الدوره التدربيه لتعليم التريكو للمبتدئين

[monaH]

عزيزتي فراوله

يعطيك العافية

أنا بدي اسالك عن حردة القبة الخلفية للبيبي يلي منعملها

وكمان لو تقلت عليكي اريد حفرة الإبط الركلان للاطفال

شاكرة لك مجهودك

أختك في الله منى

[الحوراء الأنسية]

أختي فراولة لا تخافي أنا أشتغل وأريد ان أخلص الشغل وانزل الصور مع بعض..

[farawlla07]

يا مني حرده الرجلان بتاعت الكبار نفسها بتاعت الصغار
والا انتي تقصدي حرده الرجلان الي تبدأ من اعلي من عند الرقبه
اي الجاكت بنبداه من فوق ؟؟؟؟؟؟؟

[الحوراء الأنسية]

أختي فراولة بس حبيت اسئل بالنسبة لحردة الرقبة الخلفية نعملها مثل حردة الرقبة الأمامية..

[farawlla07]

تقفيل الجزء الخلفي من الجاكت الضهر

السلام عليكم
اتمني تكونو عملتو الجزء الخلفي من جاكت البيبي الضهر يعني
واحنا بداناه ب 6 سطور بليسيه فردي ثم كملنا باقي الاسطر بغرزه الرزه وبعد 18 سم نبدأ حفره الابط او حرده الابط
وهي كحرده الابط للصدر
السطر الاول(مثلا الابط الايمن ) السطر عادي
السطر الثاني(الابط الايسر)وتكملي السطر عادي
وهنا ناخد بالنا الفرق بين الصدر والضهر لان الابيطين بتوع الضهر موجودين علي قطعه واحده
السطر الثالث بتقفلي غرزتين وتكملي السطر عادي
الرابع مثل الثالث
والخامس بتقفلي غرزه واحده وتكملي السطر عادي
السادس مثل الخامس
وتكملي لحد ماتصلي لل11سم كلهم
وبعدين تشوفي الكتف ف الصدر كان كام غرزه معايا انا كانو 12 غرزه تيجي من عند اول السطر وتقفلي 12 غرزه مره واحده وتكملي السطر عادي
السطر التالي بتقفلي الكتف التاني اي 12 غرزه مره واحده وتكملي باقي السطر عادي
والي يفضل ده يمثل الجزء بتاع الرقبه الخلفيه او الفيه الخلفيه بتقفليهم كلهم مره واحده
اتمني تكونو فاهمين

[farawlla07]

انتظروا شرح الاكمام

[الحوراء الأنسية]

هذا تطبيقي أن شاء الله يكون صح:


أتمنى أن تنزلي صورة توضيحية للباتورون الخلفي مثل ما نزلتي للأمام حتى يكون أوضح لنا

[farawlla07]

حوراء انا عاجبني تشكيلك بالالوان بس عندي سؤ ال انتي كنتي ماشيه القطعتين معا علي الابره والا كل قطعه لوحدها
لان الجانب الايمن المخطط حاسه مش مظبوط لكن الجانب الايسر مظبوط
وحاسه الحردتين مش شبه بعض

[الحوراء الأنسية]

أختي فراولة نفس الأبرة الي إشتغلة بها القطعتين بس المشكلة كانت الخيوط مختلفة شوي ولكذا كان الفرق واضح بس ما حبيت أعيدها لأني راح أخليها بس عينة عندي أحتفظ بها مش مشكلة أذا كانت الخيوط مختلفة مشيها لي لأني ما راح اعيدها بس مرة ثانية راح أخلي بالي من الصوف علشان ما يخترب الشغل علي.
الحردات مثل بعض بس مثل ماقلت لك بسبب الخيوط..

شكرالك

[دانيا_123]

وفي أختي فراوله انا أشتغلت من قبل الجزء الخلفي انتي قلتي 30 غرزه

ونكمل الشغل لغايه 18 سم

وانا عملته وتركته ثم كملت الحردات للجزء الامامي ولمن طابقت الجزء الخلفي بالامامي طلع الجزء الخلفي أكبر بكثير من الامامي

هئ هئ هئ أشوي وأبكي من القهر لاتقولين عيديه لا

ألقي لي حل تعبت كثير فيه ظليت يوم كامل اشتغل فيه

وانا عرفت السبب المفروض ماتقولين لنا نعمل 30 غرزه المفروض 24 أو 23 غرزه لان لمن نطابق القطعتين الاماميتين راح نضع المردين على بعض وكأن 6 غرز من المرد راح تختفي في التطابق وماراح تنحسب..

