تشيز كيك بالكيري روعه وبالصور
مرحبا يابنات
من كثر مااحب جبنة كيري المربعات
قلت الا اسوي تشيزكيك بالكيري وانا وحظي ياتصيب ياتخيب
والحمدلله التجربه كانت ناجحه وحلووووووووووووووووووه
والكل كلها ولاخلو منها قطعه
وقلت ماانسا حبايب قلبي بنات حواء اصورها لهم واقولهم طريقتها
اخليكم تشوفون الصور وبعدها اقولكم كيف سويتها
هاشرايكممممممممممممممممم؟؟
المهم بعطيكم المقادير والطريقه وعقب بعرف رايكم...
1_
ناخذ اي نوع من البسكويت اللي خاص للشاي ونطحنه ونخلطه مع شوية زبده وشوية قشطه
لين ماتتماسك الخلطه ونرصها في صينية التشيز كيك المتحركه
وبتكون اول طبقه
2_
علبتين قشطه
و20 حبه جبن كيري
وملعقة فانيليا صغيره
وكيس جيلاتين بدون نكهه
وفنجان حليب
ونخلط هالمقادير زين في الخلاط لين ماتندمج كل المقادير مع بعضها
3_
وفي وعاء اخر نحط علبة قشطه وكيس دريم ويب
ونخلطه لين مايتجانس الخليط
ونضيفه على الخليط الاولاني ونخلطه بالخلاط زين زين لحد مايختلطوون مع بعض
وبتكون ثاني طبقه
ونصبها على الطبقه الاولانيه اللي هيه البسكويت
ونحطها في الفريزر لين ثاني يوم...
واخر طبقه وهيه الثالثه
عباره عن جام اي نوع جام تحبين نكهته
انا استخدمت التوت لاني احبه موووت
وعلى فكره ماتلاحظون ان الجام مب سائل وجامد؟؟؟
تعرفون شو السر
تعالو انا بخبركم
سويت مره تشيز كيك بس غير هالطريقه وجربت احط جام ويوم حطيته سااااااااح وذاب ولاثبت
عالكيكه
وفكرت واخترعت هالطريقه
شوفو شوسويت
يبت كيس جلاتين بدون نكهه
وذوبته في شوية ماي حار
طبعا تيبين وعاء صغير فيه ماي حار
وتضيفين له كيس جيلاتين وتحركينه لين تشوفين الجيلاتين ذاب فيه
وتخلينه يبرد شوي
وبعدها هاتي علبة الجام وحطيها في وعاء وصبي عليها الجيلاتين المذوب واخلطيهن زين
وعقب صبي الجام المخلوط مع الجيلاتين على التشيز كيك وحطيه لمدة 10_15 في الثلاجه
وطلعيه وشوفي كيف بيكون الجام جمد وصار مثل طبقة الجيلي
وحتى يوم تقطعينها بيطلع شكله مرتب ومب ذايب
وتوته تووووووووووته خلصت الحتوته
ها شرااااااااااااااااااااااايكن؟؟؟؟؟؟؟؟؟؟؟؟؟؟؟؟
الروابط المفضلة