بيتزا tricolore

[lanloon]

مرحبا صبايا
كيف الحال؟؟


اليوم بدي افرجيكم نوع نوع من انواع البيتزا الايطاليه اللي ما بنستخدم معها البندوره (الصلصه)
اسمها tricolore يعني الالوان الثلاثه وهي الابيض(موتزريلا) و الاخضر و هو الجرجير ( rucola) ,و الاحمر وهي البندوره الطازجه...الصراحه طعمها رائع جدا..و بطلبها الكثيرين خاصه اللي عندهم مشكله مع الصلصات.

الصوره........

المقادير:
و هي مقادير البيتزا الايطاليه التى نستعملها
نصف لتر ماء
كيلو طحين
60 غ ملح (2 م/ك)
ملعقه صغيره خميره.
ملعقه زيت زيتون
موتزريلا
اوريجانو
جرجير
بندوره طازجه
الطريقه :
تعجن ( نصف لتر ماء وكيلو طحين و 60 غ ملح (2 م/ك) و ملعقه صغيره خميره. ملعقه زيت زيتون)

تترك الى ان تخمر و تفرد العجينه ... نضع رشه زيت زيتون على العجينه و القليل من الملح و الاوريجانوو الموتزريلا...تدخل الفرن .....بعد ان تخبز يضاف الجرجير المغسول و المقطع و البندوره المقطعه الى قطع صغيره المضاف لها رشه ملح و رشه زيت زيتون.

و صحتين و عافيه يا صبايا

على فكره الموضوع مو ملطوش لاني انا اللي عملت البيتزا يعني صنع ايديه و حياة عنيه

[dudi]

الحمد لله انا اول واحدة تقص الشريط وتدخل
باين عليها رووووووووووووعة
تسلم ايديك باجربها ان شاء الله
لاني مابحب كثير الصلصات

[ام حكم]

يختي عليِكِ على مين طالعة معدلة أكيد عليا هههههههههههه

يسلموا حبيبتي عنجد شكلها مشهي خصوصا انها غريبة شوي وبدون صلصة
يعني بتشجع الواحد أنه يسويها وهاي شهادة تقدير لكِ ابسط مين قدك يا عم

[ياسيه]

تسلم ايديج يا لنلونه ..... فكره جديده انا ااول مره اشوف جرجير مع بيتزا بس اكيد حلو من ايديج

مع السلامه

[سنووايت]

مممممممممممممممممممم
يا عيني يا عيني
شكلها يشهي تسلم ايديك يارب
يالنلون انا بحب البيتزا على انواعها
انا لو كل يوم اكل بتزا ما بمل
بحب المعجنات على انواعها وهلق مع لنلون راح نتعلم كل انواع البتزا مهاك
تحياتي الك لنلووووووووووووووووووووووووووووون

[احاسيس مرهفة]

لووووووووووووني

شو سلطات ومعجنات في نفس الوقت

هذي بعد الأنتهاء من الخبز ؟؟

لأن الموزاريلا مو واضحة كثير

هل هي موجودة في السفل

بوركتي غاليتي ويسلم ديات اللي عمل واللي صور

مشتاقين ياحلوة

[lanloon]

يا اهلين دودي انا راح اقص الشريط بالرد عليكِ جربيها و ما راح تندمي يا اموره


ام حكم يا مرحبا يا مرحبا نورك غطى على الكهربا اكييييييييييد بدي اطلع عليكِ ولا على مين بدي اطلع الله يسعدلي ياك يا قمري

يا اهلين يا ياسيه مو بس جرجير انت ظلك وراي و شوفي العجب يا ستي شو ممكن تتخيلي بحطوا على البيتزا...بحطوا كريمه و بحطوا نوتيلا و بحطوا بيض بس ظلكم وراي


سنسن مرحبا يا عسل ولا يهمك طول ما انا هون بدي اسكر على هناى و اخلي وزنكم يصير مليون ان شاء الله كل ما افضى بعمل نوع جديد و بعرضه هون

سيسوووووووو كيفك يا قمر؟ الموتزريلا بدخل قبل الخبز و بعد ما تطلع البيتزا بتحطي الجرجير و البندوره و في ناس برشوا جبنه البارميزان عليه مممممممممممممممممم

[ترتيل]

أنظري الرد أسفل ...

[ترتيل]

روعة تسلم إيديك

بحطوا كريمه و بحطوا نوتيلا و بحطوا بيض بس ظلكم وراي

معقولة
انتظر الجديد قريييبا

[ياسيه]

و مثل ما قلتي لي يا لنلونه هاذوه انا و راج حتى شوفي.............................................. .......

[طيـــف]

لنلووووووووووووووووووووووووووووووووووون

ولك شوهادا!

بتجننننننننننننننننننن رهيبه ولا بالجرير
جد رائعه ويسلمو ايديكِ الصوره بتحكككككككككككككككككككككككككككككي

بس هاي من مطعم ابو الشباب


ه

[lanloon]

ترتيل انظري الجواب بالاسفل....






















كيفك يا قمر؟؟ ولا يهمك اكيد راح احط كل شئ غريب صحيح نسيت احكي ان في بيتزا بالطن و البصل




ياسيه خلاااااااااااااااااص ولا يهمك وراي وراي






طيوووووووووووووووووووفه ولك وينك مس يوووووووووووو انا

اه من مطعم ابو الشباب بس انا اللي عملتها


يللا استنوا موضوعي عن بيتزا ميكي ماوس

[وعود الخير]

لك تسلمي يا لانلون
اول مرة باعرف ان الجرجير ممكن استخدامه في المعجنات
وثانيا: الجرجير ( rucola) هلأ عرفت ليه اهل غزة بيسموا الجرجير روكا (بيحكو طلياني)
ثالثا:

الموضوع مو ملطوش

هذا شيء الجميع واثق منه 100%..
رابعا: صار بدي اجرب .. طالما ما بتكلف والمقادير متوفرةش في البيت
خامسا: الطمع في الأجاووووووووووووووويد.

[lanloon]

وعووووووووووود الله يسعدك و يسلمك حبيبتي ...شايفه اهل غزه صايرين طليان


بصراحه يا وعود البيتزا هاي سهله و طعمها رائع و خفيفه كتير يعني ممكن تالكلي تنتين ورى بعض من غير ما تتضايقي

يللا جربيها و احكي لي

[لبلبة]

تسلم يدك يا جميل على هالبيتزا الروعة والصحية

وإن شاء الله نجربها في أقرب وقت

تحياتي