موسوعة المطبخ السوري >> بالخطوات المصورة <<

[مـiـى]

هلا أختي اليلاس

ممممممممممم بموت بالمطبخ الشامي

و أنا كمان ,, يعني شو ما جربت أكلات برجع بقول المطبخ السوري غيررررر

سيري يا حبيبتي بملفك ونحن من ورائك

ألف شكر حبيبتي على التشجيع ,, نورتينا




هلا حبيبتي أم البنات

اممممممممم اختك من محبات المحاشي بجميع الاشكال و جميع الخضر

و أنا مثل حكايتك ,,, و خصوصاً الخضر ..
فرطيلي ريقي

البطاطس المحشية عندي بطبخها اولا على البخار ثم احشيها و ادهنها بالزبدة و عالفرن على طول بتطلع محمرة و مقرمشة

طريقة لذيذة ,, كنت من زمان جربت أحشيها و ألتها بالكعك و البض و بعدها على القلي ..
تطلع غير شكل

و ان شاء الله اجربها لانها عن جد سهلة و لذيذة

أنتظر نتائج تجربتك غاليتي

تقبلي مني تحية احترام و تقدير لك و لكل اهل سوريا الاحباء

ألف شكر لك على ذوقك و لطفك ..
نورتيني يا عسل




هلا أختي nadader

بس ممكن سؤال، كيف أحفر البطاطا؟ بالسكين العادي؟

لأ حبيبتي ,, تحفريها بمحفرة المحاشي العادية ,, إلي تستخدمينها لباقي المحاشي
و ممكن تستعملي لب البطاطا لعمل مفركة أو عجة

مشكورة حبيبتي للمرور ,,
و أي سؤال أنا حاضرة




هلا وعودة

ميت السلامة يا منمن

الله يسلمك يا عسل ,, كيفك

والف مبروك الكاميرا .. عقبالنا يااااااارب

الله يبارك فيك يا رب ,, و إن شاء الله تلحقيني قريب

مجهود اكثر من رائع ومش غريب عليك يا بنت حلب

الله يسلمك يا أم الذوق و المفهومية كلها


أقلك وعودة ..

فاكرة من شي سنة تقريباً لما نزلت حمامة الجنة موضوع في ملتقى الإخاء لحتى تتخاوى كل عضوتان في المنتدى و طلعت أنت أختي في الله
امبارح قبل ما نام تذكرت الموضوع و كتير كتير خطرت على بالي ..

و دعيتلك من جوى قلبي

ربي يوفقك و يوفقك لك عيلتك كلها

[وعود الخير]

ربي يسعدك يا منمن
ما بتعرفي أديش ارتحت ودمعت عيوني لما قريت هالكلمتين اللي حاسة انهم طالعين من القلب لهيك دخلوا القلب على طول

[طيـــف]

مبروووووك الف مبروك حبيبتي

مفروض الكاميرا تكون منا احنا

بس لحتى نضمن اشهي الاطباق

[um Usama]

السلام عليكم ورحمة الله وبركاته اختي منى
حبيبتي بدي منك لو سمحتي طريقة "البسمشكات" لا اعرف اذا مظبوط اللفظ ام لا !!!
زوجة اخي من الشام وحكيتي عنها بس لا تعرف كيفية طبخها وصار عندي فضول عن هالاكلة حتى سألت اللحام عنها فكرني عم اهلوس
ومشكورة يا قمر

[مـiـى]

هلا ام لومي

السلام عليكم ورحمة الله وبركاته

و عليك أفضل السلام و أتم التسليم

موضوع وايد حلو روعة الصراحة

الله يسلمك غاليتي على التشجيع

بانتظار المزيد من الوصفات الرائعة

مشكورة حبيبتي ,, نورتينا



هلا أختي MISS_CHEF

بسم الله الرحمن الرحيم

بانتظار المزيد

إن شاء الله ,, نورتي موضوعي غاليتي ..



