ماذا ستفعلين في مثل هذا الموقف بكل صراحه

[بنت بلدها]

السلام عليكم

أخواتي كنت في مجلس نسائي وهذا المجلس رسمي ..............

وكانت بعض الحاضرات أمرأه قليله الأدب وقالت لك بعض كلمات الجارحه إن دلت على شيء إنما تدل قلت الأدب .............وضعف الشخصيه ...........وغياب العقل ............والصيد بالماء العكر ...........ويشهد الله أنه لا يوجد بينك وبينها أي موقف يذكر.

ماذا ستفعلين في هذا الموقف بكل صراحه وأمانه ......مع ملاحظة أنك في عزيمه رسميه فيها من كبار السن ورجحاء العقل ونساء لهن هيبتهن ؟؟؟؟؟؟؟؟؟؟؟؟؟؟؟؟؟؟؟؟؟؟
تسلممممممون

[ranean]

لو كنت فى هذا الموقف الذى لا اتمناه لاحد
لحتسبت الاجر عند الله صحيح راح ازعل فى داخلى
ولكن كل على ما تربى عليه فلن يتنازل الانسان عن
مبادئه واعتقاداته وسلوكه من اجل موقف كهذا
صحيح ليس بالسهوله التحكم فى النفس البشريه لكن
دائما لا يصح الا الصحيح
عزيزتى والله ما فيه مره ظلمت فيها الا وعفيت واحتسبت الاجر عند الله
الا وقد كافئنى الله عز وجل ورايته فى حياتى خيرا وبركه فى زوجى وابنائى

[أم الصبر]

السلام عليكم .
جدتي الله يرحمها كانت تقول حكمه .
( أكوي عدوك بسكات ) يعني بالصمت .

[مسك]

ما ارد عليها .......

وابين بنظراتي بس اهم حاجة ما رد عليها لأن هذا النوع إذا رديت عليه بكلمة عطاك عشرة .....

وإذا رحت للبيت الله يعين يقوم القولون والآم المعدة تشتغل .....وحتى العيون تشتغل

[إيمان علي]

أقول جملة واحدة في وجهها وبهدوء وبكل أدب ويسمعها الجميع: إذا خاطبهم الجاهلون قالوا سلاما.... ف... سلاما.. وبروح لشغلي

[شهلاء]

اقول لها جزاك الله خير,واحاول اني اتجاهلها.
وبعدين مو شرط ان الوحدة تكرهك لان بينك وبينها موقف لا, فيه بعض الحريم الله يهديهم الغيرة تعمي قلوبهم وعقولهم,يعني تكون غيرانه منك من حب الناس لك فتحاول انها في اكبر مجلس تنتقدك .

[غزالة البراري]

بصراحه حسب نوع الكلام
يعني اذا كان اتهام باني عملت حاجه طبعا ماراح اسكت لها وبرد الرد اللي يناسبها
اما اذا كان كلام تافه لايودي ولا يجيب فراح اسكت عنها (والحقران يقطع المصران)واكتفي بنظرات استخفاف بها

[الغيورة على الدين]

على حسب ، أدافع عن نفسي احيانا واحيانا اسكت مع اني عارفة ان كلامها اللي تقولة على هي تسوي ازيد منه وودي اقووووووول لها بس الله يعييييين ..
مثال : يعني لو مسك زوجي مرة لي ابنائي عشان اروح حلقة ودرت هي عرفي انها بتتكلم في كل مجلس ان حظك بها الرجل يمسك عيالك ويخليك تروحين ، تخيلوا القهر ان زوجها كان يمسك عيالها وتروح تدرس كورس في اللغة يعني كل يوم ، ويدخل عيالها الحمام الله يكرمكم ، وحتى السفر ياخذهم بالاسبوع يسفرهم هذا لحالهم بدونها ، تخيلتوا بس ما احب ارد عليها واقول لها ان زوجك يسوي ويسوي ، وانا اقل شي تحسبه علي عظيييييم، الناس ما تخلي احد في حاله .......الظاهر غييييرة مثل ما قالوا الاخوات او والله ما ادري؟؟؟؟؟؟؟

واذا رجعت البيت ما أنام من القهر ، واقول انا شمسويه عشششششان تحسب علي تحركاتي وسكناتي ..
قصيت لكم قصة حياتي

[بنت بلدها]

أنا عاد أقول لكم شنوا صار


حقرتها وخليتها تولي

وصارت تكلم روحها وحتى الكل محتقرها محد راد عليها ولا ملقي لها بال

بس لما رجعت البيت

حطيت رأسي على المخده ونمت
طبعي الحمد لله وماشاء الله لما أتضايق أنام وأنسى ما أحب أفكر

وهذي من نعم الله عليه الكبيره ماشاء الله


وهذا هو الصواب

((( الحقران يقطع المصران)))))))))))

تسلمممممممممممممممممممون والله

[الشامسية]

( الــحـقـران يقـطـع المـصـران)

أكــيــد بـأحـقـرهــا ومــا بــأرد عـلـيـهـا واذا كــان مـن الممـكــن تـرك المـكـان .... اتـركـهـا وأمــشــي.......

[الكروان غنى]

بصراحة اذا كان المتكلم مجنون فالمستمع عاقل واذا كانت هى لاتخاف ولاتستحى فمن الافضل السكوت لان مثل هذه النوعيةمن النساء تحب ان تلفت الانظار اليها بحديث مثير فتفتعل المشكلات فا فضل علاج لهذا الموقف هو التجاهل التام لهذه المرأة وبالتالى ستشعر بالاحراج الشديد ولربما كان لها درس قاسى

[ليدي اوسكار]

الصراحه هذا الموقف صار لأمي من كم يوم
وحد من جاراتنا قامت تقول لامي ها رحتو المحل لفلاني غريبه وتعالي أسمعي من هذا الكلام وكل ما قامت أمي تسولف قامت جارتنا تغمز وتلمز المهم الوالده مطنشتها ولاكأنها موجوه(تعجبني والله ياليتني مثلها )ومرت عمي تفور تفور وأنار تطلع فيها وتنزل من القهر بس ماتبي التكلم وطول السالفه في بيت الناس المهم ما وصلت البيت ألاوهي بتنفجر ...ماترضى أحد يتكلم عن أمي
الصراحه يابنت بلدها زين سويتي قدرتي تمسكين أعصابك

[حناين]

بكل بساطة .. اتجاهلها

[لجين]

اتجاهلها وان قدرت على مغادرة المكان لفعلت..
بس في البيت حال ثاني من التفكير في الموضوع وو وو ..
***ليس القوي الشديد بالصرعة ,القوي من يمسك نفسه عند الغضب..

[عروسة_البحر]

أسكت .. فلسكوت خير لي ولأمثالها .. علشان ما أحرجها ..
لكن أحيانا يتطلب الأمر أنه نقول جملة ونسكت حتى تفهم.. وبعض الناس الي يحسون على دمهم ينفعهم الهمس في الأذن أو النصيحة على أنفراد..
حسب الموضوع..
وموضوع جميل..