المجتمع الجامعي من تجارب الجامعيات ..... لخريجات الثانويه العامه حيّاكم الله

[الخنســـــاء]

وعليكم السلام ورحمة الله وبركاته

جزاك الله خير شموختي وربي انك تهبلييييييييييييييين
واحبك ف الله
تصدقين عاد اني افكر لي فترررررررررررة
انزل موضوع مو عن الجامعات والكليات
بشكل عام
لا عن كلية العلوم بالدمام
لان فيه كلام كثير ودي اقوله عنهاااا

ولي باذن الله عودة
احس يبغالي قهوووووة وحلى ومركى
عشان اخذ راحتي

[وارثه الطيبه]

وشذا الموضوع شامل وممتـــاز ..

بس تذكرت نفسي .. يوم أني أجلس على الكرسيهم الي ياكل بالحر .. ولا طــاولتهم ألصغيره .. ألي كل شوي أجمع أغراضي من الأرض (( تطيح منهـــا صغييييييييييييره )) متعودين على المدارس إذا مــاكفت طاولتك أغراضك .. حطي الباقي في طاولت صديقتك الي بجنبك ..

طبعا انتي اميرة نفسك بالجامعه والكليه
مافيه وحده بتجلس تفرفر وراك وتقول يابنت يالله على محاضرتك

آآآآآآآآآآآآآآآآآه .. ياشينهم .. وأقعدي دقي معهم سوالف على شان تعرفك وتعرف أسمك وتنجحك ..

[الخنســـــاء]

وهذا أنا جيت << أحلفي

ياحليلكم ذكرتوني بأيام الطفولة

ماشاء الله تبارك الله .. الحبيبات ماخلّوا شيء الا واكتبوه

بس أنا ممكن أذكر لكم تجربتي ..

وبقولها لكم من طقطق إلى السلام عليكو << قصة حياتها ترى

بس ان شاء الله تستفيدوا منها

أنا تخصصي علمي

ولمّا تخرجت من الثانوي بعد جهدٍ جهيد كانت نسبتي بالتسعينات ولله الحمد

كان حلمي وأنا صغنونه أكون طبيبة

بس بعد ماكبرت وعرفت ان الطب لازم فيه اختلاط تنازلت عن هالحلم بالتدريج

بس للاسف كانوا الأهل متعلقين بهالحلم اكثر مني

فالكل يبيني اصير طبيبة ..

وبيني وبينكم كنت محتاره وين أروح

الكليّة ما كان أحد يمدحها يقولون اخلاق البنات مررره مو حلوة

يعني باختصار -سمعة الكليّة شينة -

والجامعة كنت شايلة فكرة أكون طبيبة أو مهندسة

ويقولون ان الجامعة متروسة من أهل الواسطات

والمكالمات تهلّ عليّ من كل حدبٍ وصوب

عمي يقول الطب لاتدخلينه ..

وخالي يقول سجلي طب..

واللي يقولون تعالي عندنا بكليتنا

والـ .. والـ..

طبعاً أنا مشتته مــره..

قلت للوالد..أبغى أدخل دورة بهالسنة وعقبها اكمّل مشوار الدراسة

طبعاً الوالد رفض .. *بنرجع لهالنقطة

ومن عقب استلامي للنتيجة وأنا أستخير بكل يوم

إلى أن جاء وقت التسجيل بالجامعة طبعاً إرضاءً للأهل

رحت .. شافوا أوراقي

قالوا نقبلك بـ علوم طبية تبين أولا ..

قلت في الفور والحال : لا..

أخذت أوراقي رحت للبيت مستانسة الحمد لله ..

و أنا مرتاحه مرّه مع ان اللي حولي مقهورين ..

وبدأ التسجيل في الكلية ..

كنا ذيك الايام نجهز لزواج أخوي بس مو عندنا بالدمام لا بديرتنا

يعني يبي لنا نطقها سفره 800 كيلو

سجّلت .. وحددت الرغبات

كنت مرتاااااحة مررره وراضيه حيل

رحنا للديرة

وعرفت اني قُبلت بقسم الـ ((نبات و أحياء دقيقة ))

دخلت للكليّة يووووه كهرتها من البنات اللي اشوفهم

لا اللبس زي الناس ...والنمص و..الحركات

أول يوم قعدت أدور ع المصلى ..

