الإتحاد النسائي لمحاربة السمنه

[ROZALENDA]

بسم الله الرحمن الرحيم
السلام عليكم ورحمة الله وبركاته
طبعا الموضوع قديم ومطروح مسبقا وبعتقد الكل عنده فكره عنه بس اللي لها الفضل بطرحه مره اخرى هيه الأخت العسوله يسر الرحمن
بإختصار اللي حابه تخسر وزن يااهلا وسهلا فيها تنضم معنا وتعتبر هون بيتها التاني وان شاءالله كلنا ايد وحده ندعم بعض ونشجع بعض واللي تتفشكل نسندها ونوقفها مره تانيه
معلش اذا مريتي بلحظات ضعف مو عيب الانسان ضعيف مهما كان قوي اذا حسيتي بضيق وملل وزهق من الريجيم في بعض الأحيان كمان عادي جدا كلنا بنمر بهالظروف اي لحظه تحسي انك متدايقه تعالي عند اخواتك هون فشي قلبك او بمعنى اخر فضفضي وان شاءالله بتلاقي كل الدعم حتى تستمري وتواصلي لحد ما توصلي لهدفك
النظام المتبع اي نظام بتحبيه بس ياريت يكون صحي ومتكامل الأخوات أعتقد انهم ماشيين على نظام السعرات اللي ذكرته سابقا بهالرابط
http://www.lakii.com/vb/showthread.php?t=166768
بس في اشياء بحب ضيفها اخواتي
1_ ملعقتين زيت باليوم بتضيفيهم على اي وجبه بتحبيها
2_ الماء ضروري جدا جدا جدا تأكدي انك تشربي 8 اكواب على الأقل باليوم لأنه عامل ضروري جدا لنزول الوزن
3_ بالرابط التالي في وجبات قليلة السعرات الحراريه اذا استخدمتي نوعين بروتين بالوجبه اقسمي المقدار نص من كل نوع مثلا بيضه وحده مع اربع اونصات لحمه او دجاج هي بتكون بروتين كفايه لوجبه وحده
http://www.lakii.com/vb/showthread.php?t=159961&page=1&pp=15
4_ ممكن لو حسيتي انك اكلتي اكثر من اللزوم من احد الأنواع على وجبه معينه انك تلغيه من الوجبه اللي بعدها
مثلا اخدتي رغيف اسمر بكامله مع الغدا استغني عن النشويات مع العشا
يالله بسم الله نبدأ يابنات وبتمنى اسمع اخبار طيبه من عندي ومن عند الجميع

[يُسر الرحمن]

السلام عليكم ورحمه الله وبركاته
الف مبروك يا روزى على الموضوع الجديد وربنا يجلعه فتحت خير على جميع الاخوات وان شاء الله كل واحده تنزل للوزن المطلوب وربنا يبارك لنا فيكى ولو كونت اقترحت الموضوع فده لانى مصدقت لقيت خيط اتعلق بيه وان شاء الله تشدى من همتنا جميعا ولان اكيد المنافسه بتشجع اكتر على اى شئ فمن باب اولى نشجع بعض على حاجه مفيده ويا بنات خدو بلكم واحتسبو الاجر زى ما قولت قبل كده علشان يبقى فقدكم للوزن فيه ثواب كمان
طمع بقى ....
احتسبو الاجر فى حجات كتير اولها للمتزوجات يبقى حسن تبعل لزوجا او للقدره على الصلاه بشكل احسن وكل واحده بقى وعارفه تحتسب لاجر ازاى

المعلومات المطلوبه إن شاء الله من المتسابقات
1- الطول
2- الوزن الحالى
3- الوزن المطلوب إن شاء الله

