جوز و لوز و موز =====> كيكة خيالية و طرية و كمان بالصورة
السلام عليكم و رحمة الله و بركاته :
جبتلكم اليوم أطيب كيكة بالموز عملتها في حياتي , و الله العظيم أن القالب خلص أكتر من نصفه و هو لسه طالع من الفرن من حلاوته ..
و كمان أطفالي حبوها كتير على الفطور أو حتى للمدرسة , يعني بصراحة لا تلفي و دوري أو تعبي حالك في تجربة غير وصفة لأن مش رح تطلع بحلاوة و طرواة و هشاشة هذه الوصفة .
الوصفة من ابتكاري و بعد عدة تجارب طلعت معي بهذه الحلاوة ... أما سر تميز هذه الوصفة هو اللوز المطحون إلي رح يعطي الكيكة طراوة غير شكل ...ما رح أطول عليكم أكثر من كدة لأن التجربة خير برهان ( بإذن الله ).
الصورة أولاً لحتى تفتح نفسكم :
المقادير اللازمة :
==========
بيضتان كبيرتان مفصول الصفار عن البياض
ثلثين كوب سكر ( أو كوب إذا تحبيها حلوة زيادة )
نصف كوب زيت أو زبدة طرية
كوب موز ناضج و مهروس كتير منيح بالشوكة
كوب طحين
ملعقتان صغيرتان من البيكنغ بودر
ثلاث أرباع لوز مطحون
نصف كوب جوز محمص و مفروم ناعم
طريقة التحضير :
==========
# انخلي الطحين مع البيكنغ بودر وا مزجيه مع اللوز المطحون .
# اخفقي البياض حتى يجمد و يصبر مثل الثلج ثم ضعيه في البراد .
# اخفقي الصفار مع السكر حتى يتكون لديك مزيج كريمي اللون .
# اضيفي البياض المخفوق و قلبي بلطف ثم اضيفي الموز و الزيت و قلبي , ثم الطحين المنخول و اللوز المطحون و أخيراً الجوز .
# ادهني قالب الكيك بالزبدة كتير منيح ثم صبي فيه مزيج الكيك و دعيه في الفرن الحامي على درجة حرارة 180 مدة 40 دقيقة أو حتى يخرج طرف السكين نظيفاً .
تنويعات و إضافات:
============
# يمكن اضافة ملعقة صغيرة قرفة مع نصف ملعقة صغيرة جوزة الطيب للحصول على نكهة مختلفة .
# يمكن اضافة ملعقتان من جوز الهند .
# يمكن الإستغناء عن الجوز .
عند النقل يجب ذكر المصدر ( منى , منتدى لك ِ ) , كلمة منقول لا تحللك
رد مع الاستدلال
الروابط المفضلة