كانوا حاطين اسهم باتجاه المصلى امشي عند الجدران ادور السهم

وصلني السهم للباب اللي يطلع على ساحة الكلية

خفت ورجعت ماكملت ((طلع المصلى برا الكلية ))

صرت اقعد بالصالة و أنا ووحده من البنات اللي تعرفت عليها

((اللي هي الآن صديقتي ))

كنت متقرفة من الاشكال اللي اشوفها غير الشيعيات اللي انترست منها كليتنا

::

كلّمت بنت جيرانا قالت ان بالمصلى دروس ومحاضرات لداعيات ودكتورات

قايلتها ودلتني ع المصلى ..::..((أحلى مكااااااااااااااااااااان بالكلية))

::

أول سنة مرّت وأنا ما احب الكلية ابد

كنت بس انتظر متى تخلص المحاضرات وتجي الساعه12 واطلع بأي شكل من الاشكال

أما اذا كانت الساعه 2 فالله يعين

::

كانت السنة الاولى فعلاً شيء جديد

اذكر وحده من البنات تستنى الجرس يرن عشان تدخل للقاعه

وبعدحتى كنّا اذا جينا نجاوب نوقّف بس قالت لنا الدكتورة مايحتاج جاوبوا وانتم جالسين

وووو..ماكان فيه واجبات كما فالثانوي

يعني اذا عطتنا الدكتورة واجب فمو لازم تحلينه لكن اللي تبي زيادة درجات تحلّه

وبالكلية ما اقدر احضّر للمحاضرة الجديدة لاني ما ادري من وين تآخذ الكتاب

أحياناً تآخذ الفصل الأول والمحاضرة الثانية تآخذ الفصل الثالث

وبعدين ترجع للفصل الثاني

عاد أنا أسلوبي بحياتي الدراسيه لاااااااااااااازم لااااااااااازم احضّر

-هنا أنصح الجامعيات الحلوات الجديدات

اللي يبون درجات عالية

إذا رجعت للبيت من الكلية أو حتى بسيارتها

تراجع دروسها اللي اخذتها بس تقرآها قراءة عشان تثبت المعلومات

ووشووو بعد

امممم

-طبعاً انصحك مثل ماقالوا البنات ترتزين قدام ,,بالصف الاول

واذا ماتحبين بالصف الثاني وعلى الاقل بالثالث

لان فيه بنات يسولفون وماعليهم من المحاضرة الا عشان حضورهم وغيابهم

فانتِ بتروحين فيهااا ماتدرين وش تقول الدكتورة واذا سألتك ماراح تعرفين تجاوبين

وياماعانيت منها

أرجع من محاضرة المعمل ..وألاقي الصفوف الاولى مليانه فاضطر اني ارجع ورا

واسمعي انواع السوالف .. والله اقول لهم يابنات لو سمحتم اسكتوا

يسكتون خمس دقايق بعدين يرجعون يسولفون ((ما ادري مآكلين مسجل والا ايش؟))

-أما عن التنقلات بين القاعات ندوّر على المحاضرات والدكتورات

وأذكر بأول اسبوع لنا .. غلطوا بالجدول وحطوا معملنا بمكان ثاني

استنينا واستنينا واستنينا مااحد جااا..قلنا الاستاذة غايبة

والله وانا ووحده من البنات قمنا نتمشى بالكلية

يازينها زيناه اذا كانت هادية والبنات بقاعاتهم

والله .. إلا المحاضرة الثانية قالوا لنا البنات انهم حضروا المحاضرة الأولى

كيف ؟وشلون؟

قالوا: انهم راحوا لرئيسة القسم ..واسألوها وقالت لهم مكان المحاضرة الصحيح

وحضروا المحاضرة وانا وصديقتي عطتنا غياب

::وحنا وش درانا عنهم تونا جدد::

طبعاً كان هذا درس لنا

فما تتأخر دكتورة عن محاضرتها الا ونروح لرئيسة القسم ..ونبحلق زين بالجداول

::أما عن الشبكات وما أدراكَ مالشبكات ::

مااااااااعمري الى يومكم هذا كلّمت دكتور ..استحي والله

طبعاً ما انصحكم تصيرون مثلي ..

بس كنت اتابع معه واذا طلب بحث سوينا له ..

وتكون درجاتنا حلووة ولله الحمد والمنة..

-وخلّص العام الأول

رحنا للرياض ..قالت لي زوجة خالي

وش رايك تسجلين بجامعة الملك سعود عندهم طب أسنان

اسحبي ملفك واقعدي عندنا <<طبعاً هالكلام بحضرة امي

قالت امي حلووو

وانا ساااااكتة ..