اللى موجودين معانا من المتسابقات إلى الأن هم الأخوات

1- روزلندا ----- --- الطول 160 ----- الوزن .....
2- يُسر الرحمن ---- الطول 175 ----- الوزن تقريبا 89 -- الوزن المطلوب 75
3- رواد ----------- الطول 160 ------ الوزن 71 -------- الوزن المطلوب 65
4- هبهوبه -------- الطول 158 ------ الوزن 71 -------- الوزن المطلوب 55
5- كوين -------- الطول 162 ------- الوزن 71 -------- الوزن المطلوب 65
6- ام مراد ------- الطول ..... -------- الوزن64 ---------الوزن المطلوب 55

اى أخت تحب تشترك تسجل علطووووووووووووول

[RAWAD]

السلام عليكم و رحمة الله و بركاته
ياااااااااااااااااااااااااااااااااااى ... انا رقم ثلاثة فى الموضوع.(سابقة خطيرة)
كيفك يا روز ..ان شاء الله كويسة .. مبروك الموضوع يا عسل.
و انتى يا يسور ... بديتى و الا مازال؟
انا الحمد لله .. ابداء كل يوم بنشاط .. و بقلة الاكل ... بس يجى اخر النهار يبداء التخبيص . على اى حال انا مسيطرة على الوضع بقدر استطاعتى .
بعمل صحن سلطة كبير و حطيته على طاولة المطبخ .. كل ما اجوع التفت له الاقيه قدامى .. بدل ما امشى للثلاجة و افتحها و تجى عيني على حاجة كده و الا كده .
حرب ضروس .. الله يعيننا.
هبهوبة .. تسلميللى يا رب . البنات بيبوسوا ايدك .. الحمد لله كويسين الفترة هادى .. بس عندى بنتى الوسطى راح تعمل عملية على الزوائد الانفيه المدة الجاية .. (مسكينة عمرها بس سنتين و نصف).
و انتى ايش حال الاولاد ان شاء الله بخير .
يسر يا عسل .. تعرفى انا ديما افكرلك بعريس بجد . تصورى فيه واحد صديق زوجى جدا , و هذا الصديق عنده صديق تانى مصرى و مش متزوج و بيدور على بنت الحلال .. فقلت لزوجى ازوجه صديقتى فى المنتدى ,
تعرفى ايش رد على : قاللى يا سلام نزوج واحد اعرفه معرفة سطحية بواحدة تعرفيها انت من النت و لا عمرك شفتيها ... الباين انتى كبرت و بديتى تخرفى .(شفتى يا يسر جراللى ايه)
على العموم و لا يهمك راح ادعيلك ان ربنا يعطيك الزوج الصالح اللى يهنيكى و يسعدك.
بس يلا ابداءى الرجيم يا عسل و انت حتتكعبللى فى العرسان برجليك يا قمر. هو انت شوية يا جميل
على فكرة : اخبار لولو ايه , و هى مش حترجع تانى و الا ليه .
الله لسانى اتعوج .. على اللهجة المصرية.
(على فكرة الطول 160 يا عسل )

[السيدة وقار]

وانا رحت فين

اول مرة اشوف الموضوع


الطول 158 والوزن حاليا 86 وكنت 90 من يوم ما بديت في 25 / 11 / 2005

نسي اكتب المطلوب كم

60 يا رب

[سهر الليالى]

انا سعيدة جدااا بالموضوع ده وادعوا من الله ان يقويكم ويقوينى يارب لنتغلب على السمنه لانها مرض العصر

انا طولى 162 ووزنى 87 ونفسى انزل حوالى 17 كيلو

ساعدونى انا كل الزيادة ده من الحمل والولادة


ساعدونى

[Ula1]

فليحيا الاتحاد النسائي

الأخت ROZALENDA

أنا معجبه بنشاطك و نشاط الأخوات و متابعه كل أشي بتعملوا من الأول و حابه أنظم ل لأتحاد إن شاء الله بس أنا أصلا ماشيه على نظام لطيف من 11-19-2005 و هو خلاصه كتير انواع و بنزل عليه 1 باوند كل أسبوع .

