موسم الزيتونç>صور<ç

**وَطَن** · 31-10-2005, 02:00 AM

ما شاء الله ، تسلم إيديكى لانلون.. طريقتى بتشبه طريقتك ، بس بخليه منقوع يومين تلاتة فى الملح والليمون والفلفل،، وأحياناً بضيف ثوم وكمون بس على قد مرطبان صغير ،، طيبة كتير
وإن شاء الله راح جرب طريقتك لأنها عجبتنى كتير..
تسلمى يا قمر

**lanloon** · 31-10-2005, 02:23 AM

الله يسعد هالطله الحلوه يا جبل النور
احيانا بتفنن و بضيف الشطه الحمرا و شبت و بخبص و بطلع معي شغلات طيبه
بس هاي الطريقه الرئيسيه اللي بعتمدها دائما

شكرا على المرور يا حلوه

**طيـــف** · 31-10-2005, 11:20 AM

ياعيني ياعيني

شوهالحلاوه هاي كلها هجمممممممممممممممممممممممممممممو الزيتونات

**وعود الخير** · 31-10-2005, 11:50 AM

أموت في الذهب الأخضر
شو ذهب .. قولو زبرجد
لك تسلمي يا احلى لانلون..

يا خسارة هالسنة ما في زيتون كثير ..
ربنا بيعوضنا الموسم الجاي..

**هالة البدر** · 31-10-2005, 11:50 AM

بسم الله الرحمن الرحيم ،،

الله الله على الزيتون شكله بيشهي وعلى الصبح كمان ... ذكرتيني فيه ...

ست بيت معدله يا لنلونه .....

**lanloon** · 31-10-2005, 11:59 AM

ا عيني يا عيني على طيوفه لما تزين موضوعي بردها الحلو و هجومها اللي زي العسل

**lanloon** · 31-10-2005, 12:01 PM

وعود شفتي ما احلى منظر الزيتون ..انا بموت بمنظره
ان شاء الله السنه الجاي بتمونوا زيتون تا تحكوا بكفييييييييي زقنا

**lanloon** · 31-10-2005, 12:02 PM

يا اهلا بهاله نور الموضوع بوجودك يا حلوه

**طيـــف** · 31-10-2005, 12:30 PM

عيونك الحلوه يااحلى لنلون

**وعود الخير** · 31-10-2005, 12:51 PM

بس منظره لانلون ..
انا باعشق الزيتون الاخضر والاسمر
خاصة وقت الجني
ريحته غير شكل .. فيها ريحة البلاد..
الله على ايام قطاف الزيتون..

**lanloon** · 31-10-2005, 05:58 PM

الله يسعدلي ياكِ يا طيوف

وعود اااااااااااااااخ يا قلبي على كلامك
تعرفي اول ما اجيت على ايطاليا و لما صار موسم الزيتون و شوفته بشهي قدامي اخضر و اسمر شئ بعقد
و كان والدي الله يرحمه لسه عايش و اتصلت فيهم و قالت لي امي انه ابوي اليوم جاب الزيتون و بكره هي و ياه بدهم يشتغلوه
الله يرحموا مات تاني يوم و مالحق يشتغلوا مع امي
صدقي اتعقدت و ما مونت زيتون سنتها
بس صرت كل سنه امون بس علشان اتذكر كيف كنا انا و امي و ابوي الله يرحمه ننعجق فيه
اخر سنه مونها فيها كانت قبل ما تجوز و سنتها عبيت مرطبان صغير لي و عبيته فلفل و شطه و ليمون و استوي قبل زتونات اهلي و الكل اتعقد على منظره و الكل بده ياكل منه و انا كنت جباره و خبيته و ممنوع حد يمد ايديه
قام ابوي الله يرحمه هو و اخواني خلوني رايحه على عرس صاحبيتي و غطسوا عليه و صاروا يقاهوني
ياي ما بنسى هداك اليوم كيف مضوها يقاهروا فيي و انا زي الولد الصغير اللي حطيتوا على تمه شطه
صرت انط و افط

اااااااااااخ شو في ذكريات

**وعود الخير** · 31-10-2005, 08:14 PM

رحمة الله عليه
ورحمة الله على والدي
وربنا يرحم اموات المسلمين
صار بدي اعيط.. لاني تذكرت الوالد والوالدة .. كيف كانوا يجدو الزيتون ويغسلوا قبل ما يبعثوه للعصر او التموين..
في ميزتان حسناتهم ان شاء الله تعالى.
مش بقولوا نيال من موّن واكل .. ونيال من خيط ولبس..
عن اذنك رايحة اعمل مناحة لحالي.. ما بحب حدا يشوفني وانا بابكي شكلي بيكون وحش خالص..

**lanloon** · 01-11-2005, 02:49 PM

وعود الله يرحم امك و ابوك و يسكنهم فسيح جناته
تعي تانبكي سوى شو رايك؟؟

**وعود الخير** · 01-11-2005, 07:44 PM

لا يا ماما انا مأجلة البكا ليوم العيد...
احسن كل عيد باعمل مناحة..

بس لو وصلني مطربان زيتون من تحت دياتك الحلوين... ماراح أبكي.. بس باصوت..

موسم الزيتونç>صور<ç