ولما جلسنا عاد انا وامي قالت شرايك؟

قلت: يمة انا ماعمري ابتعدت عنكم

والا انتِ ماتبيني قريبة منك ..<<تعرف من أين تؤكل الكتف

طبعاً امي ماقالت شيء الا انها فكرت شوي وكأنها غيرت رايها

وبنهاية العام الدراسي الأول

سجّلت بمجموعة

هالمجموعة تكون عبارة عن مجموعة بنات يتدارسون فيها بعض الكتب

الفقهيه والعقدية ..

وتكون عليها رئيسة

نجتمع بيومين في الاسبوع بمكان معيّن بالكلية

ولما ابتدأ العام الدراسي الثاني

كأنا كبرنا شوي

صرنا نعرف الكلية ..زين

وما نضيع ((مرّه كنت بروح للمصلى فغيرت طريقي على بالي مختصر..

مشيت مشيت الى ان وصلت لجدار ماوراه شيء .. وكنت لما امشي قلبي يضرب

مافيه الا مجموعة بنات قليلات..فكانت خطواتي سريعه

كان امر مريييييب.. ورجعت مع طريقي الحمد لله ))

طبعاً تغيروا علينا الدكتورات ..

بعض الدكتورات حبوبة تستانسين معها تروح الساعتين وكأنها نصف ساعه

بعضهم تساعدنا .. وتقول انتم حطوا أسئلة لأنفسكم وجاوبوا عليها وان كانت صحيحه تآخذون الخمس درجات ((شرايكم ف الدلع ))

وبعضهم لا .. يالطيف عصبيات عصبيات عصبياااااااااااااااااات

مايحبون احد يدخل من بعدهم

يقطون كلام ع البنات تريقة وتعليقات

يعني على حسب الدكتورات

::: وتذكروا يا أخواتي ان الدكتورة تتعب تعب .. تخيلي تتكلّم ساعتين متواصلة

تحاول توصل لك المعلومة و بالاخير تلاقي بنات ساهيات و يتكلمون واللي تطقطق بالعلك يعني هي تبذل اللي عندها فأنتِ ساعديها على هالشيء:::

-ايه بغيت انسى احنا عندنا بالكلية (كلية العلوم)

ساعة ارشاد في الاسبوع

فيه تجتمع بعض من هيئة التدريس مع الطالبات

ويسألوونهم عن اللي يزعجهم و مشاكل الدراسة

وممكن يفعلون هذه الساعه ببرنامج يستفيدون منه

مثل ماسوينا حنا العام الماضي ..

عزمنا هيئة التدريس ..وحضروا طالبات من برا فرقتنا

وكان عرض بوربوينت وكلمة من احد خريجات قسم النبات

وكلمة من استاذتنا

كان ذلك اليوم حااااااافل وممتع

..

امممم

ونجي لانشطة الكلية

أما انا ما اعرف اقول سجلوني معكم

يعني فيني صفة ما اواطنها ((الخجل المكروه))

يعني فيه بنمات يعرفوني سجلوني معهم

كان اسبوع عن نصرة الرسول

هذاك الاسبوع كان روووووووعه روووعه رووووووووعه رووووووووعه

بمعنى الكلمة ..

تعرفت من خلاله على بنات خلوقات جداً جداً جداااااااااااااااااً

وهممهن عالية ..

حبيت الكلية من بعدهم ..

صرت اتمنى اني اقعد مو للساعه 2 الا للساعه 3

اهم شيء اكون برفقتهن ..

وكمان قبل هالاسبوع كنت داخله اسبوع عن النباتات والاعجاز فيها

طبعاً كانت انطلاقتي من هالاسبوع

::

وبعد ايش

امممممممممم

اممممممممممممممم

بكليتنا مسمين بعض الاماكن

مثل (فلسطين) و (البانيا) و (الاندلس) و (الارض الطيبة )..

في هالاماكن تُلقى بعض الدروس من الطالبات

يجتمعون مع بعضهم البعض

بصراااااااااحة رووووعه روووووووعه

هالكلية وربي حبيتها سبحان الله مغير الاحوال

::فاقول لكم حبيباتي .. احرصي على الدروس والمحاضرات والحلق وابحثي عن صديقتك

بتلك الاماكن ..::

امممممممم

امممممممممممم

اممممممممممممممممممممممم

عن الدفتر

انا استحدم دفتر واحد لكل المواد..الا اللي تحتاج لتأشير بالكتب او دفاتر المعامل

بس شكلي بشتري لكل مادة دفتر بداية من السنة الجديدة..