وزني الحالي 178 باوند و طولي 165 سم و حابه أخسر إن شاء الله 20 باوند ( تقريبا 10 كم ) قيل الصيفيه و قبل ما أنزل على البلاد أن شاء الله . كل الزيادات هاي أجتني من 6 أشهر بعد ما عملت دايت و وصلت لوزني الأصلي بس بعدين أكسبتهم و بزياده كمان. و ما بعرف ممكن أني اطبق نظامكم لقدام شويه .

على فكره فيك كتير وجبات قليلة السعرات الحراريه بالنجليزي و أذا الله قدرني رح أحاول أترجمهم و أحطهم هون بس انا بطيئه بالطباعة بالعربي .


الله معكم و إن شاء الله ندعم بعض حتى نوصل للأوزن الي بدنا إياه و نحافظ عليه مع السلام

[queen74]

السلام عليكم ورحمة الله وبركاته
كيفكم يابنات يا رشيقات وشو اخبار الرجيم انا والله لسه ما بدأت بس بخفف من الاكل
والف مبروك على التحاد النسائي وان شاء الله يكون فتحت خير علينا

واكيد زي ما وعدتكم بإذن الله يوم السبت راح ابدأ رجيم وممكن اكون مشغوله اليومين الجايين او الاسبوع
الجاي لانه اهلي الله يخليهم الي راح ييجوا لعندي عشان يعيدوا
فأكيد راح اكون مشغوله معهم

ادعوا لي يا بنات امسك نفسي وما اخبص

[Enas Hatem]

السلام عليكم ورحمة الله وبركاته

الف مبروك لكم جميعا وخاصه الاخت الجميله Roza والف مبروك لكل صديقاتىمن الحمله و عودا احمد باذن الله

وفعلا الرجيم الجديد يشبه الرجيم الذى كنت اتبعه مع الدكتور ........ و احب جدا ان اشترك معكم فى هذا

الاتحاد و يارب نكون دائما معا ونهزم السمنه و نسحقها ............

الطول:163........ الوزن الحالى 69 كيلو ..........الوزن المطلوب 63 كيلو باذن الله

انا على فكره كان وزنى فى شهر فبراير 2005 حوالى 87 كيلو و الحمد لله نزلت ونفسى اكمل المشوار معكم باذن الله

[هبهوبة]

بسم الله نبدأ

السلام عليكم ورحمة الله وبركاته

مبروك الموضوع الجديد..وإن شاء الله بكون فاتحة خير يا رب

روزاليند ..ضحكتيني لما قريت الاتحاد النسائي فكرت حالي عمبقرأ شي آرمة عنا بالشارع أو شي برنامج عنا بقناة الشام!!!!
عندي ملاحظة صغيرة..يا ريتك كتبتي الريجيم هون مرة تانية كان أحسن مشان اللي بدها تفوت جديد ما تقعد تفتح صفحات..

وتالت شي يا حلوه ليش ما تخلي الكنافه ليوم الإستراحه كنافه مع ريجيم ما بيمشي الحال لا تقوليلي انك بتجيبيها من عند نبيل كمان ؟ شميتي ريحة السمنه البلدي اللي طالعه من محله وواصله لأخر الشارع ؟
والله حزرتي ..يا ستي الكنافة عند نبيل نفيسة متل ما قلتي كتيير طيبة وهلق عالحكي عنها جاية على بالي احمل حالي وروح اشتريلي شي كيلو بس!!!!! تعي يلا عازمتك شو رأيك؟؟

اما عن البسكوت فبيعتمد على كمية الدهن اللي فيه وكل البسكوت الجاهز معمول بالزبده يعني مثلا تخيلي انه هالقطعه اللي بدك تاكليها فيها ملعقتين شاي زبده؟ على حسب السعرات اللي فيها ما بتخيل فيها اقل من هيك وقارنيها بصحن سلطه مع قطعة توست او نصف رغيف اسمر مع بيضع مسلوقه مثلا
لك الله يرضى عليكي ..أنا بقلك بسكوت محشي وإنتي بتقوليلي سلطة مع توست مع بيضة يعني شو جاب لجاب!!!!!!!

