][×][كفتة بالصينية مع البطاطا][×][ مع الصور][×][

[سنووايت]

السلام عليكم ورحمة الله وبركاته
بسم الله الرحمن الرحيم
اليوم راح قدم طبق كتير طيب وانا كتير بحبوا اليوم سويتوا على الغدا
كفتة بالصينية مع بطاطا
انشاء الله يعجبكم
شوفوا انا ما عندي مقادير يعني دائما بسوي الاكل حسب العائلة
المواد
لحمة مفرومة ناعمة
بقدونس مكتوت ناعم ونعنع اخضر
بصل مفروم
قرفة_سبع بهارات_كمون _ملعقة من كل صنف
ملح حسب الرغبة
زيت
فليفلة حمرا مقطعة مربعات كبيرة (هلق بتشوفوا الصورة
بندورة مقطعة دوائر
بصل ايضا مقطع دوائر
بطاطا مقطعة بالطول
الطريقة
ناتي باللحمة ونضع فوقها البقدونس المكتوت والنعنع والبصل المفروم والبهارات
كلها والملح والزيت تحركي الخليط جيدا مع بعض حتى تتكون مثلا ا لعجينية متماسكة
تاتي بصينية وتبداي باخذ شوي من الكفتة وتعمليها على شكل دوائر صغيرة تم تسويها
بالطول وتصفيها في الصينية حتى تنتهي جمعيها
وتضعي فوقها البطاطا والفليفلة (بصراحة ما بلشت صور لحتى حطيت البطاطا والفليفة
لانو كنت مستعجلة وما كانت البطاريات مشحونة منيح بس بالاخير راح يبين الطبق منيح وواضح)

وبعدين بنحط البصل والبندورة

وبعدين بتحطي عليهم ورق المينوم وبتحطيهم بالفرن
وبس تستوي البطاطا وتنشف مي الكفتة بتجيبي كباية فيها ماء وبتحطي ملعقة ونصف مربى البندورة وبتحركيهم منيح وبتحطيهم فوق الكفتة وبتتريكها تغلي شوي وبعدين بتشليها من الفرن وبتقدميها مع ارز بالشعرية


انشاء الله تكون عجبتكم
وانا سؤال انا بالخدمة

[طيـــف]

يمييييييييييييي
بمووووووووت بالكفته انا

بس معدتي هلاايام قايمه علي مش قادره اكل هيك اكله

الحمدلله اني لسه متعشيه وهون علي حرارة الصور وتشوفيها
يسلمو ايديكِ ياااااحلى سنوايت انتي

عين الله عليكِ كل ماقربت ساعة الولاده زاد فيكِ النشاط الله يحميكِ يارب

[احاسيس مرهفة]

ياااااااااااااااااااي ياسنسن

شو هالروعة

ذكرتيني في الذي مضى كنا في بيت اهلي لما كنا صغار

هذا الطبق من الأطباق الرئيسة للعشاء

بس الحين ما اشوفهم يسونه خلاص ليش ما ادري

تسلم لي الأيادي اللي تنلف في حرير

اذكر ان لبلوب سوت طبق شبيه شوي فيه

[سنووايت]

يا هلا بطيوف ازيك وازي الريجم معاك
الله يسلمك يارب عزيزتي ويحفظك
شايفة كل ما قرب موعد الاولادة بتنشط انا
كل كتر ما عم مل عم فوت على المطبخ ونازلة عمل حلوووو
وطبيخ يالطيف على اساس كانت الدكتورة عطاتني ل 12 الشهر
بس مااجاني مغص بوكرة عندي موعد لشوف شو بصير معي
وبخبركمن اذا الله راد
ما يحرمني منك يارب

[سنووايت]

يا هلا بسيسو والله
ازيك ياعمي ما عم نشوفك كتير
الله يسلمك يارب ويخليكي
اسعدني مرورك يا غالية

[lanloon]

ايش يا حلو الحمل عامل عمايله معك
شكلك بدك تخلي وزن جوزك مليون علشان لما يجيكي الطلق تمسكي ايده و تعضي

[sima]

ايش يا حلو الحمل عامل عمايله معك
شكلك بدك تخلي وزن جوزك مليون علشان لما يجيكي الطلق تمسكي ايده و تعضي

روعه روعه يا سنسن....يسلموا هالايدين يا رب
معدلة وست المعدلات الله يحماك يا رب وتقومي بالسلامة
الكفته شو ما نعملت وبأي طريقة بتطلع جنان ...ما بالك من يديك الحلوين
يعطيك الف عافيه يا رب
ومشكوره على الطبق

[عذب السجايا]

تسلمي ياسنسن الغاليه

[سنووايت]

لف شكر لكم على مرورك الكريم
وردودكم الحلوة ما يحرمني منكم يارب

[أم الأفكار]

تسلم ايدك اكله لذيذه

وشكلها الذ الله يسعدك ويقومك بالسلامه

[سنووايت]

الله يسلمك يارب اختي ام الافكار اسعدني مرورك يا غالية

[karima9]

اهلا سنووايت

تسلم يديك طبق حلو جدا و ساجربه ان شاء الله .
يا ريت تعطيني طريقة الارز بالشعيرية و بالتفصيل الممل لان اختك فهمها ثقيل و خصوصا اذا ما ....{ مثلا ارى الشعيرية لونها ذاكن جدا عملت ليها ايه يا سنووايت ؟ و اي نوع من الشعيرية ......ممكن بالصور اذا ما فيها تكليف .
تحياتي لك

[lindaal7ob]

شو طيب شكله

طبق يجنن يسلمو ايديكي

ويعطيكي العافية

[سنووايت]

يا هلا فيكي اختي كريمة
اسفة لللتاخير بس ما كنت عم اقدر ادخل بالايام الماضية على المنتدى
منشان الارز بالشعرية
ياريت اقدر اصورو وقدموا
بس الكاميرا ابني اله يخليه كان عم يلعب فيها وانا مو منتبهة فرامها على الارض وانتزعت
هلق هي بالتصليح واسى ما جبلي ياها زوجي
انا راح اشرحلك الطريقة وبس تجي الكاميرا بصورها خطوة خطوة
بالاول بتحطي سمنة بالطنجرة وبتحطي شعيرية وعلى نار قوية وبضلي عم تحركي الشعيرية
لحتى تحمر
شوفي كل كباية رز بدها تنتين ماء والشعرية بدها كباية )
يعني بس تتحمر الشعيرية بتحطي ثلاث كبايات ماء مع ملح وبتتركيهم يغلو بس يغلي بضيفي كباية وحدة رز
وبعدين بتتركيهم يغلو خمس دقائق على نار عالية وخمس دقائق على نار متوشطة وبتطفي تحتها وبتتركي الطنجرة من دون ما تفتحيها شي 10 دقائق لحتى الرز يستوي وهاي هي كل الطريقة
واي سؤال تاني انا بالخدمة

[سنووايت]

اله يعافيكي يارب اختي ليندا
اسعدني مرورك اختي