اذكر صديقتي باول سنة كانت جامعة المواد بدفتر واحد

وعلى قرب الاختبارات انسرق الدفتر

كان شيء يرفع الضغط

وتعبت وهي تنقل وتكتب حتى احنا قعدنا نكتب معها لان مابقى وقت ع الاختبارات

فانتبهي لاغراضك اكثر اذا قربت الاختبارات

فبوقتها يظهرون لصوص الدفاتر

(*نرجع للنقطة ..سبحان الله لو وافق الوالد على رأيي لما وجدت مجموعه

هذه السنة لأن اغلب رئيسات المجاميع تخرجوا ..

ولما تعرّفت على أخيات غاليات ..ولما عرفت رئيسة مجموعتي التي أحببتها من كل قلبي..فسبحانه تعالى

استخرته فوجدت طعم وبركة هذه الاستخارة في كل وقت من دراستي

ان حصل لي شيء بالكلية ..من غياب أو غيره

فنفسي راضيه

لانني استخرته سبحانه)

لا احد يقول هذه قصة حياتك

انا قلتلكم من البداية

ويارب اكون قدمت شيء وماتكون هذرتي ع الفاضي

[[ ضــــي ]]

وعليكم السلام ورحمة الله وبركاته ..

يعطيج العافية شمووخ ..

لا احد يقول هذه قصة حياتك

اييييي والله شبه قصة حياة >>>

ويارب اكون قدمت شيء وماتكون هذرتي ع الفاضي

اييي والله استتتتتفدنا يعطيج العافية ... انتي بعد ما قصرتي ..


حبيت اسلم واتفرج عا لموضوووع ..

دعواتكم لاني فترة امتحانات ..


قنووو

[دكتوره عسولة]

السلام عليكم ورحمة الله..
اممممم وش أقول ؟؟
صراحه البنات ماتركو شيء ما شاء الله عليهم
بس بأقول أشياء يمكن تفيدكم
*أول شيء وأهم شيء انك ماتنادين الدكتوره إستاذه>>> وحده متعقده

*ولازم تعرفين شيء عرفته متأخر بس بعد مافات الفوووت انه في الأترام الأولى لك في الجامعه معدلك بسهوله يرتفع ومو أي ارتفاع ألا يطير فووووق أما الأترام الأخيره والله لوتاخذين فيهم امتياز
مايرتفع معدل كامل" أي واحد صحيح" لأ يرتفع بأرقام قليله بعد الفاصله يعني شدو حيلكم..


*وشيء مهم يخليك تصبرين ع الجامعه وبلاويها ღ♥ღالمـــ ـــصــــ ــــلى ღ♥ღعطيه شوي من
وقتك ولا راح تندمييين

*وخليك مع الدكتوره top يعني شاركي تكلمي ناقشي خذي راحتك في المحاضره واثبتي وجودك

*وكمان شغله ترى في الجامعه المسؤل الأول و ألأخير عن دراستك انتي وبس مافيه أحد وررراك
فهذا الشيء لا يخليك تنبهرين بالجامعه وتتسكعين في شوارعها
وتنطنشين محاضرات>>> لا تسوون زي ترى كنت كذا

*وشغله ثانيه لا تخلين أحد يحضرك يعني يوقع بدالك في المحاضره كأنك حاضره
ترى حراااااااااااااام ويعتبر غش للدكتوره

*أما بالنسبه لدفتر المحاضرات صراحه في البدايه ماكنا نكتب شيء أما بعدييين
لكل ماده دفتر ومو أي دفتر ولا وأحيانا مع المرجع

*ايه ذكرت ترى طريقه دراستك لازم تختلف شوي يعني لازم تعتمديين على مراجع حتى لو لم تطلب منك حتى ماتتوهقين أخر الأترام لأن بيكون الإعتماد الأكبر على المراجع
وبس هذا اللي عندي .

اه صح نسيت أقولكم أنا من جامعة الملك سعود// قسم كيمياء حيويه وقريب أتخرج ياااارب ادعوووولي

وفيه موضوع من زماااان يتكلم عن أقسام بعض العضوات :

http://www.lakii.com/vb/showthread.php?t=139029

بااااااااااااي

[شعنونة المنتدى]

الله يسعدك يا غالية يا شموووووووخة


كتييييير استفدت

الله يوفقنا جميعا


طيب بدي أسألكم للبنات اللي في جدة .. مين منكم في كلية عفت أو كلية دار الحكمة ...؟؟؟
و ايش بتعرفوا عنها ؟؟ هل هي كويسة ؟؟

و مرة تانية شكرا لك شموخة و لكل البنات اللي أفادوني في هالموضوع

[شمووخ همّه]