واخر شي ياريت تعطينا طريقة شوربة الخضار يا حلوه معلش كترت حكي بس والله مو حابه بروح تعبك عالفاضي
طريقة شوربة الخضار تبعي أنا كتير بحبها والحمدلل ..بس غيري ما بحب شكلها ولا طعمها (الناس أذواق)
أنا عادة بدون ريجيم بكون سالقة لحمة ..بحط بطنجرة زيت نباتي وبقلي بصل مفروم وقطع اللحمة وبقلي الخضار (على ذوقك) أنا بحط كوسى وبطاطا وجزر وزهرة (قرنبيط) وفاصوليا وبزاليا..يعني الواحد متل ما بحب بحط ..بقليهن كلهن وبحط فوقهن مرقة اللحمة اللي عمتغلي وبس لأطفي النار بحط عليها بقدونس مفروم ..وصحتين وهنا
بس مع الريجيم بستغني عن خطوة القلي وبحط بنفس طنجرة اللحمة بعد ما تنسلق الخضار كلها لحتى تستوي وبس

[هبهوبة]

روزاليندا ..بدي اعترفلك بشي !! (يا ساتر)ههههه
أنا هلق كتير إرادتي ضعيفة وما عمبقدر قاوم البسكوت والشوكولا رح طق عليهن!! وأنا كنت هيك ق
بل ما بلش الريجيم الماضي كل ما حاول أفشل وارجع قاوم وأخدت وقت طويل لحتى قدرت بلش مزبوط ..وهلق حاسة نفس الشي مع إني كتير متضايقة لأن نصف الوزن اللي نزلته رجع طلع وكله عمبقولي مو حرام تعبك ..وأنا عمقول لحالي نفس الشي بسسسسس الله بعين
اليوم احزري شو فطرت لأني كنت صايمة !!أكلت فول عالطريقة الشامية هيك إجى على بالي قلت أحسن من الطبخ واللحمة طبعا فول على أصوله مع بندورة وبقدونس وزيت وتوم بس أكلته بخبز أسمر والمشكلة إني أكلت صحنين مليانين !!! وبعد فترة شربت قهوة بسكر بني مع شوكولا محشية بالعسل (يا ويلي) بس أنا ما دخلني بتعرفي اللي صايم بيرغب الحلو كتير ..بس هلق عنجد مع هالتخبيص يعني قديش بيطلع أكلي فيه كالوري ؟؟طبعا ما تنسي أول شي 3 تمرات ..وكمان برتقالتين طبعا مو كلهن مع بعض ولكن في أوقات متفرقة ..أنا قلت لحالي منيح إذا اعتبرت هالأكل كله بدل فطور وغدا وعشا ..ولا شو رأيك ؟؟حبيبتي احكي شو ما بدك لا تستحي عادي !!هههههه
سامحوني كترت حكي ويمكن مليتو مني بس حبيت فضفض

[Homa]

السلام عليكم ورحمة الله وبركاته

ووووووووووانا معاكم كمان

ليه يا روز تنسيني

وزني كان230باوند

الآن225باوند

الوزن المطلوب170باوند

[الشامخه بذاتها]

محااااااربة السمنه

مشكككككككوره اختي روزلندا على الموضوع الحلو والشيق

ممكن اشارك معاكم

اذا كنت مقبوله

وزني 62

طولي 157

الوزن المطلوب 55او 50اذا امكن

وانا بصراحه ابتديت اعمل رجيم بس ماأحرم نفسي من شي بس قللت من الاكل وصار اكلي صحي اكثر فيعتمد على العصائر وشرب الماء وشوربه وسلطه بس بكميات قليله حتى الشوكلاته بكميه قليله ابتعدت نهائيا عن شرب الماء بعد الاكل وشرب المشروبات الغازيه

