المعجون السحري >> حضريه بنفسك << و شوفي معايا الصور
كيفكم يا أحلى أمهاات
فاكريني و إلا ناسين هل العضوة إلي ما بتشوفوا وجهها إلا كل سنة مرة
بس ترتني رجعتلكم بموضوع حلو كتير
و يعجب الأمهاات قبل الأطفال
اليوم رجعت بمناسبة العطل الإنتصافية و معايا اختراااع إنما إيه
جنااان
إذا كان عندك أطفال من عمر ثلاث إلى عشر سنين , فأكيد رح تكوني سمعت عن المعجون السحري الذي يتحول من الشكل السائل إلى الجامد
و أكيد رح ينق عليك الأولاد لحتى تشتري منه
شو رأيك تزعلي محلات الألعاب و تعمليه أنت بنفسك في البيت
و أنا رح أضمن لك أن مش بس الأولاد رح يلعبوا فيه
لأن الأولاد أكيد بحاجة لمراقبتك أثناء اللعب <==== يعني مراقبتك و بس ,,
هادا إلي صار معي
لأني و أنا عم حضره
عجبني كتير
و قعدت أنا و الكتاكيت نلعب فيه
و لو تسمعوا أصوات ضحكاتهم
شي بيفرح القلب
المهم
مقادير المعجون السحري :
مقدارين من نشاء الذرة ( الكورن فلور ) مع مقدار من الماء
حطيهم في وعاء و اخلطيهم مع بعض
لحتى تحصلي على سائل سميك مثل الصورة
طيب وين السحر في الموووضوع !!!!
أنا أقلك
هذا المعجون رح يتحول من الشكل السائل إلى الشكل الصلب بمجرد ما تضغطي عليه بإيدك ..... أقصد إيادي أطفالك
شوفي كيف بيكون جامد لما تضغطيه بإيدك
و بس تركتيه شوفي كيف بيصير
و بعدها ارجعي جمعيه بإيدك و حيتحول لكرة مرة ثااانية
و ممكن كمان تلونيه بألوان الإغذية حسب الذووق
و لحتى تكتمل التسلية
هاتي صحون و ملاعق و مصافي
و خلي الكل يتسلى
هذا كل ما عندي اليوم
و رح أرجعلكم إن شاء بألعاب ثانية مفيدة و مسلية لتسلية الكتاكيت في العطلة الإنتصافية
تعليق