"شعارالحلى المتميز"!!! هريسة عن جد غير غير شكل اتفضلوا يا بنات !!!!

[سنووايت]

السلام عليكم ورحمةالله وبركاته
كيفكم يا بنات شو اخباركم اليوم راح قدملكم صينية هريسة بس بالفعل هريسة غير شكل
عملتني ياها بنت خالتها لامي وهي شيف اجيت زيارة لعنا فقلتها تعلمني اها
بس عن جد طعمة بتجنن يا بنات انا اكلت لحتى ما بقى فيني اتحرك ولسى بارد اطيب بكتير
راح اكتبلكم الوصفة وبنصحكم تجربوها وانا اكيدلا راح تعجبكم وفيها 3 اسرار وكيف انتو اخوات غالين علي راح اعطيكم يا ها بالتفصيل اللمل واي سؤال انا جاهزة
شوفوا بالاول الصينية يلي شكلها مشهي على فكرة هاي انا سويتها هي عطنني المقادير وانا سويتها لحالي لحتى بشوف وا قديش انا شطورة

[سنووايت]

المقادير :

كيلو سميد خشن مضاف اليه كباية سميد ناعم

كيلو سكر
5 بيضات
3 كبايات لبن مضاف اليها كباية ماء(يعني صارو اربع كبايات )
ملعقة ماء زهر
ملعقة بيكربونات الصودا صغيرة
رشة ملح
القطر لازم يكون مجهز اكيد الكل بعرف الطريقة

الطريقة :

بتحطي السميد في جاط والسكر في جاط تاني
بتجبي جاط تالت وبتحطي فيه 4 كبايات (يلي هو اللبن مع الماء) وبتحطي فوقهم الحمس بيضات
وبتحركي منيح منيح لحتى بخطلتوا وبضيفي عليهم الماء زهرالبيكربونات الصودا ورشة الملح (والسر الاول بتحطي فوقهم ملعقة طحينية )
وبتحلطيهم منيح منيح مع بعض وكل هيدا الخليط
بتحطيه فوق السكر وبتحلطيه منيح لحتى بمنزجوا
وكل هيدا الخليط بعدين فوق السميد وبتحركي وبتحركي وبنحركي عم امزح بحتى تشوفيهم اخطلتوا منيح بتجيبي الصينية وبتحطي
فيها او سمنة او طحنية منشان ما تلزق وبتحطي الخليط فوقو وبعدين بتحطي ياما سمسم يااما لوز انا حطيت متل مانكو شايفين لوز
وكنت محماية الفرن على 450 حطتيها بالنص وقت بتتحمر على الاطراف بطلعي الصينية على طبقة يلي فوق وبتخفضي الفرن على
200 ويتتركيها لحتى تتحمر منيح بصراحة انا ما انتبهت علىالساعة قديش ضليت بس كنت دائما انتبه عليها وبس تتحمر من تحت
بتشعلي الفرن من فوق وبتحمريها بس تشوفيها اتحمرت من فوق شوي (بنكوني مذوبة ملعقة زبدة وهيداالسر التاني وبالفرشاة بتمسحي وجه
الهريسة والسر التالت بنفس الوقت تحطي ملعقة من القطر يلي سويته بقلب الصحن وبتمسحيكمان وجه الهريسة لحتى تتحمر منيح وبطلع شكلها
بشهي)وبس تتحمر بطلعيها من الفرن وبتبلشي تقطعيها بس شوي شوي منشان ما تخرب و تحطي القطر عليها لحتى تشوفي الاطراف
مبين عليها القطر بتتركيها لحتى تبرد وتتشرب القطر وترتا ح وكلوا وما تاكلوا يا بنات شغلة ولس كمان حطيها بالبراد لتاني نهار
مممممممم لسى اطيب بكتير وهاي خي
هي مو صعبة ابدا يا بنات بس انا شرحت منيح لحتى تتوضح لانوما صورتها قلت بلكتا ما نجحت معي فصورتها اخر شي
بس هيدا اكيد كافي ان شاء الله تكون عجبتكن يا بنات وتجربوها وتخبروني
وهاي الصور بعد النقطيع للتقديم

[الاصــيل]

وعليكم السلام ورحمة الله وبركاته

تسلم الايادي الحلوه ديه

الله يعطيك العافيه

[سنووايت]

الله يسلمك يارب اختي الاصيل
اسعدني مرورك

[عاشقة الحلويات]

ما شاء الله عليك يا سنووايت



دائماً متميزة وعمايل يديك متميزة مثلك


تسلم الأيادي


وبارك الله بك

[سنووايت]

ما شاء الله عليك يا سنووايت
دائماً متميزة وعمايل يديك متميزة مثلك
تسلم الأيادي
وبارك الله بك

يا هلا بعاشقة الحلويات نورتي الموضوع والله
الله يسلمك يارب ويخليكي اسعدني مرورك وردك اللطيف

[.. Rahf ..]

وااااو
شكلها بيفتح النفس
تسلمين سنوايت على الاسرار وعلى الهريسه
يعطيك العافيه

..

[ام عزيزان]

تجنننننننننننننننننن

واعجبتني الاسرااااااار القيمه

انا مرات امسح الصينيه بالطحينه بدل الزيت

وتاخذ طعم روعه

بس الزبده جديده علي

تسلممممممممممم الايادي وعليكم بالعافيه

[الذهبية]

تسلم يديك سنوايت

اشكرك على الوصفة

[أم أيموني]

ماشاء الله عنك دايما مميزة ومتميزة بكل إشي .. شكلها بيشهي وراح أعملها اليوم بإذن الله .. واخبرك بالنتيجة
حضري حالك .. بس أسافر على الشام راح أعملك زيارة ..

[LoOo LoOo]

خيااااااااااااااااااااااااااال

من جد ما شاء الله كنها جاهزة ذكرتني بحلويا الشام ومحلات الحلويات عندهم

تسلم يدينك يا فنانه

[&قطرة ندى&]

شكلها بيفتح النفس
الله يعطيك العافيه

[aliotang]

مممممممممممم شكلها تحفة تسلم الايادي ونستنا تتحفينا بالمزيد

[**ام البنات **]

آآآآآخ يا ني من هالهريسة روووووووووووعة شهيتيني فيها

تعرفي جربت طرق كثيرة من عمل الهريسة و اغلبها عجبني و اعتمدته و اضفته للمفضلة و اكيدراح اجرب طريقتك و متاكدة مليون المية انها حتطلع
تسلم الايادي و انتظري تطبيقي يا عسل

[مـiـى]

الله الله الله

و الله الصور بتاخذ العقل ,, رح جربها اليوم لأخي لأنه بيموت في الهريسة ,, و إن شاء الله تظبط معي

تسلم دياتك الحلوة سنسونة