وشكراااا مره ثانيه واسفه اني طولت عليكم بس بغيت اسئل ينفع الرجيم كذا

[ROZALENDA]

بسم الله الرحمن الرحيم
السلام عليكم ورحمة الله وبركاته
اخت يسوره
جزاك الله خير على الملاحظه الطيبه
انا كنت حابه انك تبدئي معنا قبل العيد حتى بالعيد تاخدي اجازه بحقه بس هلا كيف بدك تبدئي قبل العيد بيومين ؟
وكمان يا يسوره شيلي فكرة انه بس بدأتي الحميه مافي أكل هوه خرب بيتنا الا هالفكره لأنه ساعتها حتصيري تاكلي حتى لو كنتي شبعانه ولا تنسي انه الحميه فيها اكل كفايه وكمان عندك يوم تنفس تاكلي فيه اللي بنفسك
اخت RAWAD
الله يبارك فيكي ويارب نطلع من هالموضوع بنتائج وما يكون مضيعه للوقت بتمنى من الكل انه ياخد الموضوع بجديه ويلتزم معنا وما ينسانا بمجرد ما يبعد عن الكمبيوتر انتي اكتر وحده بحسها متحمسه معي ماشاءالله ويارب ما يضيعلك تعب والف سلامه لبنوتك وطمنينا عليها
السيده وقار
حبيبتي عن جد مابعرف كيف بدي دلعك اسمك بحسه رسمي اخترعي شي اختصار يا حلوه بيسعدنا جدا انضمامك للمجموعه طمنينا اول بأول وان شاءالله بالتوفيق يارب
اخت S198 اهلا وسهلا بك عزيزتي وطبعا احنا معك انشاءالله لأخر المشوار اذا بتشدي الهمه بتخسريهم خلال 4 شهور وانتي مرتاحه بإذن الله تعالى بس ياترى متبعه حميه ؟
اخت1 Ula اهلا وسهلا فيكي رجعتي كسبتيهم لأنك ما حافظتي على الوزن الجديد لمده طويله وهي الخطوه اهم من انك تخسري وزن وهيه انك تخافظي على الوزن الجديد لمدة سنه وساعتها جسمك ما بعود بحاول يستعيد الدهون اللي خسرها ان شاءالله تعالى يالله هلا شدي الهمه وان شاءالله ما بتروحي اجازه الا وانتي موديل يا حلوه و بانتظار وصفاتك
اخت queen
الله يقويكي يارب حاولي تركزي على الفاكهه والخضار لحد ما تبدئي معنا وان شاءالله تقضي وقت ممتع مع اهلك بانتظار تنضمي للقافله
اخت Enas
ماشاءالله برافو يالله فات الكتير ما بقى الا القليل شدي الهمه معنا كتير اسعدني انضمامك للمجموعه وخصوصا انك اصلا في المود يعني ان شاءالله ما بتتغلبي حتى تتعودي على النظام الجديد بتمنى اسمع منك اخبار طيبه حبيبتي
هبهوبه
حبيبتي اذا بدك تخسري وزن بدك تعملي شوية مجهود اما كنافات وحلويات وتخسري وزن بنفس الوقت ما كانش حد غلب كلنا بنحب الحلو يا ستي كليلك لقمه فشة قلب او عودي حالك على بسكوت الريجيم ما هيه كل اللقم نفس الطعمه صح؟ الفرق انه كل ما زدتي كل ما جنابك زادت وانتي ما بدك هيك الفول حبيبتي خدي نص كاسه الك واعمليها متل العاده بس كتري الخضره وحطي معلقة زيت عالوش وكلي مع رغيف اسمر هيك بتكوني اكلتي فول وما خبصتيها وبدي قلك انه الشوكولا سعراتها الحراريه كتير مرتفعه حبيبتي وهيه معظمها زبده يعني لازم تحاولي تبعدي عنها بتحبي البراوني ؟ عندي طريقة براوني دايت اذا بتحبي مثلا اعمليها وكلي كل يوم قطعة صغيره
اما عن ملا حظتك فسدقيني ما بتتخيلي قديش وقتي ضيق وكتير منيح اني قدرت ابدأ هالموضوع مبارح سهرت للساعه 2 بالليل اكتبه لأني وعدت الاخوات نبدأ بموضوع منفصل مشان هيك بتمنى انكم فعلا تلتزمو وتكونو جادين ومايكون الموضوع تضييع وقت وسلمت يداك على الشوربه ان شاءالله بجربها قريب
homa
مين اللي نسيكي هاد ؟ انا حطيتلك رد بالموضوع التاني يا حلوه طبعا ومتل ما قلتلك لو ما جيتي كنت جيت عندك سحبتك من ايدك بس ما ذكرتي طولك ويالله احنا معك خطوه بخطوه ان شاءالله لحد ما توصلي لهدفك
اخت الشامخه
طبعا ممكن ونص يا اهلا وسهلا فيكي معنا بس العصائر عزيزتي بتحتوي على نسبه عاليه من السكريات ويفضل انك تاكلي الفاكهه عن انك تعصريها حتى كمان تستفيدي من الألياف اللي فيها
شو نوع الشوربه اللي بتشربيها ؟
الشوكولاته بدك تبتعدي عنها مع الريجيم عزيزتي او ممكن تاكلي شي معقول على فترات متباعده وبعد ما توصلي للوزن المطلوب ممكن ترجعي تاكليها بإتزان
اما عن شرب الماء بعد الأكل مابعرف ليش ابتعدتي عنه على كل حال ان شاءالله بسأل الطبيب
سيدنا محمد صلى الله عليه وسلم امرنا بشرب الماء قبل الطعام وبعده على حد علمي على كل حال ان شاءالله برجعلك بالخبر اليقين عن الحديث وعن رأي الطبيب طبعا رأي سيدنا محمد اللهم صلي عليه اهم من كل شيء بس بنسأل السؤال ما بضر واهلا وسهلا بانضمامك مره تانيه

