أول مره بعمل مخلل .. بس عن جد بيشهي

[رنا سند]

بسم الله الرحمن الرحيم
كيفكم يا صبايا.. معاي وصفه سهله اليوم
هديك المره عملت مخلل لاول مره بحياتي وعن جد طلع بيشهي لدرجة انه بنت حماي شهدتلي فيه
المقادير:
جزر
فلفل اخضر حلو
فلفل اخضر حر
فلفل احمر حر
فاصوليا أو لوبيا خضره
ثوم مفروم
جوز
بندوره خضرا(اذا توفرت)
ملح و زيت زيتون
الطريفة:
تقطع جميع الخضراوات ناعم ناعم
وبعدين بنرش عليهم ملح كتير و بنحطهم بمصفايه و بنكبسهم بشي ثقيل .. بنقلبهم بين كل فتره والثانيه.. وبنتركم يصفوا ميتهم طول الليل..
الصبح بنحطهم بمرتبان و بنغمرهم بزيت الزيتون و بنتركهم اسبوع تقريبا بيكونوا صاروا جاهزين
و صحتين و هنا

[وعود الخير]

رنا تسلمي يا معدلة .
الصورة بتفتح النفس
راح اجربها في اقرب وقت
والصورة بتشهد مش بس بنت حماك.
بانتظار المزيد من ابداعك.
من شكل الحبز باقول انك في الاردن.

[ام مودي]

ياااااا عيييييييييييييييييييين ياااااااااا لييييييل دوختونا عالصبح...يسلمووو هالدياات شكلها بيشهييييييييييييييي..اذا اول مرة هيك شحال تاني مرة..

[لنوشه]

شوهااااااااااااد شي بيجنن
فعلا باين انو لذيذ و شكله حلو كتير كتير
اكيد لازم اجربه و في اقرب فرصة
معقول اول مرة ؟ اذن انتي ما شاء الله عليكي شطورة و ست بيت
تسلملي اناملك يا رنا

[رنا سند]

تسلمولي يا رافعيين معنوياتي

والله يا وعود الخير انا من نابلس و عايشه بقطر.. ام مودي حبيبتي شكرا و لنوشه اكيد انا مش اشطر منك

[وعود الخير]

كل الهلا بأهل قطر وأهل نابلس
طلعنا والقمر جيران
شوفي يا رنا
تذكرت طريقة مخلل كطانت ستي الله يرحمها بتعمله
بس فلفل اخضر حار + ثوم+بندورة خضرا
وكانت تفرم البندورة والفلفل وتضيف عليهم ملح وتتركهم في المصفاية ليلة لحتى تنزل كل الميه
وثاني يوم بتفرم الثوم وببترش شوية ملح
وبعد تقريبا ساعة بتحطهم في مرطبان وبتضيف عليهم زيت زيتون . وبتتركهم لمدة اسبوع
بس شو شهي وطيب مع العدس.
جربيه .. هذا الطبق من جنين.

[احاسيس مرهفة]

يســـــــــــــــــــــلم دياتك اختي رنا

صراحة تخلوا الواحد يحتار

اطايب في اطايب

[لبلبة]

وين نروح من هالإبداعات الحلوة


تسلم دياتك

ما شاء الله هذي أول مرة

يبغى لينا نجربها ونتعلمها علشان ما تصير رنرن أشطر منا ( غيييييرة )

[رنا سند]

خجلتوني يا صبايا

والله انكم خجلتوني .. بس ما بتعدى عليكم.. انا تلميذتكم
وعود الخير.. تعيشي يا رب.. انشاء الله رح اعمل طريقة ستك الله يرحمها في اقرب وقت

[سولااافـه*]

امممممممم شكلها لذيذه

يعطيكِ الف عاااااااااااااااااااافيه يالغلا

وتسلم يدينك والله

[ياسيه]

جوعتونيييييييييييييييييييييييييييييييييييييي


الله يسلم يديج

[أم احمد4]

السلام عليكم

تسلم الايادي
بس غريبة المخلل مافيه خل او ليمون كيف تطرى الخضروات

ولكي الشكر

[MarwaAhmed]

حلو قوى قوى قوى قوى

بس لازم استنى اسبوع عشان يكون جاهز ؟