تعليم الصغار.. من عمر سنة وحتى دخول المدرسة.. تجاربكم يا امهات
السلام عليكم ورحمة الله وبركاته
كيف حال حبايبي الصغار
وحشتوني انتوا وامهاتكم
خلينا الآن مع الأمهات
قبل كم يوم كنت في السوق وكان موجود مندوب مبيعات لمكتبة مصغرة
طبعاً الهدف هو تعليم القراءة والمكتبة تحتوي على
1- أفلام مدتها 26 دقيقة تعرض 26 كلمة تتكرر بين فترة والتانية والشخصيات هي نفسها
شخصيات ديزني لكن ما تتكلم في اي قصة.. يعني مثلاً دونالد (البطة) يشوف ميكي ويقول hello
علاء الدين يشوف شخصية تانية كمان يقول hello وهكذا تتكرر نفس الكلمة عدة مرات
طبعاً هذي الأفلام ممكن تعرض للأطفال من عمر سنة
2- كتاب activity يعني يجيب الصورة ومكتوب كلمة hello والمطلوب ان الطفل يعرف كيف شكل كلمة
hello يعني تعليم الطفل القراءة عن طريق رسم الكلمة زي ما اتكلمنا عنها مرة
3- البرنامج انجليزي لكن ماله اي صلة بالاسلام يعني ما فيه شي يجرح
4- قيمته 2000 رينجيت ماليزي
بعد هذا كله (المقدمة) فكرت اني ابدا مع ولدي نفس البرنامج لكن عربي
ولدي من البداية كنت اعرض له كليبات قناة المجد (حملتها من النت) وكـــــــــــل يوم لازم يتفرجها
مع انها محفوظة في راسه عن ظهر قلب
وانا مليييييييييييييييييت منها 
عملت بطاقات زي الفلاش كارد الموجودة في السوق واشتريت كمان كمية لكن اللي عملتها بالعربي
مثل البطاقات هدي
طبعتها في البيت وان شاء الله راح اعمل لها تغليف حتى ما تتأثر بالعوامل الجوية
(اللي تبغى الباقي من المجموعة اللي عندي تقول
)الآن ولدي يعرف الأشكال مربع ودائرة ومثلث ونجمة طبعاً من لعبة موجودة عنده
بإذن الله راح أبدأ معاه بالكلمات الأسبوع القادم.. دعواتكم
تعليق