هلا حبيبتي ام البنين

بسررررررررررررررررررررعه كملى أنا عم أستني على نار

و هذا الوجه


موتني من الضحك

بس إستني إحكيلي
إنت حفرتي البطاطا بمحفرة الكوسا
أأأخ عندي صاحبة مغربية عندها محفرة للبطاطا جايبتها من المغرب بتجنن بس أروح على الأردن بدي أدور على واحدة زيها

تمام حبيبتي

أنا حفرته بمحفرة الكوسا العادية

مشكورة يا قلبي على الرد الحلو ..



هلا أختي اسهار

السلام عليكم ورحمة الله وبركاته

و عليك أفضل السلام و أتم التسليم

اولا مبروك الكاميرا
ثانيا انا من محبي الاكلات السوريه
ثالثا شكرا
رابعا ننتظر المزيد

شكرا أولا و ميرسي ثانياً و ثانكس ثالثاً و مشكورة رااابعاً

نورتي موضوعي و مية أهلا و سهلا فيكِ



هلا أختي ام فيء

روعة يعطيك الف عافية

الله يعافيك يا عمري ,, نورتي الموضوع

[مـiـى]

هلا بحبيبة قلبي العسل لنلونتي

منمونتي يسلموا ايديكِ
شكلها بشهي كتييييييييييييييييييير

الله يسلمك يا كتكوتة منى

بصير نحشي رز لانه زوجي ما بحب اللحمه المفرومه

هو في ناس بيحشوها بالرز و اللحمة ,, بس أنا أحسها أطيب بهذه الحشوة

و كمان هيدي شغلة عادية للذوق

الله لا يحرمنا من وصفاتك

و كمان الله لا يحرمني من أخوتك جبيبتي





هلا و مية هلا بأم ليث

والمطبخ الحلبي غني عن التعريف هو واهله

عندي اصحاب من حلب وكثيرا مايعملون الاكلات الحلبية اللذيذة ويرسلوا لي منها اليوم ارسلو لي بطاطا مهروسة وبين الطبقتين لحمة مفرومة مع الصنوبر لذيذة جدا

ممممممم


يمكن المطبخ الحلبي كتير طيب لأنه أخذ من الشام شوي و من تركيا شوي


الله يسلمك حبيبتي و مشكورة حبيبتي على الرد




وعودة

ربي يسعدك يا منمن
ما بتعرفي أديش ارتحت ودمعت عيوني لما قريت هالكلمتين اللي حاسة انهم طالعين من القلب لهيك دخلوا القلب على طول

ان شاء الله مرتاحة على طول ,, و أكيد الكلمة لما رح تطلع من القلب حتوصل للقلب مباشرة




هلا أختي فاتحة

تسلم ايديك على هذه الطبخة الحلوة ... ان شاء الله اجربها

وهاتي المزيد
اختك فاتحة

بإذن الله ,, و أنا بانتظار تجاربك

نورتي موضوعي حبيبتي





هلا طيوفة

مبروووووك الف مبروك حبيبتي

مفروض الكاميرا تكون منا احنا

بس لحتى نضمن اشهي الاطباق

الله يبارك في عمرك حبيبتي

روحي الله يجبر بخاطرك ..

نورتي موضوعي برك يا عسل

[مـiـى]

هلا با أسامة

السلام عليكم ورحمة الله وبركاته اختي منى

و عليك أفضل السلام و أتم التسليم

حبيبتي بدي منك لو سمحتي طريقة "البسمشكات" لا اعرف اذا مظبوط اللفظ ام لا !!!

