تورته الكنافه....بالصور ;)
النهارده بقي حاجه تحفه
مني عامر عملتها في رمضان و عملتها و طلعت تجننننننننن
تورته الكنافه
1/4 كيلو كنافه
4 ملعقه سمن
2 ملعقه زيت
1/2 لتر كريمه
كوب ماء مدوب فيه سكر"علي البارد"
2 مانجه مقطعه مربعات صغيره
صينيه اللي هي بتتفتح من الجنب زي بتاعه الcheese cake علشا حنستعمل الring بس
التانج ده مش تبع الوصفه LOL
علي النار نحط معلقه سمن مع معلقه زيت " شوفي انتي المقاس اللي عايزاه انا عملت مقاس 20 "
نحط كنافه بالشكل ده و يترك يتحمر
نشيل الكنافه و نحط معلقه سمن مع معلقه زيت و نقلب الكنافه علشان تتحمر من الوجهين
و نكرر الخطوه دي مره تاني علي اساس يبقي عندنا 2 دايره كنافه و تترك حتي تبرد تماما
نضرب الكريمه مع 2 ملعقه سكر حتي تجمد"السكر يوضع في اخر ضربه"
يوضع في طبق التقديم الring بتاع الصينيه و نحط اول قرص كنافه و نرش عليه شويه ميه بسكر بس مش كتير و بعديها نفرد كريمه و عليها مانجه و بعديها قرص الكنافه التاني و نضغط بالراحه و نرش عليه شويه ميه بسكر
تزين بالكريمه و المانجا و مكسرات حسب الرغبه وتترك في الثلاجه لمده ساعتين
بعد ساعتين نشيل الring و تقدم بالشكل ده
و بالهنا و الشفاااااااا " بجد جربوها يا بنات ان شاء الله تعجبكوا"
رد مع الاستدلال
الروابط المفضلة