بي هابي يا اموره المناقيش طلعوا من الفرن

[lanloon]

مرحبا يا صبايا
اعذروني على التقصير والله مو بايدي

بسبوسه وعدتك اني اصور خطوات المناقيش و الحمدلله صار عندي شويه وقت و عملت وحده على السريع علشان اوفي بوعدي

اولا العجينه اللي استعملتها هي عجينة البيتزا اللي بنستخدمها بايطاليا و هي :
لكل لتر ماء 2 كيلو طحين
60 غ ملح
5 غرام خميره
زيت زيتون

تعجن المقادير جيدا و تترك لتخمر
تفرد العجينه

قومي برفع الحوانب حتى لا ينزل الزيت من العجينه

اخلطي الزيت و الزعتر في طبق و افردي على العجينه (ممكن اضافه القليل من الماء)

ادخلي المنقوشه الفرن

ملاحظه هذا فرن مطعم البيتزا و هو مثل فرن الطابون عندنا و ممممممممممممممم على طعم المناقيش فيه

صحتين و عافيه يا حلوين

[لنوشه]

روعة روعة شكلها يشهي
و الحواف شكلها كتير حلو
تسلم ايدك يا لنلون

[karima9]

سهل جدا

و رائع تسلمي اختي
الزعتر طري او يابس و عندما يطهى ما بنشف

[طيـــف]

امممممممممممم

ياعيني ياعيني

دعااااااااي غير شكل يالنلون
الله يبارك لكم فيه يارب ويسعدكم

يسلمو ايدكِ صراحه
نعنشي ايطاليا علي هيك

[lanloon]

يا اهلين لنوشه اسعدني مرورك يا قمر

اهلين كريمه الزعتر هو زعترنا المعروف اللي بالسمسم اللي بنلفه بسندويشات الزيت و الزعتر و بالعكس ما بنشف و طعمه رائع مع كاسه شاي الصبح على الفطور

طيووووووووووووووووووفه يا قمر كيفك؟؟ مس يو انا كتير
صدقي في زبون ايطالي اجا مره عنا و بس عرف اننا فلسطينين حكى لنا انه زار فلسطين و اكل اكلات كتير منها المسخن و المنسف و سألنا اكلت المناقيش فقال لا و قال طيب طعموني منه قمنا عملناله منقوشه و اخها على البيت و ثاني يوم اجا و طلب كمان منقوشه و قال انه مرته و اولاده حبوها كتير و طبعا المره الاولى و المره الثانيه اهديناه ياه كهديه فجاء بعدها باسبوع مع مرته و ابنه و جايب لنا تورته ابنه اللي بدرس شيف عملها لنا علشان عملناله المناقيش و رجعوا طلبوا منقوشه فقالهم زوجي شكله المناقيش راح تسكر على البيتزا الايطاليه
و يومها كان في زبون تاني عم يسمع شو عم ينحكي و لما شاف المنقوشه طلب يشتريها علشان يذوقها بس احنا قلنا له لا والله ما بتدفع يا زلمه هاي هديه بس علشان تشوفوا اكل الفلسطينيه قديشوا زاكي

شو رايكم صبايا تيجوا نفتح مخبز عربي و نبيع مناقيش و نسكر على زوجي و البيتزا تبعته

[karima9]

اه افتكرت انت لي عملت محل بيتزا الله يبارك لكم فيه

ووعدتني بان تجدي لي شغلة معاكم و من يوميها ما شفتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ما عليهش اسامحك
بالنسبة للزعتر تتكلمي معي و كانني استعمله لا نستعمله (المغاربة ) الا اذا مرضنا نطبخه مع الحليب و طبعا في البيتزا لمن يعرفهااصلا.
اشرحيلي بالتفصيل عندنا الزعتر طري و يابس اذن من الافضل او مطحون
تحياتي و لما اجي ايطاليا (بيييييييييييييييتزا عشان ما يسمعونا البنات و يقولوا حتى احنا نريد بيتزا)

[سنووايت]

مممممم
شهيتيني على هل الصبح بمنقوشة ممممممممممم
صراحة شكلها غير شكل
وانا بحب كمان انو حدد الجوانب بس هل المكنية اول مرة شوفها
تسلم ايديك يا لنلون
وما يحرمنا منك يارب

[كادي الحلوه]

واووووووووووووووووووووو
شكل المنقوشه لذيذ
الله يسلمك أنشاء الله ويعطيك الف عافيه.......
تحياتي

[نـورا]

