يا ناااااس ...نمـــله دخلت عيني ؟؟!!؟؟

[لوجـــين محمد]

ايه نعم ...نمله دخلت بعيني
نمله؟؟؟
كيف دخلت ؟؟؟
اقولكم لا تستعجلوووون ...(في العجله الندامه)..
هذا يالغاليات ..رحت مع الاهل ناخذ عمره ومرينا الرياض وقال الوالد(الله يحفظه)
نقعد بالرياض كم يوم ثم نكمل قلنا ok ...
في اليوم الثاني رحنا لحديقة الحيوان الي بالرياض وعلشان حظي الحلو طلع اليوم يوم رجال
طيب وش الحل؟؟؟
ابوي مع اخواني دخلو الحديقه وانا وامي واخوي الكبير قعدنا برا على الحشائش ومعانا شاي وقهوه
وشويه حلويات من البقاله حلت القعده والسوالف ...
وانا منسجمه ..ومندمجه.. بالسوالف الا شي يتحرك بسرعه في عيني اليسار اول شي طرا في بالي
انها شعره ..غبار ..حكيتها شوي صارت توجعني مره ..
وقلت لاختي شوفي عيني شفيها ..شافتها ..وياليتها ماشافتها ..صرخت نمله نمله
وقف قلبي نمله كيف دخلت وانا متنقبه ومغطيه عيوني ؟؟؟؟
امي حاولت تطلعها وانا حاولت واختي حتى الخااادمه لكن مافيه فااايده ..
تدرون ليش لانها من كثر الفرك والحك ماتت لكن ما ماتت بسلام ماتت وهي عاضه عينيى
والله العظيم عاضه عيني تخيلوا..ما طلعت ..اغسلها بالماي واحكها بالمنديل لكن هيهات هيهات طلعت هالنتفه اقوى
وانا شوي الا ابكي(الا بكيت هذي عين مو شويه) طلعوها شوفولها صرفه..واخوي يسكتني ..اسكتي فضحتينا عند العالم واتصلنا على ابوي علشان اروح للمستشفى ..وصل ابوى ..وتفاجأ كيف دخلت ؟؟
انا مليت من هالسؤال الي الى الحين يسألونه..
ورحت الى المستشفى وبالطريق اسال نفسي ياربي وش اقول للطبيب نمله دخلت عيني ؟؟
علشان اصير حديث الموسم ودخلت انا مع ابوي على الطبيب ..وقلنا له على الي صار
وخدر عيني بقطره وطلعها بملقاط وقال الطبيب مرت علي حاله مماثله لها لكن مو نمله دوده!!! ساعتها ارتحت نمله ممكن مع انها غريبه لكن دوده ؟؟ .. المهم الحمدلله على السلامه بغت تروح عيني على اهون سبب !!
واصير عورا لولا فضل الله ولطفه علي لان النمله عضت الجزء الابيض من العين ..
لكن تعلمت درس قااااسي ان الانسان ضعيف جدا ..حتى النمله تقدر عليه؟؟
سبحاااان الله ..
وانتبهوا لعيووووووونكم....
والى الملتقى مع مغامرات جديده وغريبه مع لوجي .................................................. .................................................. .................................................. .................................................. .................................................. ...

[صاحبة القلادة]

سبحان الله

[GALAXY]

يالله الحمدلله على السلامه

[نفح المسك]

الحمد الله على السلامه

الحمد الله مو صرصور

[السلطانة]

لا حول ولا قوة الا بالله !! فعلاً الانسان ما اضعفه

الف الحمد لله على السلامة يا لوجين .. أجر وعافية ان شاء الله

[بسملة2006]

السلام عليكم ورحمة الله وبركاته انا اول مرة اكتب في هذا المنتدى و لكن حبيت اسلم و اقول الحمد لله على السلامه
و فعلا بني ادم ضعيف و قد يكون اضعف المخلوقات

[RAWAD]

الحمد لله على سلامتك .. ولازم تتصدقى بماتقدرى عليه شكرا لله (انتى قلتى هذى عين مش لعب).
و استغفرى لذنوبك و احمدى الله .
وانى لاكبر فيك انك تعلمتى درس من هالحادثة
و مرة تانية . الحمد لله على السلامة

[GOLD ROSE]

الف حمدلله على سلامتك

[صديقة الزهور]

ههههههاي

الحمدلله على سلامة عيونك اختي لوجين

والله مريتي بتجربة مريرة الحمدلله اللي عدت على خير

وعسى بس ماكرهتي الرياض

[شمووسه]

الحمد لله على السلامه يوم قريت الموضوع صارت عيني توجعن ههههههههههههه

[مزون البحر]

الحمد لله على السلامة .
والله هذا تذكير لنا جميعاً بنعم الله التي ممكن أن تسلب منا في ثواني ,,
اللهم لاتزغ قلوبنا بعد إذ هديتنا ..........

[شروق الامل...]

الحمدلله على سلامتك

مو انتي الوحيده اللي دخلت عينه نمله خالتي بسم الله عليها قد دخلت عينها نمله

بس الحمدلله انها طلعت ماطولت

وانتبهي لعينك يالوجين <<<<<<<<<<<<<<<<<<<<<<<<حذري نفسك اول



















بيني وبينك قد دخلت عيني نمله الله لايعيد ذاك اليوم ماطلعت الا والدم طالع من عيني



الله يستر علي وعليك من النمله

[البنت المطيعة]

يا و يلي معقووووووووووووله النمله تسوي كذاااا










ما شااء الله عليها اكيد انك غافصه واحد من عيااالها

[هالة البدر]

بسم الله الرحمن الرحيم ،،

ألف ألف سلامة إنشاء الله، صراحة أول مرة أسمع عن نملة تدخل العين، سبحان الله مخلوق ضعيف يقدر على الإنسان لهذه الدرجة.

[Dandosh]

الحمد لله على سلامتك

انا صارت معي قصة مشابهة من حيث الغرابة.. وبنفس الوقت محرجة
مرة فرشيت اسناني قبل ما أنام وفجأة حسيت بحلقي في ألم غريب، كحيت و ما ارتحت. تمضمضت وحاولت كل شي و ما مشي الحال
كنت وقتها مو متزوجة فطلعت من الحمام بحكي لأهلي بلعت شعرة من فرشاية الاسنان و موجوعة.. فطبعا ضحكوا وقالولي هلا بتروح
طول الليل ما نمت ولا عارفة أحكي و لا اتنفس و لا أبلع ريقي
المهم تاني يوم رحت على الشغل و الوجع لسه ما راح الا عم بيزيد.. بالأخير قررت أروح عالمستشفى اللي بجنب الشغل.. اتصلت بأمي اجت أخدتني ورحنا على الطواريء
و يا سلاااااااااااااام على الضحك اللي ضحكوه كل الأطباء والممرضين.. بس يا عمي مو عارفة اتنفس. أبدا ظلوا يضحكوا..
المهم طلعت عند طبيب متخصص و اطلع جوا حلقي بالمنظار اللي موصل بشاشة,, الله لا يوريكم المنظر شعرة من فرشاية الأسنان مغروزة الى آخرها تقريباً في وحدة من اللوزتين.. و ساعتها اعترف لي ان الوضع كان خطير ..
المهم انو اضطر يستخدم بنج موضعي ليشيلها و كانت لحظة رااااحة غير شكل .. و عرفت ساعتها ان البني آدم ولااااا اشي.. أصغر شغلة ممكن تخليه ما ينام و لا يعيش حياته بشكل طبيعي

وسامحينا يا لولو عالتطفل !