بتحبي تتعرفي على سوريا ؟؟؟ ادخلي مباشرة.. ::JH:: ::JH::

**target1** · 02-08-2005, 11:15 PM

بتحبي تتعرفي على سوريا ؟؟؟ ادخلي مباشرة..

بالبداية حابة رحب بكل أخت تفكر بزيارة سوريا

وبما أني من سوريا فسأشرحلكم إن فكرتوا بزيارة سوريا شو ممكن تساووا ...بالبداية أجمل المناطق بسوريا اللاذقية ودمشق فاللاذقية للسياحة الجبلية والذهاب لكسب وصلنفة وهنن من أروع مناظر ممكن تشوفوها بس للأسف

ما عندي صور والزائر يروح لبحيرة بلوران وهي بحيرة بين الجبال والغابات رائعة فعلا ....وأما النازل بالشام عنده عدة اتجاهات ممكن يزورهم الاتجاه الأول الزبداني وبلودان وهنن مناطق جبلية باردة فيها مناظر حلوة وإطلالات رائعة والاتجاه الثاني باتجاه الغوطة وهناك أماكن رائعة للتمشاية والاتجاه الثالث لصيدنايا ومعلولا وهنيك دير السيدة وكنيسة من زمن السيد المسيح والمكان جبلي وفيه أماكن زارتها السيدة مريم ...وكمان من الأماكن الحلوة زيارتها بسوريا بيت جن وهي منطقة فيها بتنبع الماء من وسط الجبل منظر امووواه وفي كمان عين الصاحب منطقة جبلية وفيها وديان ....وكمشوار ثانوي يمكن زيارة جباب على طريق درعا وهي مسابح لكن المياه تنبع من الأرض كبريتية حارة والجالس فيها يسلق

..ويذهب الناس عادة لها للاستشفاء من آلام الظهر أو المفاصل ....وبوسط الشام كأماكن ترفيهية ممكن للأطفال الفان تاون مكان رائع للأطفال

وسبلاش للألعاب المائية أو باباي بالقصور وكأسواق الحمراء والشعلان وأبو رمانة والصالحية جيدين وأسعارهم مناسبة جداً ....وأجمل ما بالشام جبل قاسيون يعرض الشام كلها ليلاً ...

.وأما كزيارة لا بد من زيارة الجامع الأموي وقصر العظم وفيه مجسمات لجلسات الشامية القديمة والكتّاب ومقام السيدة رقية وهو رائع بمعنى الكلمة وقربهم بيت جبري وهو مطعم بيت عربي شعبي قديم تتلمس فيه ريحة الشام القديمة رغم بساطة المطعم لكننا أهل الشام نعده من المطاعم المميزة عندنا والذي لا نستغني عنه بجمعاتنا ....على العموم الشام الذي يسأل يمكنه أن يجد أماكن مسلية وممتعة ....وأما المكان الذي أحبه بشكل شخصي هو نادي الفروسية والرماية فترى الخيل رائعة ...هذه معلومات بسيطة وإن أحبت أي واحدة أي مساعدة أو سؤال ممكن تسأل وتكرم بجاوبها مباشرة ...مع كامل تمنياتي لكم بإجازة سعيدة ...

**love77m** · 06-08-2005, 08:56 PM

يـعـطـيـك ألف عافـيـة
شــكـرا كـثـيـرا لــك
على التـعـريـف بـسـوريا
واتمنى لك وللـشـعـب سـوريا
التوفيق والنجاح ان شـاء الله

**ROZALENDA** · 13-08-2005, 01:19 PM

شكرا الك كتير على الموضوع الرائع مع انه مختصر كتير بس ما بلومك لأنه اذا بدك تذكري كل الأماكن الحلوه ما بتخلصي
بصراحه موضوعك شوقني للشام كتير فعلا على قد ما بزور أماكن بتجنن مع العلم اني ساكنه ببلد تعتبر من اجمل بلدان العالم بس الشام شي تاني مهما حاول العدا التشويه بصورتها
يارب تمر الأيام بسرعه وارجعلك يا شام
الله يجزيكي الخير أخت تارجت وان شاءالله بحاول ارجع قريبا ا بصور عن الشام