[em morad]

يا بنات خلينا انشد الهمة وايد بايد وان شاء الله نوصل للوزن اللي احنا بدنا اياه انا لاحظت من الصبايا عندهم اكثير اوزان زائدة لازم انشد الهمة وما نضعف لا قدام بسكوتا ت ولا شوكلاتات يا هبهوبة تعالي شوفي عندي هون بامريكا شو في مغريات من شبس وشوكلا وبسكويت الله يعين ويصبرني والعيد على الابواب ومش عارف شو اسوي اسوي معمول بس خايف اضعف قدامه لاني ما بقاوم فقررت ما اعمل وهو صراحة بده ورشة وانا مش فاضية منيح اني سويته على العيد الصغير بكفي
انا ماشية على برنامج تخفيف السعرات صحيح بقوم عن الاكل وانا نفسي اكل كل اشي بس بمسك حالي شو بدنا انسوي وخلينا مع بعض انشجع بعض خلينا نتخيل حالنا بالبنطلونات الجينز والبديات ونودع النصاحة للابد امين يارب

حبيبتي روز رح انضل ان شاء الله مع بعض وبلكي بكره اعملت للفطور وصفت الفلفل الحلو المحشي ان شاء الله وبتمنى لكل خواتي كل التوفيق باذن الله اليوم اول مرة بلعب رياضة مع الصيام كنت افكر اني رح اتعب وارهق بس الحمد لله احلى من هيك ما في نلتقي غدا باذن الله

[...أم غلا...]

تسلمين حبيبتي على الموضوع المفيد

انا راح اشترك بس لما اولد بأذن الله

شدو حيلكم