يمي يمي يسلموووووو بصراحة شكلها طيب كثييييييير
طب عندي اقتراح لنلون ليش ما بتبيعو مناقيش جد ؟؟؟

[رندوش]

يمييييييييييييييييي
ريحتها مممممم تسلم الايادي الله يوفقك

[ام حكم]

مرحبا lanloon

قلبي حاسس اني بعرفك ، ودايما احساسي ما يخيب ابدا

آه يا خوفي تكوني اللي في بالي

عنجد راح تكون أحلى صدفة

سلام يا حلوة

[Em zaid]

الله يسامحك يا لنلون شط ريق الواحد على الصبح
بعده الواحد ما افطر

يسلم دياتك يا رب امممممم طيبة عمتي(حماتي) بتعملها نفس الشي
وانا لفتت نظري الالة اول مرة بشوفها ايش اسمها ومن ويد فينا انجيبها

بس بدي قلك شي بيني وبينك الي طلبت المناقيش
بي هابي مو بوسي

[طيـــف]

ههههههههههههههههههههههههههههههههه ياعسوووووووووله يالنلووون


تبادل اطباق دولي
احكي له يما رحت على فلسطين مااكلت مناقيش ول ول معقول
شوفطروه طيب؟! ليكون حمص وفول وفلافل بس
يختي ان شاءالله دايما بتضل ايديك ممدوووده للخير وعامر يارب بالافراح
الله يبارك لكم في رزقتكم يارب ومنها للاعلي

تخيلي يالنلون تيجي تفحتي فرع بالكويت منقوشه لنلونه
والله اسم حلو للمحل

[lanloon]

يا اهلين يا كريمه ولو تعالي على ايطايا و بنفتح انا و انت محل قدام محل زوجي و بنسكر عليه
الزعتر اللي استخدمته هو الزعتر اليابس بنفركه و بنحمص سمسم و بنضيفه عليه و كمان شويه بهارات و سماق<<<الصراحه بنشتريه جاهز و ما بعرف طريقته بالزبط يمكن الصبايا اللي عايشين بفلسطين بحكوا لك طريقه تحضيره بالزبط لانه ما في ازكى من الزعتر الفلسطيني
و احلى بيتزاااااااااااااا لعيون كريمه

سنسن يا حياتي .. الماكينه هادي علشان تعمل شبه ثقوب بالعجينه علشان ما تنفخ كتير مثل كأنك بتعملي الثقوب باصايعك او بتمرري شوكه بضغط خفيف مو كتيييييير علشان ما تخزقي العجينه

يا مليون اهلا يا كادي الحلوه الله يسلمك و يسعدك حبيبتي و ما يحرمني من طلتك


عرووووووووبه الله يسعدك قلت لزوجي من قبل و قالي لا ما راح يتقبلوه بس لما شاف الزلمه طالع نازل بده مناقيش قالي خلص بدمنا نحطها بالمينو شايفه ما بردوا على الواحده فينا اللا لما يشوفوا بعيونهم

[lanloon]

يا اهلين برندوش الله يسعدك حبيبتي و ما يحرمني من هالطله

و اهلااااااااااا باحلى ام حكم بالكون و اخييييييييييييييييرا لقيت حد بقرب لي هون ...صار قلبي يرقص من الفرحه و الله احلى صدفه

اهلا ام زيد شكرا انك نبهتيني لاني دائما بخربط بين بوسي و بي هابي و ظل في بالي عالق ان بوسي هي اللي طلبت بسيطه عدلنا الوضع
بالنسبه للاله مثل ما حكيت لسنوايت هذه علشان تعمل ثقوب خفيفه بالعجينه من غير ما تخزقها علشان العجينه ما تنفخ كتير ممكن انك تستعملي اصابعك او الشوكه بضربات خفيفه جدا.. و ان شاء الله بتعمليها و الف صحه و عافيه على قلبك
طيوفه هههههههههه هو اكل فلافل تحكي بس هناك و كل شوي الفلافل زاكي الفلافل زاكي .. بيني و بينك كنت بدي احكي له بعملك فلافل بس اكست ما تفضحنا و طبعا انت عارفه فلافل لنلون المشهوره بس خفت زوجي بفضحني و يحكي لي فتحتي علينا باب الفلافل بعد ما فتحتي باب المناقيش
و بالنسبه لموضوع المطعم انا عمتي بالكويت خلص بسحب حالي و بروح عندها و بنحكي انا و انت و هي بالموضوع و هي سيده اعمال رائعه ...مو هيك عمتي ؟