الضرر منه

اخاف ما احصل على الكلس ما البديل

الكلس قصدك الجبس الابيض

والله اختي انا جبت الكلس عند بائع الخردوات بدون علبة يعني اعطاني الكمية اللي طلبتها حسب الفلوس وهي رخيصة كتير (وكنا نستعملها بصغرنا نذوبها ونصبها بقوالب أشكال ونلونها) والله بصراحة لا اعرف اذا هي اللي اسمها الجبس الابيض ويا ريت حدا من الاخوات اذا بيعرفوا له اسم تاني يساعدونا
فائدة الكلس في هذه الوصفة انه يعطي القرع قساوة ويمنعها تهلط او تطرى عند الغلي يعني لازم تكون الحبة جامدة وتقرش عند الاكل اما الضرر منه : بأذن الله ما في ضرر لانك لما تغسلي القرع جيدا بعد النقع بتروح المادة عنه

البديل عنو لا اعتقد في بديل حبيبتي بس الكلس موجود وين ما كان بس يمكن بأسم مختلف حسب كل بلد بس ان شاء الله افتش عن اسماءه الاخرى واقولك ..

كم مقدار السكر

يا ريت تعطيني بالمقادير

سامحينى على كثرة الاسئلة بس اول مرة اشوفه

لا والله انت سامحيني كان لازم اضع الكمية بالموضوع فعدم المؤاخذة

القرع اشتريتها وزنها كان 4 كيلو ونصف واستعملت حوالي 2 كيلو سكر واللي تحب تخفف من السكر بتقدر بس الشيرة بتكون رخوة مش ماسكة بس بتنفع للي بتعمل ريجيم...

اتمنى اختي اكون افدتك وقدرت اوصلك اللي تريدينه واية سؤال اخر انا تحت امرك

بأمان الله

**&قطرة ندى&** · 20-03-2006, 09:18 PM

شو هيدا
ذكرتيي فيها الي سنة ما اكلتها
لكن اسبوعين وبدي انزل على صيدا حبيبة قلبي
ومشكورة يا عيوني على الطريقة

**um Usama** · 20-03-2006, 11:49 PM

شو هيدا

هيدا من صيدا خخخخخخخ كان فينا عادة لما حدا يسألنا شو هيدا نرد هيدا من صيدا وهالاكلة بالفعل من صيدا خخخخ

شكرا حبيبتي منالو لتعليقك الحلو

وصيدا والله ح تنور بوجودك فيها وما تنسي تاكلي جزرية وسمسمية وفستقية

وتوصلي بالسلامة

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: شعار"حلى متميز" الجزرية او مربى القرع = اللقطين = اليقطين من مطبخي وبالصور كمان

أدوات الموضوع

العرض