*طبق من الجلاتين بسكل مختلف *
السلام عليكم ورحمة الله وبركاته
بسم الله الرحمن الرحيم
مساء الخير يابنات اليوم جبتلكم معي طبق جلاتين بس غير شكل ان شاء الله يعجبكم
وينال رضاكم
بس انا اكيدة راح يعجبكم (وحدة واثقة من حالها ومغرورة )
هو جلاتين باطعمة مختلفة مع حليب نسلة المحلى
وممكن كمان تسويه مع كريمة حسب انت شو بتحبي ماشي
يلا نبلش
هيدا هو
وهاي من فوق
علبتين حليب نسلة المحلى
ظرف كل من جلو بطعم
العنب
الفريز
اناناس
برتقال
هو الظرف يلي انا استعملتو 85 غرام
وظرفين صغار من جلو بدون طعم مع 1/4 كوب ماء مغلي
طريقة التحضير :
حضري جلو العنب والفريز و الاناناس و البرتقال حضري كل ظرف مع كوب من الماء المغلي ونصف كوب ماء بارد وبتحطي كل نوع بطبق لحالو وبتحطي بالثلاجة طوال الليل حتى يتجمد منيح
وتاني يوم بكونوا جمدوا منيح تقطعيهم الى مكعبات صغيرة وبتحطيهم على جنب لحتى نستعملهم تحتاجين الى كوب من كل صنف والباقي ممكن تزيني فيه
وبعدين بتحضري جلو بدون طعم كمان بنفس الطريقة بتحطيه مع 1/4 كوب ماء وبتتركيه حتى يتجمد هو فورا بتجمد يعني ربع ساعة ان كترت
بعدين بتحطيه يلي هو جلو بدون طعم مع علبتين من الحليب المحلى بالخلاط وبتخلطيهم لحتى يذوب منيح وبتحطيه بقلب جاط وبتبلشي اضيفي المكعبات الى الخليط وبتخلطيهم منيح منيح وبتجيبي القالب يلي بدك تستعمليه وبتحطي فية شويت زيت منشان ما تلزق وقت بدك تقلبيه وبتحطي الخليط فيه وبتغطيه وبتركيه تقريبا من 3 الى 4 ساعات بالثلاجة وبتشيليه وتقلبيه وتزينه ممكن تزينه بالكريما او بالمكعبات يلي بقوا وهيدا هو كتير سهل وطيب كمان
وهاي صورة عن قرب اكتر
وهاي صورة بعد التعطيع
اي سؤال انا بالخدمة وان شاء الله يارب يكون عجبكم
تحياتي الكم سنووايت
رد مع الاستدلال
الروابط المفضلة