شوفي شغلي(من حد السناره هذي القطعه الخلفيه الزائده حسبتهم حوالي 6الى 7 غرز زايده)

وانتظر تعطيني حل

[farawlla07]

دانيا كلامك مظبوط
انا الضهر بتاع الجاكت عندي 60 غرزه
ونسيت وقلتلكم علي حساباك الجاكت بتاعي
معلش اخطائي كترت مدرستكم مخها عاوز عمره ساحوني
احنا نبدأ 54 غرزه فقط كلامك صحيح ده انتي طلعتي شاطره اهو برافو عليكي

[السريقوسى]

اخواتي الحبيبات في كثيرات كان عندهم الرغبه لتعلم التريكو وطبعا بفضل الحبيبه ورد الخزامي وتشجيع رنا وتشجيعكم فكرت ابدأ ونتعلم سوا
انا مش محترفه بس اعرف الكثير عن التريكو وححاول امدكم بكل المعلومات الي عندي عشان نستفيد مع بعض

واتمنا الاقي تشجيعكم
ودي مقدمه بسيطه عن التريكو

فن التريكو
التريكو هو شغل من الاشغالي الي بالخيط ولكن يستخدم فيها ابرتين(صنارتين)
وهو بيعطي نتيجه سريعه شويه عن الكروشيه وفي بعض انواع من الخيوط بيبقي احسن لو عملتيها بالتريكو عن الكروشيه

اولا: الخيوط المستخدمه
نوع الخيط بيكون بأختيارنا يعني احنا عاوزين نعمل ايه وفي انواع كثيره من الخيوط القطن والصوف والبلوليستر والحرير ......الخ








في حاجه مهمه جدا لازم ناخد بالنا منها واحنا بنشتري الخيط وهو الlable
وبيكون مكتوب عليه ماركه الخيط ووزنه وممكن يكون مكتوب عليه الكي علي كام درجهحراره وبيتغسل علي كام درجه حراره والاهم من كل ده
هو انه بيبقي مكتوب رقم الابره الي مفروض نستخدمها مع نوع الخيط ده وكمان الحجم الي بيطلعلنا لما نشتغل قطعه مثلا 10*10سم عشان نبقي عارفين احنا محتاجين خيط قد ايه
زي الصوره كده

ثانيا:الابر المستخدمه


ابر التريكو احجام وانواع كثيره


ودي الابر الدائريه لشغل الملابس قطعه واحده والمفارش الدائريه






ودي الابر الخاصه بعمل الجوانتي (القفازات)


وفي ابر خاصه بعمل الحردات والرقبه
وحجز الغرز لغرزه الضفيره

معومات مفيدة بارك الله فيكي

[farawlla07]

السريقوسي
اشكرك لمرورك دي اول مره اشوف راجل مهتم بالتريكو والاشغال النسائيه

[monaH]

ممكن تشرحيلي قبة الضهر اي الحفرة بتاعت الضهر كيف نحردها

ارجو الايضاح

[farawlla07]

السلام عليكم

اتمني تكونو عملتو الجزء الخلفي من جاكت البيبي الضهر يعني
واحنا بداناه ب 6 سطور بليسيه فردي ثم كملنا باقي الاسطر بغرزه الرزه وبعد 18 سم نبدأ حفره الابط او حرده الابط
وهي كحرده الابط للصدر
السطر الاول(مثلا الابط الايمن ) السطر عادي
السطر الثاني(الابط الايسر)وتكملي السطر عادي
وهنا ناخد بالنا الفرق بين الصدر والضهر لان الابيطين بتوع الضهر موجودين علي قطعه واحده
السطر الثالث بتقفلي غرزتين وتكملي السطر عادي
الرابع مثل الثالث
والخامس بتقفلي غرزه واحده وتكملي السطر عادي
السادس مثل الخامس
وتكملي لحد ماتصلي لل11سم كلهم
وبعدين تشوفي الكتف ف الصدر كان كام غرزه معايا انا كانو 12 غرزه تيجي من عند اول السطر وتقفلي 12 غرزه مره واحده وتكملي السطر عادي
السطر التالي بتقفلي الكتف التاني اي 12 غرزه مره واحده وتكملي باقي السطر عادي
شوفي يا مني الجزء ده بتاع الرقبه بتقفل مره واحده
والي يفضل ده يمثل الجزء بتاع الرقبه الخلفيه او الفيه الخلفيه بتقفليهم كلهم مره واحده
اتمني تكونو فاهمين

وده رسم توضيحي لحوراء
والله حاولت الصوره تبقي احسن من كده معرفتش لان الكاميرا بايظه سامحوني