هلاوالله والف مليون غلا بالحبيبات

خنوسة
يسعدلي قلبك على هالقصة
الله يوفقك ويحقق أمانيك
ياحبي لِك ياخنوسه

وارثه الطيبه
ياقلبي حياك الله الله يسعدك

اقانيم
ياهلا والله بقنومه
لِك وحشه يالغلا
الله يسعدك

دكتوره عسوله
ياهلا والله فيك
الله يسعدك على هالنصايح
ويوفقك وتفرحين بتخرجك ياارب

شعنونة المنتدى
ياهلا والله فيك
الله يسعدك يارب
كان نفسي افيدك بالرد على اسئلتك
بس ماعندي خلفيه عن كليات جده
باذن الله البنات يساعدونِك

[الخنســـــاء]

الله يسعد الجميع ويسعد قنووو .. بشرينا عن النتيجة

[حلى قهوه]

ياحبييييييييييييييييييييل قلللللبك ياشمووووخه


ياليتني داريه من زمان عن الموضوع

والله يعينا على جامعة جده

والله خاااايفه مره منها ومن بناتها

[الأبلة نونو]

يااااااااااااااااااااااااااااي شالهموضوع الروووعة

يسعدك ربي ويوفقك ياشوشوووووجد فرحتيني واسعدتيني بقوووة من قلبي أقوولك الله يسعدك

انا قريبة شوووق لكِ يالغلاوكثير تسلم عليك وكانت بودها تشارككم بس انا أكون نائبة عنها الدبة !!

المهم انا استفدت كثير من الموضوع بس يالغلا ممكن سؤال لك وللبنات اللي لهم خبرة بالموضوع

انا دخلت مع شووق بجامعة الامامم ياليت تدعونلنا بالتوفيق قســم انجلــش

بس بودي اعرف كم محاضرة ياخذون باليوم؟؟

وكم مادة؟؟ ومين احسن ادب انجلش او لغة؟؟

وكل يوم في محاضرات ؟؟ظ
ابي معلومات الله يخلييييييييكم اللي تعرف شي ممكن يفيدنا ياليت تساعدنا وسلامتكم

حبي لكم

[أم البنفسج]

كل ما نخشاه ان تتحول أماكن العلم والتعلم الى أماكن وللاسف لا تمد الى العلم والثقافة بشئ وخاصة في وقت نحن احوج ما نكون فيه الى سلاح العلم والذي هو القوة الوحيدة طبعا مع الايمان القوي والراسخ

[nonos118]

مشكورة حبيبتى على الموضوع فعلا كانت احلى ايام وقت الجامعة بس الكليات العملى وما ادراكى اوقات لوقت متاخر وابحاث فى المكتبة او ميدانية واللى ماتعرفش ميدانية (انها تعملها فى الشارع مع المواطنين)مثلى بس فعلا كان احلى الاوقات مع الاصدقاء العزاز اللى يساعدوا بعض فى كل شىء وبعد الدراسة يفضلوا مع بعض
.

[الأبلة نونو]

يااااااااااااااااااااااااااااي شالهموضوع الروووعة

يسعدك ربي ويوفقك ياشوشوووووجد فرحتيني واسعدتيني بقوووة من قلبي أقوولك الله يسعدك

انا قريبة شوووق لكِ يالغلاوكثير تسلم عليك وكانت بودها تشارككم بس انا أكون نائبة عنها الدبة !!

المهم انا استفدت كثير من الموضوع بس يالغلا ممكن سؤال لك وللبنات اللي لهم خبرة بالموضوع

انا دخلت مع شووق بجامعة الامامم ياليت تدعونلنا بالتوفيق قســم انجلــش

بس بودي اعرف كم محاضرة ياخذون باليوم؟؟

وكم مادة؟؟ ومين احسن ادب انجلش او لغة؟؟

وكل يوم في محاضرات ؟؟ظ
ابي معلومات الله يخلييييييييكم اللي تعرف شي ممكن يفيدنا ياليت تساعدنا وسلامتكم

حبي لكم

الله يسعدكم يارب استفدت منكم كثيررررررررررررررررررررررررررررررررررررررررررررررر ررررررررررررررررررررررررررررررررر

[اميرة العرب]

ه ه ه ه هههههههههههههههههههههههههههههه ه ه ه ه
كخكخكخكخكخكخكخكخكككخكخكخكخكخكخكك كككككككككككككككككككككككك

طيب في جرس..؟؟؟يصفر علشان يعلن لبدء محاضره جديده؟؟<<البنت هذي شكلها بتضييع

والله العظيم انت ضحكتيني موووووووووووت وين انت جايبه هالافكار ولا وين عايشه
ياحياتي انت

[القلم الوردي]

::

يرررررررررررررررررفـــ ع

بمناسبة العودة للمدارسـ

::