اللفظ مضبوط و تمام و الأكلة هذه رااائعة

زوجة اخي من الشام وحكيتي عنها بس لا تعرف كيفية طبخها وصار عندي فضول عن هالاكلة حتى سألت اللحام عنها فكرني عم اهلوس

تكرم عينك حبيبتي ,, بس بدك تنطريني شي اسبوع لحتى نزلها مصورة أو أقدر أقلك على طريقتها من دون تصوير اليوم

ومشكورة يا قمر

الشكر لك أنت ,, و مية السلامة بهل القامة




الوصفة القادمة















الصورة بتحكي لحالها

[shoog2006]

بسم الله الرحمن الرحيم السلام عليكم ورحمة الله وبركاته
جزاك الله خيرا

[**ام البنات **]

و أحلى كبة لبنية من احلى البنات

ياالله بسرعة بانتظر الطريقة يا قمر

[مـiـى]

اكلتنا اليوم غير شكل ,, من أكثر الأكلات إلي انسألت عنها في هذا المنتدى .. و عشان هيك شرحتها بالتفصيل الممممملللل ,, إن شاء الله يكون كل شي واضح و تشجعكم الصور لحتى تجربوها ,, أكيد عرفتوا عن شو عم أحكي من الصورة















الكبة اللبنية

المرحلة الأولى :

طريقة عمل عجينة الكبة :

المقادير :

ربع كيلو برغل أسمر الخاص بالكبة ( من النوع الناعم )
ربع كيلو ( أو 200 غ ) لحمة هبرة
2 بصلة كبيرة مقشرة و مقطعة أرباع
ملح , بهار

الطريقة :

- ينقع البرغل بالماء البارد مدة 10 إلى 15 دقيقة ثم يصفى جيداً .



- يطحن على ماكينة فرم اللحمة مع البصلة ثلاث مرات .



- ندعك البرغل باليد ( نبلل يدانا بالماء البارد أثناء العجن ) أو على العجانة الكهربائية كتير منيح .



- نضيف اللحمة الهبرة , و أنا أجيبها جاهزة من عند اللحام و بتكون مفرومة و ناعمة مثل المرهم ..

و ندعك حتى نحصل على عجينة متماسكة و طرية .




المرحلة الثانية

الحشوة :

المقادير :

نصف كيلو لحمة مفرومة
جوز مقطع ناعماً
بهار و قرفة و ملح


الطريقة :

- نقلي اللحمة في مقلاة تيفال ( حتى لا أستعمل دهون ) و نتبل بالملح والبهارات , و السر كل السر في القرفة , ويحرك على النار حتى تستوي اللحمة و تجف ميتها تماماً


- نرفع الحشوة عن النار و نضيف الجوز و هيك بتكون الحشوة جاهزة ,





المرحلة الثالثة :

- تحضير أقراص الكبة :

- نقطع عجينة الكبة إلى دوائر




- ترق كل قطعة مثل الصورة باستخدام الإصبع لنعمل فيها حفرة :




- بعدها تحشى القطعة بالحشوة :



ثم نقفلها و يكون أمامنا صحن فيه ماء بارد لحتى نبلل أيدينا به و نحرك قرص الكبة بين أيدينا مثل الصورة لحتى ينقفل تماماً :



و هذا الشكل النهائي



- نصف القطع على صينية مغطاية بكيس نايلون لحتى ما تلزق



- نغلي ماء و ملح ,, و بعد ما يغلي تماماً نطب فيه كم قرص ..
ما نكتر الكمية لحتى ما ينتزعوا
و نخليهم يغلوا مدة 5 دقائق تقريباً



- نرفع القطع على مصفاية ...

[مـiـى]

المرحلة الأخيرة :

- نضع 2 ليتر لبن غنم مع 3 أو 4 ملاعق رز مطبوخ مع بيضتان في خلاط العصير و نمزج الكل حتى يطحن الرز .




- نضع مزيج اللبن على النار مع شوية نعناع يابس مطحون و شوية ثوم .




و نحرك الكل على نار متوسطة ..حتلاحظي أن اللبن بدأ يسمك ..




أخيراً أضيفي قطع الكبة الجاهزة و خلي اللبنية تغلي على نار هادئة مدة عشر دقايق .. بس انتبهي لأن البن ممكن يعلق في الطنجرة إذا تركتي اللبنية كتير على النااار



- أخيراً تقدم اللبنية مع النعناع الطازج و الفجل المقطع و بالصحة و العافية ..