**إيمان علي** · 13-08-2005, 05:30 PM

جميـــــــــــــــــــــل.. الله يعطيك العافية

كل سنة بنزل على لبنان وبقول بدي أروح على الشام وما بقدر!
رحت مرة واحدة على الشام لمدة ثلاثة أيام، كنت منها رايحة على أبو ظبي مع أهلي، قعدنا بالفندق.. ماما نزلت على سوق الحميدية واشترت لنا الملابس، وشو ملابس حللللللللللللللللوة

بس كانت الدنيا شوب كثير أيامها.. لكن هالأيام الثلاثة بعدني بتذكرهم مع أنه كان عمري 12 سنة

**شهدQ** · 13-08-2005, 05:48 PM

اختي العزيزه target1

كما ذكرت سابقا بموضوع الاخت omdowa ايضا تبقى دولنا العربيه متأخره جدا من ناحية السياحه ومن ضمنها بلدي الكويت يااختي ماادري احنا ليش مانستغل الفرص الي نقدر عليها عشان نطور السياحه في بلدنا صدقيني بالاول راح نخسر بس بالاخر راح نكسب كثير واقرب مثال على ذلك التطور الجميله دبي ولا شرايك فمابالك بدوله رائعة الجمال مثل سوريا

بالأخير تقبلي كلامي غاليتي بصدر رحب وصدقيني ان بنات المنتدى كلهم عرب وقلب واحد وان اختلفت الأراء

**target1** · 15-08-2005, 11:57 PM

شكرا لمرور الجميع ومشاركاتهم ...
عزيزتي شهد شكرا لمشاركتك بس أي وحدة بمكاني بينحكى عن بلدها بهالاسلوب ما بترضاها فهذا يلي جعلني انزعج من المواضيع السابقة عن سوريا ...وعقبال ما نصير انا وانت وزراء السياحة ونزبط هالشغل شوي ولا شو رأيك أنت قدها ؟؟؟؟

**sweety1980** · 21-09-2005, 08:22 PM

انا ناوية اروح اللاذقية قوليلى اروح فين هناك و اشترى منين

**وجيب اليراع** · 23-09-2005, 01:28 PM

أشكر الأخت كاتبة الموضوع ...

ولكن للأسف ذهبت لسوريا قبل شهر وليتني لم أذهب .......!!!!

أتمنى أن تتطور ويرتقي فهم الشعب حتى لا يظنوا أننا بنوك او ىبار بترول

يمكن لأي أحد أن يستغلنا ....................!

شكرا أختي وكثر الله من أمثالك ربما لنرى سوريا أفضل في السنوات القادمة ......

ود

**العجوز** · 27-09-2005, 02:46 AM

target1

موضوعك مرره حلو عن سوريا .. بالنسبة للصور ممكن تلقينها في مواقع السياحة السورية

صراحة شوقتيني أزور سوريا مرره ثانية
أنا زرت كل المدن اللي قلتيها ماعدا هنن وصلنفة .. أول مرره أسمع عنهم
وكل مدينة كانت أروع من الثانية من ناحية طبيعة وجو وآثار وأسواق وكلل شي

بس انشاالله نزور سوريا عن قريب وأزور المدن اللي قلتيها
تكفينا في سوريا معاملة الشعب الراقية

مشكوره حبيبتي عالموضوع

**alone4ever** · 12-10-2005, 03:38 PM

يعطيج العافية ع التعريف بسوريا
الي اعرفه انها بلد حلــوة .. و احلى ما فيها خضرتها

ان شاء الله ازورها قريب

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بتحبي تتعرفي على سوريا ؟؟؟ ادخلي مباشرة.. ::JH:: ::JH::

أدوات الموضوع

العرض