كل ما تحتاجيه لكتابه موضوع و تنزيل الصور ( متجدد )

[ام رحمة2003]

تسلم يا جميل
انا كنت محتاسة وبقول ازاى الأروبات دول بيعملوها
شكرااااااااااااااااااااااااااااااااا

[omamaal]

المشاركة

شكرا على المساعدة و أدعى لى بثبات المعلومات وحسن التعلم

[ام عمرو 28]

تسلم يا جميل
انا كنت محتاسة وبقول ازاى الأروبات دول بيعملوها
شكرااااااااااااااااااااااااااااااااا

ههههههههههههه لا ان شاء الله تبقى اجدع منهم واى حاجه بس اكتبيلى و انا اكون معاكى خطوة بخطوة
جزاك الله كل خير

شكرا على المساعدة و أدعى لى بثبات المعلومات وحسن التعلم

لا شكر على واجب و ادعو الله سبحانه و تعالى ان يثبت لكى المعلومه و يحسن تعليمك
ولو احتجتى اى حاجه حكون معاكى ان شاء الله

[ام عمرو 28]

حبيبه قلبى كروميه اليكى طريقتين مش واحده علشان خاطر عيونك يا قمر
اولا برنامج ال paint انا سبق و شرحت الموضوع فى الصفحه الاول فى الردود لكن انزله مليون مره علشان خاطر عيونكم
اولا




ثانيا


وطبعا الرقم 50 بيعبر عن النسبه اللى بنصغر بيها الصوره
يعنى مثلا 50 بتصغر الصوره الى نصف حجمها

وده طبعا حسب تقديرك لحجم الصورة

[ام عمرو 28]

اماااااااااااا البرنامج التانى اسمه microsoft office picture manger
و البرنامج ده ان شاء الله تلاقيه على جهازك و انا شخصيا بستعمله


وده شكله


اضغطى على رقم 1 كما موضح بالصوره واسمه edit pictures

[ام عمرو 28]

و بعدين اضغطى على رقم 2 كما موضح بالشكل و اسمه crop
ووظيفته قص الاجزاء الزائده من الصوره
زى الصوره بتاعتك فى المفرشالابيض يوجد بها فراغات سوداء لسنا بحاجه اليها



بعد الضغط على رقم2 سيظهرلك العلامات الموجوده برقم 3
قومى بتصغيرها و تحريكها الى ان تصلى الى الشكل اللى انتى عاوزاه يظهر بالظبط

[ام عمرو 28]

وبعدين الصوره حتكون كما بالشكل 4
اضغطى على ok لحفظ التعديل


وعلى فكره الخطوه اللى فاتت مش مهمه لو انتى عايزه تصغرى الصورة بس يعنى بنستخدمها فقط فى قص الاجزاء الزائده
الخطوة التاليه اللى هى رقم 5
اضغطى على edit picture كما موضح برقم 5

[ام عمرو 28]

وبعدين اضغطى على رقم 6 اللى هو resize ووظيفته تعديل حجم الصوره





اذهبى الى المربع المشار اليه فى رقم 7 و اكتبى حجم العرض و الطول اللى انتى عاوزاه
انا دايما بستخدم عرض 500 و طول 667 و ده طبعا بيكون حسب تقديرك للصوره اللى عندك
وبعدين اضغطى على ok زى رقم 8

طيب لو لقيتى الصوره حجمها مش مناسب تعملى ايه ؟؟؟
اضغطى على علامه التراجع الموجوده بالشكل رقم 9
و اعيدى الخطوات من 7 تانى

[ام عمرو 28]

دى الصوره الاصليه

ودى الصوره المعدله

[ام عمرو 28]

اه نسيت علشان لو مكنتيش تعرفى طبعا لازم تسجلى الصورة
اضغطى على file اللى فى أول الصفحه و بعدين اضغطى على save
و بكده ان شاء الله تكون اتسجلت



و لو احتجتى اى حاجه بس اكتبيلى هنا و انا ان شاء الله اقدر افيدك
جزاكم الله كل الخير

[ام عمرو 28]

حبيبه قلبى ساعه شروق اولا الرابط غير صحيح
بصى ده الرابط بتاعك

http://http//www.arb-up.com/get-7-2007-ow9gk1kf.jpg

وده الرابط الصحيح
http//www.arb-up.com/get-7-2007-ow9gk1kf.jpg

يعنى لما تنسخيه فى المربع بتاع الصوره اتأكدى انك مسحتى// http اللى موجوده فى المربع اصلا
علشان ما تتكررش

[ام عمرو 28]

ثانيا حاولى تنزلى المفرش على موقع تانى لان الموقع اللى انتى حملتى عليه انا كنت بجربه فى الاول و كان كويس بس دلوقتى مش شغال كويس
جربى الموقع ده ان شاء الله يفيدك

http://www.q6r.com/up/

[ساعه شروق]

حبيبه القلوب : ام عمرو

اعزورينى انا لقبتك بهذا اللقب دا موش من عندى ولكن طلع منى هذا اللقب لما
لمسته من حب الاخوات الفاضلات لكى.

اولا : انا موش عارفه اشكرك ازاى فانتى تستهلى اكثر من ذلك انا اطلعت على
ردك واتمنى من الله عز وجل ان يوفقنى واستطيع ان انجزه.

وانشاء الله سابدا فى المحاوله مره اخرى والف الف شكرا ليكى ولكل
الاخوات الفاضلات اللاتى اهتموا بموضوعى

[ام عمرو 28]

حبيبه القلوب : ام عمرو

اعزورينى انا لقبتك بهذا اللقب دا موش من عندى ولكن طلع منى هذا اللقب لما
لمسته من حب الاخوات الفاضلات لكى.

اولا : انا موش عارفه اشكرك ازاى فانتى تستهلى اكثر من ذلك انا اطلعت على
ردك واتمنى من الله عز وجل ان يوفقنى واستطيع ان انجزه.

وانشاء الله سابدا فى المحاوله مره اخرى والف الف شكرا ليكى ولكل
الاخوات الفاضلات اللاتى اهتموا بموضوعى

حبيبه قلبى ده شرف ليا وكلامك ده غالى عندى قوى قوى
انا معاكى و متبعاكى حاولى تنزلى الصوره هنا الاول ولما تنزل صحيحه نزليها فى الموضوع
منتظره ردك

[ام عمرو 28]

حبيبه قلبى ساعه شروق زى ما قولتلك الرابط غير صحيح ولما عدلته فتح معايا
وسجلت الصوره عندى و حملتها على موقع تانى



يلااااااااااااااااا انا مستنيه تحمليه انتى كمان على موقع تانى زى اللى انا عطتهولك فى ردى اللى فات
ونزليه فى موضوعك
انا مرضتش انزله مباشرة فى موضوعك و قولت انك لازم تعملى كده بنفسك