أطيب شاورما ... في ... خمس دقائق!!!

[إيمان علي]

السلام عليكن يا عضوات ألذ ركن في المنتدى



محسوبتكن أكثر واحدة بتحب السريع اللذيذ ولهذا حبيت أعطيكن فكرة لعمل شاورما سريعة ولذيذة وأطيب من أي شاورما في أي مطعم!!

عادة لما يكون عندي فروج مشوي، بيبقى منه لثاني يوم، عندي كذا فكرة لعمل طبخات من المتبقي، ولكن وجدت أن الشاورما أطيب شيء..

ضعي في رغيف خبز عربي دجاج، شرائح بندورة، شرائح طويلة من كبيس الخيار، مايونيز ورشة ثوم بودرة، وورقة خس.
لفيها وضعيها في الشواية المحماة وسكريها.
اتركيها تتحمص بالدرجة المرغوبة.

ورح أعتزل المطبخ لو ما كانت أطيب شاورما بتذوقيها

[وعود الخير]

بأبصم بالعشرة انها راح تكون اطيب شاورما باذوقها
عارفة ليش لأن الحلو ما بيجيب الا الحلو مثله
تسلمي يا ام بلال.. شغلة سريعة وطيبة...
يا عيني على الشغل اللي خلاك تخترعي وجبات سريعة بس شو
مغذية ومفيدة والأهم صحية.. خالية من الدهووووون.

[بطة حلوة]

ههههههههههههههه وعود تقول خالي من الدهون .. و هو متروس مايونيز ..

تسلم ايدج ايمان ..
عاد انا اموووووووووووت في شي بالدنيا اسمه شاورما دجاج .. الله اشكثر احبه ..
آكل على العشاء اثنين سندويش شاورما مع بيبسي ..
يا سلام شهيتوني خلوني اتصل في الكافتيريا خلي يجيبلي شاورما ..

احسن من الطبخ بالبيت و عوار الراس ..

[وعود الخير]

بطة يا حلوة
انا عادة ما بحط ما يونيز باضيف ملعقة طحينية مع لبن بدل المايونيز..
نوع من الاحتيال.. معي انا اولا...
بعدين بيبسي يامفترية و انت تحاولين تسوين ريجيم.

[ياسيه]

و منكم نستفيد يا ايمان .... و مشكوره على الفكره

[طيـــف]

ييييييييييي


امووووووووونه هنا في حييييييينا يادي النور يادي الهنا ياقلبي

امونه فعلا رح تتطلع اطيب شاروما اصلا وصفك شهاااني ياها

بس مشاءالله صايره كوكيلي وومن الله يعطيك الف عافيه

مشاءالله عليكِ حتى وانتي مستعجله كمان بتنفففني بالاكل

شايفه ياوعود يامحلاهم بناتنا الله يسعدهم بس اشي برفع الراس

[إيمان علي]

تسلمي يا أحلى وعود يا ذوق .. اعمليها وبعدين ابصمي
يضرب الشغل وساعته، ما في أحلى من قعدة البيت


بطوطة، بتقدري تستعملي مايونيز من غير دهون، حتى بتقدري تحطي صلصة بيضاء تبع السلطة ومن غير دهون
سلمتي عزيزتي، بس شو بدك بالمطعم، بيحط دهون فيها لا تحصى، وبيبسي كمان؟!!!!! يا لهوي.. وعلى العشاء؟! لالالالا مش نافع الريجيم معك شكله!


ياسيه، العفو


طيوفة يا قلبي، بزماني كنت مرابطة بأركان الأكل، وخاصة الحلويات، وكل حلوياتي بدقائق ومنها من غير فرن كمان، ومن ألذ الحلويات اللي تخطر ببالك، بس اعملي بحث على اسمي في قسم المأكولات وتشوفي المشهيات
بس هو الوقت اللي ما مساعدني، مسؤولياتي في كل مكان الله وكيلك متلتلة
حتى عندي أكلة بتجنن مصوريتها وجاهزة تنزل على ركن الأطباق، ومن شهرين قاعدة على الكمبيوتر مش صايرلي أنزلها.. شفتي العز؟


أقوم أشوف ورق العنب على النار.. الريحة ذبحتني من كثر ما هي طيبة يميميميميميميم..


ملاحظة: عارفين الطنجرة الكهربائية إياها؟ عملت فيها دجاج مع البطاطا والكاري، رجعت على البيت الريحة بتجنن كانت، عملت الرز وتغدينا... بيجننننننننننننننننننننننننننننننننننننننن هالإختراع

[لنوشه]

يا سلام عليكي يا امون
كالعادة فنانة و مو باقي كلام حلو اقوله لك
تسلم ايدك و اكيد بجربها باذن الله

[احاسيس مرهفة]

ام بلال

بعدين انا رح ازعل شو يا عم خلي الكبيس هو مقبلات والشاورما انقليها عندنا في الرئيسي شووو رأيك .

تسلم ايدك عزيزتي


وعووووووود

الحقي

ايمان حاطة الطبخة في المقبلات يعني وراء هالشاورما اكلة رئيسية

يعني مش بتاعة ريجيم

[إيمان علي]

سلمتي يا لنوشة



كله ولا زعلك يا حسوسة، بس أنا فكرت، لقيتها أكلة خفيفة مش مستاهلة أطباق رئيسية.. لأنها من بقايا الطبق الرئيسي
بس اتفقوا انتو ووين ما بدكم تحطوه حطوه