[مـiـى]

اللبنية ما نجحت معاك !!!!! أقللك على الأسباب ؟؟؟




- اللبن فرط معي :

- أكيد بتكوني نسيتي تخفقي بيضة مع اللبن ,,

بالنسبة لي أنا كنت أضيف معلقة نشا ,, بس مرة حماتي قالتلي على البيضة في اللبن و لما جربتها ما بقى فكر في النشا أبداً لأنها أسهل و ما بتخلي اللبن يسمك كتيرررر .




- اللبن علق في الطنجرة :

و لوووو
مو اتفقنا أنك ما تتركي اللبن على النار أبداً من دون تحريك ,, لو حركتيه المرة الجاية مش رح يعلق معك بإذن الله .




الكبة فرطت لما حطيتها في الماي :

- شو نسيت أني قلت ما تحطي الكبة إلا لما تغلي الماي ,, المرة الثانية استني لما تغلي الماي كتير منيح مع الملح , و كمان لا تنسي الملح , و بعدها حطي أقراص الكبة .

- أو يمكن تكوني كترتي كمية الأقراص ,, لا تحطي أكثر من عشر أقراص كل مرة




الكبة فرطت لما حطيتها في اللبن :

- ممكن تكوني قللت الهبرة
المرة الثانية حطي لكل ربع كيلو برغل إما ربع كيلو هبرة أو 200 غ حسب الذوق ,,, بس مش أقل

- أو ممكن تكوني خليتي أقراص الكبة تنسلق كتير في الماي
المرة الثانية لا تخلي أقراص الكبة أكثر من خمس دقايق .





- ممكن فرز قطع الكبة و استخدمها عند اللزوم ؟؟

أكيد ممكن تفرزي قطع الكبة , حطي أقراص الكبة في صينية ممدود عليها كيس نايلون و حطي الصينية في الفريزر و بعد أن تجمد القطع تماماً حطيها بكيس ..
- عند الإستخدام ذوبي شوية ماء مع كووورن فلور ثم ضعيهم مع ماء و ملح على النار وبعد أن تغلي الماء شوي أضيفي أقراص الكبة المجمدة بكمية قليلة و دعيهم حتى ينضجواا , بس لا يخطر في بالك أن تتركي البوظ يحل عن الكبة .. استخدميهم من الفريزر على الماء المغلي على طول حتى لا تفرط هذه الأقراص ...

[مـiـى]

من الأمثال الحلبية :
- بعد الأم , احفر و طم
و هذا مثل يدل على أهمية الأم في حياة أولادها

- يا مسترخص اللحم , عند المرق تندم






و أترككم مع صورة الطبق القااادم

[مـiـى]

هلا أختي shoog

بسم الله الرحمن الرحيم السلام عليكم ورحمة الله وبركاته

و عليك أفضل السلام و أتم التسليم غاليتي

جزاك الله خيرا

و لك بالمثل عزيزتي ...

مية أهلا و سهلا فيكِ يا عمري ,,, و فرحتي كبيرة أن أول مشاركة لكِ هي رد على موضوعي

ننتظر مشاركاتك عزيزتي و نورتينا





هلا يا أم أحلى كتكوتات

أحلى كبة لبنية من احلى البنات

ياالله بسرعة بانتظر الطريقة يا قمر

ألف شكر لك على التشجيع ,,

الصراحة ردودك عم تفرحني و حاسة كأني كسبت أخت جديدة

[um Usama]

بسم الله الرحمن الرحيم

ما شاء الله عليكي يا منمون ست بيت بكل معنى الكلمة وجاهزة لكل شي ، انا بعمل كبة بس حبيت طريقتك وطبخك للبن غير شكل 100/100 يا قمر

حبيبتي عشان البسمشكات انا طماعة وحابة اشوف الصورة مع التطبيق اذا ما في سقلة وعلى اقل من مهلك وانا متابعتك على طول ان شاء الله

وبأنتظار المزيد من الاكلات الشهية بس الاكلة المقبلة ما عرفت الصورة؟؟؟

بارك الله فيكي وبعائلتك وصورة البنوت هي بنتك؟؟ما شاء الله قمر لامها